Wednesday, September 4, 2013

ఐ బీ ఎల్ సెమీఫైనల్స్ కవర్ చేసే భాగ్యం

మొన్న అక్టోబర్ ఫస్టున ఆరంభమైన 'మెట్రో ఇండియా' అనే ఇంగ్లిష్ పత్రిక స్పోర్ట్స్ ఎడిటర్ గా చేరాను. జీవితంలో కావాలని నేను కోరుకున్న పోస్టుల్లో ఇది ఒకటి కాబట్టి చాలా ఆనందం అనిపించింది. 

పదేళ్ళ పాటు ప్రాణాలు పెట్టి... డబ్బు, టైం వెచ్చించి కాకతీయ యూనివర్సిటీ స్థాయిలో షటిల్ బాడ్మింటన్ ఆడిన నేను లిగమెంట్ ఇంజురీ వల్ల ఆట ఆపేసాను. అదొక విషాద గాధ. స్పోర్ట్స్ మీద నేను రాస్తున్న పుస్తకంలో అదొక పెద్ద చాప్టర్. ఆ ఆట పుణ్యాన స్పోర్ట్స్ కంట్రీబ్యూటర్ గా కాలేజి లో ఉన్నప్పుడే 'ఈనాడు'లో నాకు అవకాశం ఇచ్చింది... 1989 లో. నాకు ఆ అవకాశం తెచ్చింది ఈ ఆటే. ఈ ఆటకు, నాకు ఈనాడు లో అవకాశం ఇచ్చిన మొదటి గురువు శ్రీకాంత్ గారికి, ఖమ్మం డెస్క్ లో పనిచేసి స్పోర్ట్స్ లో నన్ను ప్రోత్సహించిన రమేష్ గారికి, (ఎర్ర)  కృష్ణయ్య  గారికి, గోపీనాథ్ గారికి నేను ఎంతో రుణపడి ఉంటాను. ఈనాడు మినీ లు పెట్టాక జిల్లాకు నేను మొదటి స్పోర్ట్స్ కంట్రిబ్యూటర్ ను. ఆలిండియా రేడియోకి స్పోర్ట్స్ రిపోర్ట్స్ ఇస్తూ... ఈనాడు కు రోజూ రాస్తూ... చదువుకున్నాను. అదొక అద్భుతమైన అనుభవం. 

స్పోర్ట్స్ రిపోర్టర్ ఉద్యోగం ఇస్తారు కదా... అని ఈనాడు జర్నలిజం స్కూల్ కు వచ్చాను 1992 లో.  కానీ మెరిట్ ప్రాతిపదికన జనరల్ డెస్క్ లో వేసారు రామోజీ గారు. ఆప్పటి నుంచి 'స్పోర్ట్స్' కు మార్చమని నేను ఒక వంద సార్లు ప్రాధేయ పడి ఉంటాను. రమేష్ బాబు పడనివ్వలేదు. ఎప్పుడు అడిగినా... 'నీ అవసరం ఈనాడు కు గుండె కాయ లాంటి జనరల్ డెస్క్ లో ఉంది' అనే వారు. స్పోర్ట్స్ తీట తో వసుంధరకు, సండే మాగజీన్ కు వ్యాసాలు రాసాను. ఆక్కడ వర్మ అనే వాడు తిక్క పోలిటిక్స్ చేసి రాయకుండా చేసాడు. 


ది  హిందూ లో స్పోర్ట్స్ స్టోరీ లు రాశాను కానీ పెద్ద సీరియస్ స్పోర్ట్స్ రిపోర్టింగ్ కాదది. మెయిల్ టుడే లో కూడా కుదర లేదు. చివరకు.. పీ హెచ్ డీ అయ్యాక తెలుగు పేపర్లో గానీ చానెల్ లో గానీ స్పోర్ట్స్ డెస్క్ లో పనిచేయాలని అప్పటి నుంచి గట్టిగా అనుకున్నాను. హేమ టెన్ టీవీ లో స్పోర్ట్స్ రిపోర్టర్ గా చేరినప్పుడు చాలా ఆనందం అనిపించింది. 
చివరకు నాకు ఈ అవకాశం వచ్చింది. శక్తి వంచన లేకుండా... స్పోర్ట్స్ పేజీలు  విభిన్నంగా సూపర్ గా తేవడం కోసం కృషి చేస్తున్నాను. వీలు చేసుకుని మెట్రో ఇండియా చదివి... ఆ పత్రిక మీద, స్పోర్ట్స్ పేజీల మీద మీ అభిప్రాయలు రాయండి. 

ఇకపోతే... ఒక మీడియా కోసం పనిచేస్తూ మీడియా మీద బ్లాగ్ నడపడం బాగుండదని ఈ సందర్భంగా అనిపిస్తున్నది. పైగా... ఉన్నది ఉన్నట్లు మాట్లాడాలని, రాయాలని అనవసరంగా శత్రువర్గాన్ని పెంచుకున్న అనుభవంతో కాస్త లౌక్యం నేర్చుకుంటే ఎలా ఉంటుందో ప్రాక్టిస్ చేస్తున్నాను. ఈ క్రమంలో...కొన్ని రోజుల పాటు ఇందులో పోస్టులు రాయకుండా ఉందామని అనికుంటున్నాను. పని ఒత్తిడి లో బిజీ గా ఉన్న మా అబ్రకదబ్ర ను అడిగి చూస్తా. తను కూడా కుదరదంటే... బ్లాగ్ కు త్వరలో తాత్కాలిక విరామం ప్రకటిస్తా. మీరు అర్థం చేసుకుంటారని భావిస్తా. బై బై.  

(పై ఫోటో లో ఉన్నది... హేమ, ఫిదెల్, నేను. గచ్చి బౌలి స్టేడియం లో ఐ బీ ఎల్ మొదటి సెమీ ఫైనల్స్ రోజు ఇద్దరం రిపోర్టింగ్ కు వెళ్ళినప్పుడు తీసిన ఫోటో.)

9 comments:

K V V S MURTHY said...

Congrats..! I am following Metro India right from it's inception..!

Vijay Bhaskar said...

Hearty congratulations!! and all the best andi. మీరు బ్లాగ్ కూడా కంటిన్యూ చేస్తే బావుంటుంది.

SREEDHEESSPACE said...

congratulations..

sreerama svb said...

I am not a journlist, not even in ny wy or mnner. But I have been enjoying your blog. I feel bad whenever there are no updates in the blog. Now if you stop your blog, somehow I started to feel . anyhow its your decision. But thanks a lot for your various inputs

sreerama, bangalore

venu_mahesh said...

congratulations sir...

Rajah Kotturu said...

Congrats

Madhusudhan Konda said...

Hey Ramu

As Bryan Adams sing "Those were the best days of my life"! You brought back my memories mate! All the best and am sure you see no turning back!

Madhu

Bhãskar Rãmarãju said...

అభినందనలు

anil kumar said...

congratulations ..