తెలుగు ఛానెల్స్ చూసే ఎవరైనా ఈ కుడి ఎడమల ఫోటోలలో కనిపించే ఇద్దరు చిన్నారులను ఇట్టే గుర్తుపడతారు. వీరిలో ఒకరు తనకు దైవాంశ ఉన్నదని చెప్పుకుంటున్న శాంభవి, మరొకరు సాంఘీక, విప్లవ పాటలతో ఉర్రూతలూగిస్తున్న మధుప్రియ. ఈ మధ్య కాలంలో వీరు చాలా ఎయిర్ స్పేస్ ఆక్రమించారు. ఒకరు వయసుకు మించిన ముద్దుముద్దు మాటలతో, మరొకరు కూడా వయసుకు మించిన విప్లవోద్యమ మాటల తూటాలతో ప్రజలను అలరించారు.నిజానికి ఇద్దరివీ ఎంతో స్ఫూర్తిదాయకమైన జీవితాలు. తనంతట తానో, ఎవరో ప్రాంప్ట్ చేస్తేనో...శాంభవి వెళ్లి దలైలామా ను కలిసింది. తెలిసో, తెలియకో ప్రజలు, ప్రళయాలు, యుగాంతాల గురించి అమాయకంగా తడుముకోకుండా చెబుతున్నది. ఎందరినో ఆకర్షించి ఆంధ్రదేశంలో సంచలనానికి కేంద్ర బిందువుగా మారింది.
ఇక మధుప్రియ బాల రచయిత్రి, గాయకురాలు. ఇంట్లో మూడో కూతురుగా పుట్టిన ఆమెను ఎవరో "అష్టమిలో పుట్టిన జెష్ట దానివి" అని ఈసడించుకుంటే..ఏకంగా ఒక పాటనే రాసింది. అది అందరి మనసులను కదిలించింది. "అష్టమిలో పుట్టిన కృష్ణుడినేమో దేముడని అంటున్నరా...నన్నేమో పాడుదని తిడుతున్నరా?," అని అద్భుతంగా రాసింది. టీ.వీ.పాటల షో లలో మధుప్రియ సంచలనం సృష్టించింది. ఆ పాట విని, "నిజంగా ఈ పాట ఈ చిన్న పాపే రాసిందా" అన్న అనుమానం చాలా మందికి కలిగింది. గద్దర్ లాంటి ప్రజా గాయకుడి మనసు కూడా దోచిందీ బాలిక. అయితే వీరిద్దరినీ...ఎలక్ట్రానిక్ మీడియా ప్రోజక్ట్ చేస్తున్న తీరు వేదన కలిగిస్తున్నది.
మొన్నీ మధ్య తెలంగాణా పై కే.చంద్రశేఖర్ రావు గారి నిరశన సందర్భంగా 11-12 ఏళ్ళ మధుప్రియను ఒక రిపోర్టర్ లైవ్ లో ఇంటర్వ్యూ చేశాడు. ఆమెను రిపోర్టర్ అడిగిన ప్రశ్నలు ఇలా వున్నాయి.
1) ఇప్పుడు తెలంగాణా ఇస్తామని కేంద్రం ప్రకటించింది కదా...దీనిపై నువ్వు ఏమి అనుకుంటున్నావు?
2) ఇప్పుడు తెలంగాణా నిజంగా ఇస్తారంటావ?
3) తెలంగాణా ఇస్తే వచ్చే లాభం ఏమిటని అనుకుంటున్నావు?
-----ఇలా మరి కొన్ని ప్రశ్నలు అడిగి...ఆమెతో ఒక పాట పాడించారు. చిన్నారి కసిగా విప్లవ గీతాలు ఆలపిస్తే బాగుంటుంది కానీ...ఇలాంటి సీరియస్ ప్రశ్నలు తనను అడిగితే ఏమి చెబుతుంది? అడిగారు కాబట్టి...ఆమె కూడా సీరియస్ గా సమాధానం చెప్పింది. ఇదంతా...ఎబ్బెట్టుగా అనిపించింది. ఇక్కడ నా ఉద్దేశం...ఈ చిన్నారి ప్రతిభను తప్పు పట్టడం కాదు, మీడియా అతిని మీ ముందు ఉంచడం.
ఇక 9-10 ఏళ్ళ శాంభవి పట్ల మీడియా ధోరణి చూస్తే...ఇది కచ్చితంగా మానవ హక్కుల ఉల్లంఘన అనిపించింది. వేలెడంత లేదు...యుగాంతం గురించి మాట్లాడుతుంది. తాను పూర్వ జన్మలో దలైలామా స్నేహితురాలినని చెప్పుకుంటున్నది. అప్పటికే పూర్వజన్మ ఇతివృత్తంగా వచ్చిన "అరుంధతి", "మగధీర" వంటి సినిమాల పిచ్చలో ఉన్న జనం శాంభవి పట్ల ఆకర్షితులయ్యారు. ఇక శాంభవిని ఒక రిపోర్టర్ అడిగిన ప్రశ్నలు ఇలా ఉన్నాయి.
1) నిజంగా ప్రళయం వచ్చి యుగాంతం కాబోతున్నదా?
2) 2012 లో భూ వినాశం జరుగుతుందని అంటున్నారు..ఇది నిజమేనా?
3) దలైలామా ఎప్పుడు వస్తున్నారు?
4) మీకు దైవాంశ లేదని అంటున్న వారి గురించి మీరేమి అంటారు?
5) వై.ఎస్.జగన్ ముఖ్యమంత్రి అవుతారా?
....రిపోర్టర్ భక్తి పారవశ్యంతో అడిగిన ప్రశ్నలలో కొన్ని ఇవి. ఇంకా ఒకటి రెండు ఛానెల్స్ ఆ చిన్నారిని స్టూడియోలకు ఆహ్వానించి అడ్డదిడ్డమైన ప్రశ్నలతో ఉక్కిరిబిక్కిరి చేశాయి.
ఈ పిల్లలకు ఎవరి భావాలు వారికి ఉంటాయి. ఇలాంటి వారిని అడిగే ప్రశ్నల విషయంలో కాస్త సంయమనం వహిస్తే బాగుంటుంది. వారు బాల మేధావులు కావచ్చు...వారి అద్భుత శక్తిని లోకానికి పరిచయం చేయాలన్న తపన రిపోర్టర్ కు ఉండవచ్చు. అంత మాత్రాన...వారిని ఇలాంటి ప్రశ్నలతో చంపితే ఎలా?
4 comments:
Completely agree wtih you.
People started taking media very easy these days, it has become one more way of entertainment. Dramatizing the situations, exaggerating the issuues may help them instantly to get the ratings but kill the interest on media and its sanity.
Thanks for your nice article.
dont mind, but the topic is like -gongatlo tintu bocchu erukunnattu vundi.
unscrupulous practices have already taken our media to a level where they do anything for attract viewers.
this was there, perhaps even in your eenadu days.
I remember an old series of articles on fake baba’s in Eenadu. On one of those days, the front page exposed bala sai and the second page has an advertisement from the same sai ashram. Its like you make money from both pages.
Yawn!
ramu garu gud article.
ఇలాంటి ప్రశ్నలు వేసే జర్నలిస్టుల్ని ఏం చేసినా పాపం లేదు. ఇది మామూలు అతి కాదు.
Post a Comment
Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu
తెలుగులో టైపుకు www.lekhini.org కాని www.baraha.com విజిట్ చేయండి