Thursday, July 22, 2010

i-news లో మళ్ళీ మొదటికొచ్చిన కథ--ఉద్యోగుల వ్యథ

i-news లో మళ్ళీ కథ మొదటికి వచ్చింది. N-TV యజమాని నరేందర చౌదరి ఆ ఛానల్ లో వాటా కొని మునిగే పడవను ఆదుకున్నారని అనుకుంటూ ఉండగానే...మరొక సంక్షోభం వచ్చింది. i-news ఉద్యోగులకు అందాల్సిన గత నెల జీతాలు ఇంతవరకూ అందలేదు.ఇది జర్నలిస్టులను, ఇతర టెక్నీషియన్లను క్షోభకు గురిచేస్తున్నది.

చౌదరి గారు i-news బాసు వాసు వర్మకు దాదాపు పదకొండు కోట్లు ఇచ్చారని, అయినా...ఛానెల్ కష్టాలు తీరలేదని సమాచారం. ఈ పరిణామం మింగుడుపడని చౌదరి గారు తాను ఈ డీల్ నుంచి వెనక్కు మరలుతున్నట్లు ప్రకటించారని సమాచారం. ఈ పరిణామాల మధ్య సంస్థ మళ్ళీ ఇబ్బందుల్లో పడిందని, అయినా...కాస్త ఓపిక పట్టమని జర్నలిస్టులను కోరుతున్నారని తెలిసింది.

అయితే...నిజంగానే వాసు వర్మ మిస్ మానేజ్మేంట్ వల్లనే తాజా సంక్షోభం ఏర్పడిందా? లేక...నరేన్ చౌదరి, వాసు, చావు తెలివి తేటల పుట్ట--ఇలాంటి చెత్త అయిడియాల దిట్ట అయిన జర్నలిస్టూ కలిసి ఉద్యోగుల సంఖ్యను వదిలించుకునేందుకు దీన్ని కృత్రిమంగా సృష్టించారా? అన్నది తేలాల్సి వుంది. i-news యాజమాన్యానికి వ్యతిరేకంగా రాష్ట్ర మానవ హక్కుల సంఘానికి మాజీ ఉద్యోగులు చేసిన ఫిర్యాదు విషయం ఏమయ్యిందీ కూడా తెలియరాలేదు.

ఇది ఇలా వుండగా....i-news లో ఒక ప్రముఖ యాంకర్, ఆమె కెరీర్ కు కారణమై ఇప్పుడు N-TV లో ఉన్న ఒక ప్రముఖుడు కలిసి Studio-N కు వెళ్ళడానికి రంగం సిద్ధమైనట్లు కూడా తెలుస్తున్నది. ఒక పది రోజులుగా ఈ అంశంపై పుకార్లు షికార్లు చేస్తున్నాయి. అయితే...వాసువర్మ తనను ఎట్టి పరిస్థితుల్లోనూ వదులుకోరని కూడా చెబుతున్నారు. పైన చెప్పిన వీరిద్దరూ Studio-N లో చేరితే...కందుల రమేష్ బృందం ఎలా స్పందిస్తుందో చూడాలి. కాస్తో కూస్తో విలువలు ఉన్న రమేష్....డబ్బు సంపాదనే ధ్యేయంగా బతుకుతున్న ఈ జర్నలిస్టు గారిని భరిస్తారా? ఏమో!

6 comments:

raj said...

"i-news లో ఒక ప్రముఖ యాంకర్"..roja naaa?

Ramu S said...

రాజ్,
రోజాలు, రాజాల సంగతి నాకు తెలియదు. వేచి చూద్దాం.
రాము

Krishnarjun said...

పదకొండు కోట్లు వర్మార్పణం అన్నట్ట్లేనా ?? N Tv ఉద్యోగులకేమైనా బోనస్ లాగా ఇచ్చినా సద్వినియోగమైనట్టుండేదేమో ?

katta jayaprakash said...

Some news channels are giving detailed story on the contesting candidates by elections in Telangana
of national parties covering upto nearly thirty minutes.Is it not a paid news coverage?

JP.

CH.DURGA PRASAD said...

పాపం, పెణంలోంచి పొయ్యిలో పడతారేమో?

phoenix said...

Its very sad.

(phoenix)