Thursday, July 26, 2012

TV-9 అవుట్ పుట్ ఎడిటర్ అరుణ్ సాగర్ రాజీనామా

టీ.వీ.-నైన్ ఉన్నతికి కృషి చేసిన రవి ప్రకాశ్ సన్నిహితుల్లో ఒకరైన అరుణ్ సాగర్ ఆ ఛానెల్ కు రాజీనామా చేసి కమ్యూనిస్టులు త్వరలో తేబోతున్న టెన్ టీవీ లో పెద్ద పొజిషన్లో జాయిన్ అయినట్లు సమాచారం.
మొదట్లో ఆంధ్రజ్యోతి లో పనిచేసిన సాగర్ ఆ తర్వాత రవి ప్రకాశ్ తో కలిసి సుప్రభాతం పత్రికలో, జెమిని ఛానల్ లో పనిచేసారు. టీ.వీ.-నైన్ పెట్టినప్పటి నుంచీ రవి కి చేదోడు వాదోడుగా ఉన్నారు. అక్కడి పుణ్య కార్యాలలో, పాప కార్యాలలో రవి తో సమానంగా పాలు పంచుకుని ఛానెల్ ఉన్నతికి దోహద పడ్డారు.
"సాగర్ ది సృజనాత్మకమైన బుర్ర. మంచి హాండ్," అని ఒక మిత్రుడు చెప్పారు. సాగర్ ఖమ్మం జిల్లాలో పుట్టి పెరిగినట్లు కూడా ఆయనే చెప్పారు. నేను ఏడేళ్ళ కిందట...ఏదో ఒక విషయం గురించి మాట్లాడదామని అనుకుని సాగర్ గారికి ఒక మెయిల్ ఇచ్చాను. వారు స్పందించలేదు. దాన్నిబట్టి...ఆయన నికార్సైన, నిజమైన జర్నలిస్టులు అని అనుకుని మాట్లాడే ప్రయత్నం చేయలేదు.
కొన్ని రోజులుగా సాగర్ కు రవికి పడడం లేదట. అందుకే...సాగర్ ను పక్కనపెట్టి ఇతరుల చేత రవి తన పనులను చేయిస్తున్నట్లు సమాచారం.

1 comments:

Jai Gottimukkala said...

Can you post your views on the media condut in the Guwahati incident, thanks.