Wednesday, September 30, 2009

ప్రముఖులు మరణిస్తే..ఆ వార్త టీవీలో చదవటం ఎలా?

ముఖ్యమంత్రి వై.ఎస్. రాజశేఖర రెడ్డి గారు మరణించినప్పుడు తెలుగు టీవీ చానెళ్ళు చూసిన ప్రజలు రెండు కారణాల వలన బాధ పడ్డారు. ఒకటి, రాష్ట్రం క్లిష్ట సమయంలో వున్నప్పుడు ధైర్యవంతుడైన వై.ఎస్.ఆర్. అలా దారుణమైన రీతిలో అకాల మరణం చెందటం. రెండు, ఎన్నికలకు ముందు పొలోమంటూ పుట్టుకొచ్చిన ఈ సవాలక్ష టీవీ ఛానళ్ళు ఆ వార్తలను అందించిన తీరు.

శరాఘాతం లాంటి ఈ వార్త మేము ముందు అందించామంటే మేము ముందు అందించామని...ఈ వార్తాహరులు చాటింపు చేసుకునే ప్రయత్నం చేసారు. చావు వార్త అయినా సరే ముందు అందించామన్న పైశాచిక తృప్తి యాంకర్లలో కనిపించింది కాసేపు. ఒక వీర విక్రమార్క ప్రచండ జర్నలిస్ట్ తెరమీద వుద్వేగానికి లోనవుతూనే..."మేము ఈ విషయం ముందుగానే చెప్పాం," అని సగర్వంగా ప్రకటించాడు. అట్లా చాటింపు వేసుకుంటేనే టి.అర్.పి. రేటింగ్ పెరుగుతుందా...అన్న దానిపై ముందు సర్వే ఒకటి జరిగితే బాగుణ్ను.

మార్చి మార్చి ఆ రోజు తెలుగు చానెళ్ళు చూసిన జర్నలిస్టులు తలపట్టుకునేట్లు చేసాడు... ఒక మాంచి సీనియర్ జర్నలిస్ట్. నిజానికి ఈయన ఆంధ్ర పాలిటిక్స్ లో కండలు తిరిగిన కలం వీరుడు. వై.ఎస్.తో వున్న చనువు, పరిచయం, అనుబంధం ఇత్యాది కారణాల వాళ్ళ కావచ్చు...ఆయన అదుపు తప్పి పోయారు. భద్రాచలంలో శ్రీ సీతారామ చంద్ర స్వామి కల్యాణం సందర్భంగా భక్తి రసంతో అయ్యవార్లు కూడా ఇలాగే అదుపు తప్పి రెచ్చిపోయి గంగా ఝరిల సాగిపోయే ప్రసంగం చేస్తారు.

"మనోడు ఏంట్రా బాబు..భద్రాచలంలో కల్యాణం ప్రత్యక్ష ప్రసారంలో లా మాట్టాడే స్తన్నాడు?" అని నిజంగానే ఒక మిత్రుడు నొచ్చుకొని ఎస్.ఎం.ఎస్. పంపాడు. ఇదేమిటా అని చూద్దును కదా..అది నిజమే అనిపించింది. "ఏంటి ఈయన ఇలా చదువుతున్నాడు," అని జర్నలిస్ట్ అయిన నా భార్య కూడా అన్నది. కచ్చితంగా...నేను కూడా చెబుదామనుకున్నదే నువ్వు అన్నావు...అని తొమ్మిదో తరగతి చదివే నా కూతురు టీవీ ముందు నుంచి లేస్తూ అందుకుంది. మా ఇంట్లో ముగ్గురికి నచ్చంది..అఖిలాంధ్ర ప్రజలకు నచ్చకూదదన్న రూల్ ఏమీ లేదు.
టీవీ తెరపై సదరు సీనియర్ రన్నింగ్ కామెంటరీ తీరుపై చాలామంది సిన్సియర్ జర్నలిస్టులు కూడా కామెంట్ చేసారు. ఎంతటి కొమ్ములు తిరిగిన వారైనా..భావోద్వేగంలో ఇలా అయిపోతారు కాబోలు...అనిపించింది. ఈ సీనియర్ను కించ పరచడం నా వుద్దేశ్యం కాదు సుమా!

జర్నలిజంలో ట్రైనింగ్, గ్రీనింగ్ పనిలేకుండా....ఏ మీడియా అంటే ఆ మీడియాలో మనం బ్రహ్మాండంగా దంచేయగలం అనుకుంటే యిలాగే వుంటుంది మరి. మీడియాలో--ప్రింట్, ఎలక్ట్రానిక్, వెబ్ జర్నలిజం అని వేరు వేరుగా అందుకే ట్రైనింగ్ ఇస్తారు. ఆ శిక్షణ తీసుకుంటే ఏ సందర్భాన్ని బట్టి ఎలా వుండాలి, ఎలా మాట్లాడాలి..ఎలా రాయాలి..నేర్పిస్తారు. అప్పుడు..."ఈ నేపధ్యంలో" వంటి పడికట్టు మాటలు లేకుండానే టీవీకి కాపీ రాయవచ్చు.

