Tuesday, November 2, 2010

సీనియర్ జర్నలిస్టులకు 'ఈనాడు' ఇచ్చే విలువ ఇదా?

జర్నలిస్టులు వయసులో ఉండగా....వారిని ఒత్తిడికి గురిచేసి, పీల్చి పిప్పిచేసి పని రాబట్టుకోవడంలో 'ఈనాడు' సంస్థది అందెవేసిన చేయి అంటారు. అనటమేమిటి...అది అక్షర సత్యం. అదే యువ జర్నలిస్టులకు వయసు మళ్ళిన తర్వాత అదే మాదిరి గౌరవం, ప్రాధాన్యం దొరకవు ఆ సంస్థలో. పైగా...వయసు మీదపడుతున్న కొద్దీ....పెద్ద బాధ్యతలు ఇవ్వకుండా....పొమ్మనకుండా పొగపెట్టే  కార్యక్రమాలు అక్కడ చేస్తారని చెబుతారు. ఒక మోటూరి గారు, ఒక ప్రభాకర్ గారు, ఒక కొమ్మినేని గారు, ఒక రామకృష్ణ గారు, ఒక రమాదేవి మేడం, ఒక విలాసిని మేడం...ఇలా గుర్తుచేసుకుంటూ పోతే....కొండవీటి చేంతాడంత జాబితా అవుతుంది. అలాంటి మరొక తాజా ఉదాహరణ ఇది. 

ఆర్.ప్రసాద్ అనే జర్నలిస్టు ఆ సంస్థలో 33 సంవత్సరాలు పనిచేసారు. మానవ వనరులకు విలువ ఇచ్చే ఏ ఇతర సంస్థలో అయినా...అలాంటి వారికి కనీసం న్యూస్ ఎడిటర్ హోదా వచ్చేస్తుంది. 'ఈనాడు' లో సంపాదకీయాలు రాసే స్థాయికి వెళ్ళినా ప్రసాద్ గారు మాత్రం పెద్దగా ప్రమోషన్లకు నోచుకోలేదు. ఎడిటోరియల్ సెక్షన్ లో పనిచేస్తున్న ఆయన రెండేళ్ళ కిందట రిటైర్ అయ్యారు. సరే....వలసల వల్ల ఏర్పడిన సంక్షోభాన్ని అధిగమించడానికో, నిజంగా ఆయన సీనియారిటీ అవసరం అని భావించో....సంస్థ ఆయనకు రెండేళ్ళ పదవి పొడిగింపు సౌకర్యం ఇచ్చి పనిచేయించుకుంది.

మొన్నీమధ్యన ఆయనను.. ఇక చాలు...నిజంగా రిటైర్ అయిపొమన్నారు. అది యాజమాన్యం హక్కు, అందులో ఇబ్బంది ఏమీ లేదు. ఆ సందర్భంగా కొందరు సహచరులు ప్రసాద్ గారి గౌరవార్ధం ఒక వీడ్కోలు కార్యక్రమం ఏర్పాటు చేశారు. ఏ ఉద్యోగికి అయినా తీపిగుర్తుగా ఉండే వేడుక ఇది. సహచరులు, యజమాని చెప్పే నాలుగు మాటలు గుర్తుకుతెచ్చుకుంటూ శేషజీవితం గడపవచ్చు.

అయితే...కారణాలు వైతేనేమి....ఈ మహద్భాగ్యానికి 'ఈనాడు' లో చాలా మంది నోచుకోరు. పాత 'ఈనాడు జర్నలిజం స్కూల్'లో జరిగిన ప్రసాద్ గారి వీడ్కోలు కార్యక్రమానికి మానేజింగ్ డైరెక్టర్ చెరుకూరి కిరణ్ హాజరుకాకపోవడం 'ఈనాడు' జర్నలిస్టులను విస్మయానికి, నాలాంటి మాజీలకు ఆగ్రహాన్ని కలిగించింది. ఆ రోజు ఆఫీసులో వుంది కూడా కిరణ్ బాబు ఆ ప్రోగ్రాం కు రాలేదని, ఆ తర్వాత మర్యాదకు ప్రసాద్ గారే వెళ్లి అయ్యగారిని కలిసారని ఖైరతాబాద్ వర్గాలు తెలిపాయి. మానవీయ విలువలు వున్నాయని అనుకునే వారి (కిరణ్ గారి) అయ్య రామోజీ రావు గారు కూడా ఈ ప్రోగ్రాం కు ఎందుకురాలేదో తెలియదు. ఆయనకు తెలిసివుంటే...ఇలాంటి ప్రోగ్రామ్స్ కు వస్తారని నాకు అనిపిస్తున్నది. 

మా గురువు గారు బూదరాజు రాధాకృష్ణ గారు మరణించినప్పుడు కూడా అంతిమ వీడ్కోలుకు తండ్రీకొడుకులు రానిసంగతి నాకు గుర్తుకు వచ్చింది. ప్రసాద్ అనే వ్యక్తి కోసం కాకపోయినా...ఒక సీనియర్ మోస్ట్ ఉద్యోగి కోసం అయినా....ఒక ఐదు నిమిషాలు ఆ ప్రోగ్రాంకు వెళ్లి వస్తే...కిరణ్ సొమ్ము కరిగిపోయి వుండదు. సరే...ఎవరి కాలం (టైం) వారిది, ఎవరి సంస్కృతి వారిది, ఎవరి సంస్కారం వారిది. బాధపడడం తప్ప మనమేమీ చేయలేము.


మరొక విషయం. మొన్నీ మధ్యన మరణించిన సీనియర్ జర్నలిస్టు గౌస్ గారి కోసం 'ఈనాడు' డబ్బులు పోగుచేసింది, ఆయనకు సహకరించింది. అందుకు సంతోషం. గౌస్ గారి సంస్మరణ సభను 'ఈనాడు' దగ్గరలోనే ఉన్న ప్రెస్ క్లబ్ లో కొందరు మాజీలు ఏర్పాటు చేశారు. ఆ సభకు 'ఈనాడు' నుంచి లభించిన స్పందన చూస్తే...దారుణంగా అనిపించింది. అది ఈనాడేతర జర్నలిస్టులు చేపట్టిన కార్యక్రమం కాబట్టి 'ఈనాడు' నుంచి చాలామంది గౌస్ గారి సహచరులు రాలేదని తెలిసింది. వేరే ఊళ్ళో ఉండడం వల్ల ఆ కార్యక్రమానికి వెళ్లనందుకు, ఈ బ్లాగ్ లో దాన్ని కవర్ చేయనందుకు నేను చింతిస్తాను. 

మొత్తంమీద కిరణ్ గారు, వారి ఆస్థానంలోని  విద్వాంసులు గుర్తుపెట్టుకోవాల్సింది ఏమిటంటే....పోయేటప్పుడు ఈ ఆస్తులు, పదవులు మనవెంట రావని. గౌస్ గారు మా అందరి గుండెల్లో అమరుడై ఉండడానికి....కారణం....ఆయన మంచితనం, మానవత్వం. మరి మీ ఇష్టం.

9 comments:

astrojoyd said...

వోడ్డును చేరగానే తెప్ప తగలేయడం అంటే ఇదేనేమో?

Prathi Adugu said...

సర్ మీరు చెప్పిన ఈ సంగథి వింథుంతె " మన రాష్త్రం లొని అత్యంత పెద్ద దిన పత్రిక, అన్ని మంచి చెదు లని ఎంద గత్తి, వదకత్తి పత్రిక సంస్థ లొ సహితం
ఈ దుస్థితి దాపురించిందా? అని అనిపిస్తుంది.

katta jayaprakash said...

You have done a very god thin by bringing out the bad and ugly mindsets of the management of Eenadu.It looks there is no human touch to the management and donot respect the human,proffessional and ethical values.Even after the tragedy of Margardarsi chit fund episode where Ramoji Rao and his family dragged into the streets and courts it looks Ramoji Rao and his son never learnt any lesson out of this episode financial mess.Ramoji Rao might be a good business man and a discilined proffessional but if his way of life and proffession lacks human,ethical,moral and proffessional values what for his wealth and status and let these go into gutter.I request you to forward your opinion to Ramoji Rao so that he can open his eyes towards human values.

JP.

Unknown said...

Ramu garu,
I dono why u so jealous abt eenadu. u try to show tiny thing in big way. as all know u dont even dare to write single word on sakshi or jagan . Is this blog create for baised stuff? really Boring blog . give some good informative posts rather writing some paid stuff.

katta jayaprakash said...

Recently I happened to read Andhra Praha for a few days.The news analysis on various subjects is really appreciable and deserve compliments as they are very balanced without any bias or leaning towards any one or any party but in the interest of the people and state only unlike Sakshi,Eenadu,Jyothi etc as they are meant for certain people and particular party only even though they boast that they are for the people.It is better if one follows the news analysis in Andhra prabha regularly.

JP

Prashant said...

This is the attitude of all thejournalists who abuse the organisation they have worked before or considered as rival to them.Highlighting incidents in only one organisation,which,ironically might be a phenomenon across the industry, simply casts doubts upon the integrity of the host of the blogger.Citing some unconfirmed sources is another chronic disease which has affected all the newspapers and blogger's even though it is a violation of Supreme Court guidelines.For example in this blog,an anonymous Abrakadabra or any bra/cheddi is cited as unconfirmed source.This simply sucks!

katta jayaprakash said...

It seems some of the people are no happy at your persistent bombarding of Eenadu though there are some facts.But please apply the same principle to all the media houses equally without any partiality or favouritism.Be equal to all.Criticise the bad and ugly and appreciate the good in any media house irrespective your preferences,favours and sympathy etc.

JP

Unknown said...

ఆవు చేలో మేస్తే దూడ(కిరణ్) గట్టున మేస్తుందా ?
గురువు గారి సంస్మరణ సభలో నీ ఆవేదన, నీ కన్నీళ్లు నాకు గుర్తుకు వచ్చాయి.
జిలాని.

Anonymous said...

Dear Ramu!
కొత్త పోస్టులు మీరు రాస్తూ పోవడం, మేము కామెంట్లు వ్రాస్తూ పోవడమేనా, పాత వాటిపై మేము వ్రాసిన (చర్చ అవసరమనిపించే) కామెంట్లవైపు కూడా చూసేదేమైనా ఉందా? ఒక్కసారి "సినిమా పిచ్చి బాగా ముదిరిన పోరంబోకు ఛానెల్స్...."
లోని చివరి రెండు కామెంట్లు చూసి స్పందించగలరు.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి