Tuesday, June 14, 2011

"హెడ్ లైన్స్ టుడే" ప్రిన్సిపల్ కరస్పాండెంట్ గా SNV సుధీర్

ఇంగ్లిషు ఛానల్స్  వారు తెలుగు, ఆంగ్లం రెండూ వచ్చిన వారిని కాకుండా ఇంగ్లిషు మాత్రమే వచ్చిన తమిళులనో, మలయాళీలనో హైదరాబాదులో పోస్ట్ చేయడం చాలా రోజులుగా జరుగుతోంది. దీనివల్ల కనిపించని నష్టం జరుగుతుందనేది ఎవ్వడూ పట్టించుకోడు. విశాఖ మన్యంలో గిరిజనుల సమస్యలు, నల్గొండలో ఫోరైడ్ బాధ...వంటి అంశాల పట్ల ఇక్కడ పుట్టి, ఇక్కడ చదువుకున్న జర్నలిస్టుకు ఉన్న అవగాహన వేరే ప్రాంతం వాడికేమి ఉంటుంది చెప్పండి. ND-TV కి చాలా ఏళ్లుగా పనిచేస్తున్న సుధీర్, ఉమ దంపతులు పొరుగు రాష్ట్రం వారే అయినా అద్భుతంగా పనిచేస్తున్నారు. వారు కొందరు నేతల పేర్లు పలుకుతుంటే మాత్రం వింతగా, విచిత్రంగా అనిపిస్తుంది. 
చెప్పొచ్చేదేమిటంటే...ఇంగ్లిషు పేపర్లో పనిచేసి, తెలుగు ఛానల్ కు దేశ రాజధానిలో సేవలందించిన సోము నాగ వెంకట సుధీర్ అనే యువకుడు "ఇండియా టుడే" వారి "హెడ్ లైన్స్ టుడే" ఇంగ్లిష్ ఛానల్ కు ప్రిన్సిపల్ కరస్పాండెంట్ గా హైదరాబాద్ లో చేరారు ఒక మూడు రోజుల కిందట. ఈ ఫొటోలో ఉన్నది ఆయనే. 
 ఆంధ్రా యూనివర్శిటీలో జర్నలిజం కోర్సు చేసిన సుధీర్...విశాఖపట్నంలో డెక్కన్ క్రానికల్ రిపోర్టర్ గా ఉండేవారు. నేను "ది హిందూ" విలేకరిగా అప్పట్లో విశాఖలో "టైమ్స్ ఆఫ్ ఇండియా" విలేకరి పత్రి వాసుదేవన్ గారి దగ్గరకు వచ్చినప్పడు సుధీర్ ను నేను చూశాను...ఒక ఐదేళ్ల కిందట. బాగా పైకి వచ్చే కుర్రవాడిగా అనిపించాడు. 
తర్వాత కొన్నాళ్లకు...అంటే సాక్షి పురుడుపోసుకుంటున్న దశలో...వాసుదేవన్ గారు ఆ ఛానల్ ఢిల్లీ బ్యూరో చీఫ్ గా వెళ్లారు. తనతో పాటు సుధీర్ సీనియర్ కరస్పాండెంట్ గా దేశ రాజధానిలో జాయిన్ అయ్యారు. తెలుగు ఛానల్ లో ఎక్కువ ఇంగ్లిషు పదాలు మాట్లాడుతూ కనిపించిన సుధీర్ ను చూస్తే...తను ఇంగ్లిష్ ఛానల్ లో చేరితే బాగుంటుందని చాలా సార్లు అనిపించింది. ఒకసారి ఆ సలహా కూడా ఇచ్చిన గుర్తు.
మొత్తానికి సుధీర్...ప్రిన్సిపల్ కరస్పాండెంట్ హోదాలో ఆ సంచలనాత్మక ఛానల్ లో చేరాడు. ఇప్పటివరకూ..."ఆజ్ తక్" హిందీ ఛానల్ రిపోర్టర్ గా ఉన్న మృదుల "హెడ్ లైన్స్ టుడే" కు కూడా రిపోర్ట్ చేస్తున్నది. ఈ తెలుగు అమ్మాయి తల్లిగారు తెలుగు యూనివర్శిటీలో పనిచేసే మృణాళిని గారు. మృదుల నాకు మాదిరిగానే ఏషియన్ కాలేజ్ ఆఫ్ జర్నలిజం (ఏ.సీ.జె.)లో చదువుకుని తర్వాత ఇండియా టుడే గ్రూపు వారి "మెయిల్ టుడే" అనే ఇంగ్లిష్ టాబ్లాయిడ్లో పనిచేసి మానేసింది. నేను "ది హిందూ" వదిలేశాక..."అవుట్ లుక్" మ్యాగజీన్లో మంచి ఉద్యోగం వచ్చినా డబ్బు పిచ్చిలో పడి "మెయిల్ టుడే" లో స్పెషల్ కరస్పాండెంట్ గా చేరి...ఇన్నాళ్లూ సంసార పక్షంగా బతికిన మనకు ఈ తరహా జర్నలిజం పడదు బాబో....అని వదిలేసి అమెరికా పోయాను...చిన్న ఫెలోషిప్ మీద. సొంత కథ ఎందుకుగానీ...సుధీర్ ఈ వృత్తిలో మరింత రాణించి ఎన్ డీ టీవీ సుధీర్ ను తలదన్నే జర్నలిస్టు కావాలని మనస్ఫూర్తిగా కోరుకుంటున్నాను. Wish you good luck, brother.

4 comments:

muralirkishna said...

sudheer inkaa enno heights ki edgaali ani korukutunnamu ..we miss u sudheer ..

Ram_Anv said...

NDTV lo pani chesee Sudhir...Jagan ki agent....aina blog chusthe chalu, aa vishayanni evaraina cheputharu

we4telangana said...

SUDHIR,UMA SUDHIR MANCHI JOURNALISTS AINAPPATIKI AP NEWS COVERAGE MATHRAM ENGLISH CHANNELS LO CHALATHAKKUVA.VELLU APPUDAPPUDU KANIPISTHUNTARU.ANY WAY ALL THE BEST SUDHEER.COVER THE PROBLEMS OF AP.

Murali Krishna said...

Dear sir i am Murali Krishna,
Ramu garu mimmalni chusaka naku Tv anchor kavalani undi, Navoice Rajanikanth la bagane untundi, Avakasam istara....can u courage me..Really my voice is good sir...

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి