Monday, December 21, 2009

'దశ-దిశ' కోసం hm-tv యత్నం..భేష్!

  ప్రాంతీయ విద్వేషాలతో రాష్ట్రం అట్టుడుగుతున్న వేళ...hm-TV చొరవ తీసుకుని 'దశ-దిశ' పేరిట హైదరాబాద్ లో ఆదివారం సాయంత్రం మూడు ప్రాంతాల వారితో ఒక చర్చా వేదికను ఏర్పాటు చేసింది. దాదాపు ఏడు గంటల పాటు జరిగిన ఈ కార్యక్రమంలో...రాజకీయ నాయకులు, మేధావులు, విద్యావేత్తలు, కళాకారులు...తదితరులు పాల్గొన్నారు. ఆ ఛానల్ ప్రత్యక్ష ప్రసారం చేసిన ఈ కార్యక్రమం...ఒక 'మినీ అసెంబ్లీ' ని తలపించినా...దీన్ని సదుద్దేశ్యంతో వేసిన తొలి అడుగుగా చెప్పుకోవచ్చు. ఎంతో శ్రమకోర్చి ఈ కార్యక్రమాన్ని నిర్వహించిన...ఛానల్ హెడ్, సీనియర్ సంపాదకులు కే.రామచంద్ర మూర్తి గారు, ఆయన టీం సభ్యులు అభినందనీయులు.

సుదీర్ఘ చర్చ అనంతరం శాంతిని కాంక్షిస్తూ ఒక తీర్మానాన్ని కూడా అక్కడ ఆమోదించారు.  సదస్సులో వెల్లడైన అభిప్రాయాలతో ఒక మెమొరాండం తయారు చేసి కేంద్ర, రాష్ట్ర ప్రభుత్వాలకు పంపించాలని నిర్ణయించారు. లోతైన అవగాహనను కల్పించేందుకు మూడు ప్రాంతాల మేధావులతో ఒక సమగ్ర నివేదికను 'ప్రజల నివేదిక' గా రూపొందించాలని కూడా ఒక అభిప్రాయానికి వచ్చారు. 

హింస నివారణకు, రాజ్యంగా సంక్షోభ నివారణకు రాజకీయ పార్టీలు చర్యలు చేపట్టాలని సదస్సు గట్టిగా కోరింది. విద్యార్థులు నిరాహార దీక్షలు విరమించేలా తీర్మానం చేయడంపై కొద్ది సేపు చర్చ జరిగింది కానీ...ఆ అంశం ప్రస్తావన తీర్మానంలో చోటుచేసుకోలేదు.

చర్చలో పాల్గొన్న కాంగ్రెస్ నాయకురాలు త్రిపురాన వెంకట రత్నం గారి విన్నపం మేరకు అనంతపురం, విశాఖపట్నం, విజయవాడ లలో కూడా ఇలాంటి చర్చా వేదికలు నిర్వహిస్తామని రామచంద్ర మూర్తి గారు ప్రకటించారు. "హైదరాబాద్ వేదిక గా జరిగిన ఈ చర్చను తెలంగాణా వారు హైజాక్ చేస్తున్నారు," అని ఆమె ఒక దశలో ఆగ్రహంగా అన్నారు. 

పొలిటిషియన్స్ బాధ్యతతో స్టేట్స్ మెన్ గా మెలగాలని విద్యావేత్త చుక్కా రామయ్య గారు సూచించగా, ఆత్మహత్యలు-అశాంతి ప్రేరేపించేవిధంగా మీడియా ఉండకూడదని ప్రెస్ అకాడమీ చైర్మన్ అమర్ చెప్పారు. ఆంధ్ర, సీమ లో విద్యార్థులను చైతన్య పరిచే చర్యలు తీసుకోవాలని 'వీక్షణం' సంపాదకులు వేణుగోపాల్ సూచించారు. మధు యాష్కి, ఉప్పునూతల, వరవర రావు, కేశవరావు జాదవ్, సంధ్య, జయ వింధ్యాల, భూమన్, వనం ఝాన్సి, జిలాని బానో, మల్లేపల్లి లక్ష్మయ్య, ఎం.ఎల్.సి.రాధయ్య, ప్రొఫెసర్ శేషయ్య, విద్యాసాగర్, జయశంకర్, పొత్తూరి, మాడభూషి శ్రీధర్, ఘంటా చక్రపాణి తదితరులు మాట్లాడారు. గద్దర్, బాలకిషన్ వంటి ప్రజా గాయకులు ఇక్కడ కనిపించలేదు.   


దళిత, బహుజన నాయకుడు కత్తి పద్మారావు గారు ఆవేశపూరితంగా చేసిన ప్రసంగం ఆకట్టుకునేదిగా ఉంది. హాయిగా విడిపోదాం..అంటూ...ఈ అంశంపై ముఖ్యమంత్రి రోశయ్య గారు ఒక రౌండ్ టేబుల్ సమావేశం నిర్వహించాలని ఆయన కోరారు. విలువైన కోస్తా ప్రాంతాన్ని ప్రస్తావిస్తూ..."అందరం హాయిగా ఉందాం. బిర్యాని తో పాటు చేపల కూర కూడా తినేలా మన ప్రాంతాలను అభివృద్ధి చేసుకుందాం," అని ఆయన చెప్పారు. 

ఆంధ్ర రాష్ట్ర సమితి నాయకుడు సుందర కృష్ణ మూర్తి గారు...తనకు మాట్లాడే అవకాశం రానప్పుడు..."సార్..వివక్ష ఎదురవుతున్నది" అని ఆరోపించారు. ఈ వేదికలో తెలంగాణా వారి వాదనే ఎక్కువగా వినిపిస్తున్నదని ఆయన చేసిన వ్యాఖ్య నిజమే.అరవై మందికి పైగా తెలంగాణా ప్రాంత వాసులు మాట్లాడగా, ఒక ఇరవై మంది రాయలసీమ ప్రాంత మేథావులు, పది లోపే ఆంధ్ర ప్రాంత నేతలు ప్రసంగించారు.

ఈ "స్థాన బలం" సమస్య నేపథ్యంలోనే కావచ్చు...హెచ్.ఎం.-టీ.వీ. వివిధ ప్రాంతాలలో ఇలాంటి చర్చలు నిర్వహించాలని నిర్ణయించింది. ఇది ఆహ్వానించదగిన పరిణామం. వరద బాధితుల కోసమని..సినిమా జనంతో...ర్యాలీలు, మ్యూజికల్ నైట్లు చేయడంకన్నా...ఎంతో కీలకమైన, సున్నితమైన ఒక అంశంపై ఇలా అర్థవంతమైన చర్చ జరపడం, సమస్య పరిష్కారం దిశగా ప్రయత్నాలు జరపడం ముదావహం. ఇది బాధ్యతాయుత జర్నలిజం.

4 comments:

SIVA said...

Well Done HM TV. When such programmes are being conducted, there should not be time limitation of upto 10:30PM. Should have been allowed till all who gave names to speak have in fact spoken. After all the channels are 24 hour News channels.

Anonymous said...

well done murty garu. okaripai aadhipatyanni korukoni varu, okaripai inkokaru pettanam cheyalani korukonivaru, porugu vari samskruthini, bhashanu, yasanu, kashtanni artham chesukuni sodarabhavamtho undagalige varu prathyeka telangana nu samarthinchaka manaru. kuthsitha bhavam gala varu, pettubadi darullu, deshanni anagadokke varu...matrame... telangana nu vyatirekistaru... ade e debate lo prove aindi...
neno udaharana cheptanu.. delhi lo pedda palukubadi unna o andhra pettubadi daru.. prastutam rajyasabha sabhyudu aina T.Subbirami reddy nizamabad district kamareddy lo gayatri sugars perita o factory pettadu. andulo sumaru 2000 mandi employees unte just labour lo minaha officer cader lo okka telangana vadu ledu... but factory unnadi matram telangana nadibodduna.. employees ni mottam andhra prantam nunchi digumati chesukunnadu... adi kalisi unte telanganaku kalige labham... kallu teravandi.. ikanaina... nirbhanda samaikyam inkana ikapai chelladu...

sharma s.r.

Vijay Kumar M said...

hmtv did well. My Room Mate is an employee of hmtv and he's there at Jubilee Hall.

Dear Anonymous,
hmtv chesina prayatnam abhinandincha taggade.. miru cheppina udaharanato nenu miku inkoka udaharana cheptanu.
mundu T-Channel(Telangana channel) ga vachina hmtv lo bosslu andaru telangana valle ante nammutara? mundu dabbu evaru pettaro varike employees ni decide chese avakasam untundi. adi subbarami reddy aina, leka kapil chitfunds vamana rao aina.

inko vishayam entante.. T-channel lo andarikante mundu join aina andhra vallanu, avasaram teeripogane, ante hmtv vache samayaniki akkadinunchi mellaga pampesaru.. vallalo Rammohan(ABN), Danny(NTV-Vanitha), Siva Kumar (camera Dept Head) ila chala mandi unnaru. ippudu veellevaru lekunna murty gari chuttaalu, caste vallu unnaru nadupukotaniki.

murty garu rajakiya visleshakudu matrame kadu.. vamana rao daggara rajakiyalu cheyatamlo ento mandini minchi poyaru. anduke hmtv nunchi lakshmaiah vellipoyadu.

Anonymous said...

andhra aina telangana aina dabbunnavaadide rajyam ee poratamantha vaarikosame nijanga pedala kosam evaroo poradatam ledu
vaari samasyalu evaroo pattinchukoru