పెను విషాదమైన ఈ మరణ వార్తను చక్కగా డీల్ చేసిన తెలుగు చానల్స్ లేక పోలేదు. ఐ-న్యూస్ తో పాటు టీవీ-ఫైవ్ కూడా సమయానికి తగినట్టు ఆ వార్తను ప్రసారం చేశాయని అనిపించింది. రోజా, వెంకట కృష్ణలు తమ స్వరాలను తగ్గించి..నిదానంగా..ఆచి తూచి పదాలు వాడుతూ... విషాదాన్ని ప్రతిబింబింప చేసారు. మరికొన్ని చానెల్స్ కూడా బాగానే చేసి వుంటాయి.

ఇక్కడ ఎవరిని అని లాభం లేదు. పర్ఫెక్షన్ ఎవ్వడికి అక్కర్లేదు యిక్కడ. కలిపి కొట్టరా కావేటి రంగా.. వ్యవహారం నడుస్తున్నది. అందుకే ప్రెస్ అకాడెమీ వారో...కొన్ని విశ్వవిద్యాలయాల వారో..కాస్తంత ముందుకు వచ్చి...ప్రింట్ నుంచి టీవీకి వున్నపళంగా జంప్ అయిన సర్వ శ్రీ సీనియర్లకు, జూనియర్లకు వెంటనే ప్రత్యేక శిక్షణ ఇప్పించి పుణ్యం కట్టుకోవాలి. లేదంటే..తెలుగు టీవీ క్షకులు చచ్చి వూరుకుంటారు.

8 comments:

VIJAY KUMAR PAGIDIKATHULA said...

sir we are very happy, to create and updateing rugularly your blog. its very good for professionlisim to share ideas in any field. all the best.

Anonymous said...

hi annayya.. mee prayatnam abhinandaneeyam. vibhinna amshalu chadivinchela unnayi.. vyaktigatha vidweshalevi lekunda media vyavasthanu niladeeyadaniki, journalistula krushini prashamsinchadaaniki ee vedika upayoga padaalani korukuntunna..

kvramana said...

I completely agree that the senior you were mentioning about was actually giving us a feel of Bhadrachalam that day. Pathetic. But, I would also urge you to look into the other aspects while the anchors presented the developments on that day. Venkat Krishna (you mentioned his name in the copy) was the 'first' to announce to the world on September 2 that YSR had landed at a village near Kurnool. I am not very sure about his presentation and speaking at a low voice than yelling out, but the me-first race of that anchor too has to be taken as a point for analysing the behaviour of channels on that fateful day.
K V Ramana

SUN-GOD said...

Ramu, good effort. Nice blog. Keep it up.

Anonymous said...

Ramana,
As you know, utter chaos and confusion prevailed on that day. Some of our friends said that VK was the :first one" to announce the safe landing. I presume the channel had been misled by their ground level reporter/reporters with this wrong information.
Any way, I'll check it with Venkata Krishna to write a bit on it.
Thanks
Ramu

Anonymous said...

Dear Ramu,
I loved the 'yaankarammala' anecdotes. In fact veelaku 'sakatam' lo 'sa' and 'shanmugam' lo 'sha' ku vityaasam telavatledandi . santhi nundi shaanthi ayyindi.
In fact a friend of mine was telling that one of the news readers is a daughter of telugu writers. She is one of those earlier news readers in TV9 but later switched on to radio and now with saakshi channel.
Of late even she has started mispronouncing telugu badly.
My favorite was pragathi of eenadu who later switched on to Maa TV and now she is gone.

Ee vishayalu pakkana pedithe I really liked reading couple of them and read them aloud for my kids also.
Bye & Regards.
N.Balasubramanyam.IPS
DIG V & E
AndhraPradesh.
+91 9440065655

Anonymous said...

ramu.s sie, i dont know who u r,but b careful.u r too outspoken.may b u r right,but still .for your info,ysr death and subdequent discussions said what experience y.s jagan got to b cm of andhra.they should have asked hi comand ,wen pilot can becom p.m. why not an m.p can become c.m..support this analyst(may b tv5)but with fluent english and camera mannerisms who said leave congress to congress.

Anonymous said...

annayya.. entho shraminchi manchi amshaalu raasthunnaru.. ee madhya teerika leka comments pampaledhu. chala bagundi mee prayatnam.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి