Monday, January 25, 2010

'జెమిని'లో పర్వతనేని కిరణ్ శకం ముగిసిందా?

'జెమిని' ఛానెల్స్ లో గత పదేళ్లుగా చక్రం తిప్పుతున్న పర్వతనేని కిరణ్ ప్రభ క్రమంగా తగ్గిపోతున్నట్లు కనిపిస్తున్నది. జీ-నెట్ వర్క్ నుంచి 'జెమిని' చీఫ్ ఆపరేషన్స్ ఆఫీసర్ గా సంజయ్ రెడ్డి నియమితులయ్యాక...కిరణ్ ప్రాభవం తగ్గిపోవడం ఆరంభించిందని, కిరణ్ (కింది ఫోటో) కుడి, ఎడమ భుజాల లాంటి సీనియర్లకు కొత్త బాస్ పొగ సెగలు తగులుతున్నాయని సమాచారం. 


లాభార్జనలో దక్షిణ భారత దేశంలోనే ప్రముఖ స్థానంలో ఉన్న 'జెమిని' లో ఈ పరిణామాలు దాదాపు మూడొందల మంది ఉద్యోగులపై ప్రభావం చూపుతున్నాయి. సాత్వికుడిగా పేరున్న సంజయ్ మార్కెట్ పై తనకున్న అవగాహన, పట్టుతో చెన్నై లోని సన్ నెట్ వర్క్ అధిపతుల మనసు చూరగొనడం...కిరణ్ బృందంపై అక్కడి వారిలో తలెత్తిన కొన్ని అనుమానాలు ఈ పరిణామాలకు కారణాలని తెలుస్తున్నది. కిరణ్--జే.కే.మోహన్ ల సన్నిహిత సంబంధాలు, లావాదేవీలు సన్ యాజమాన్యానికి నచ్చకనే కొత్త మార్పులకు శ్రీకారం చుట్టినట్లు తెలుస్తున్నది కానీ ఈ మాట ధ్రువ పడలేదు. 


సన్ నెట్ వర్క్ ఆంధ్రలో నిర్వహిస్తున్న జెమిని ఛానల్, తేజ, జెమిని మ్యూజిక్, జెమిని న్యూస్ లో విజయవాడకు చెందిన పర్వతనేని కిరణ్ హవా ఇన్ని రోజులు కొనసాగింది. ఇప్పటికీ ఆయన మాటే చెల్లుబాటు అవుతున్నట్లు అతని వర్గం భావిస్తున్నది కానీ...అంతర్గతంగా కీలక మార్పులు చోటుచేసుకుంటున్నాయి. జెమిని న్యూస్ కు 'సాక్షి' ఛానల్ నుంచి ఒక చాకు లాంటి సీనియర్ ను తీసుకు రావాలని సంజయ్ రెడ్డి (ఈ పక్క ఫోటో) కృతనిశ్చయంతో ఉన్నట్లు సమాచారం.

అన్ని ఛానెల్స్ కన్నా హడావుడి లేకుండా...ఉద్యోగులకు కొద్దిపాటి జీతాలు ఇస్తూ జెమిని ఆంధ్రలో బండి లాగిస్తున్నది. సినిమా ల కొనుగోలు, సీరియళ్ళ ఎంపిక లో కిరణ్ మాట వేద వాక్కు గా సాగింది. ఇప్పుడు దీనికి బ్రేక్ పడుతున్నది. 

1 comments:

Anonymous said...

As more news channels have come up in Telugu Gemini,Teja have lost significance ad they are confined to music,spiritual programmes and serials only.I just switch on to Gemini for the thursday programme on Sri Sathya Sai Baba and I almost forgot Teja.
As the Hyderabad City police commissioner banned on the liove coverage at OU every one has ac sigh of relief as they are fee of repeated clippings of the items.
Enadu and ETV have done god thing by expopsing the malpractices of the corporate hospitals involving the Arogyasri cards.Infact our AP is notorious for all scandals as we come across bogus ration cards,bogus Indiramma houses,bogus pensioins and bogus handicapped certificates thus bogus company unlimited and we are all in neck deep bogus culture with the misuse,misappropriation of hundreds of crores of state budget which has come up from the tax payer's money like you and me.WHETHER INTEGRATION OR SEPERATION THIS CULTURE WILL CONTINUE TO BE PATRONISED BY OUR POLITICIANS,BROKERS ETC.MAY GO BLESS OUR STATE.