Sunday, April 3, 2011

వావ్...ఏమి విజయం..ఏమి ఘనత...

ఇది అలాంటి ఇలాంటి విజయం కాదు. సవాలక్ష సమస్యలతో సతమతమవుతున్న యావత్ జాతి మదిని పులకింపజేసిన అద్భుత ఘనవిజయం. ధోనీ సేన చెప్పి సాధించిన విజయం, లిటిల్ మాస్టర్ చిరకాల స్వప్నాన్ని సాకారం చేసిన విజయం. భారతీయులందరూ జీవితకాలం గుర్తుఉంచుకునే గ్రేటెస్ట్ సాటర్ డే...మధురానుభూతిని మిగిల్చే శనివారం. ఆ తర్వాత వచ్చిన ఆదివారాన్ని, మర్నాడు వచ్చే ఉగాదిని మరింత మధురం చేసిన శుభదినం.

అందుకే...ఫైనల్ లో భారత్ గెలిచాక...కూకట్ పల్లి నుంచి ఖైరతాబాద్ రావడానికి నాకు చాలా సమయం పట్టింది.

విజయం మత్తులో వూగుతున్న ఎంతమందికి హై-ఫైవ్ ఇచ్చానో, ఎంతమంది తో కార్లో కూర్చొనే కరచాలనం చేసానో  లెక్కేలేదు. 
జెండాలు చేబూని విజయ నినాదాలు చేస్తూ వెళుతున్న వారు కొందరు, కారుకు అడ్డంగా వచ్చి తానేదో వరల్డ్ కప్ గెలిచినట్లు ఫీలవుతూ నినాదాలు చేసిన వారు కొందరు. మామూలు రోజుల్లో...ఎవడ్రా వీడు..అని మనం అనుకునే వాడు ఆ రాత్రికి మన వాడు...మనం మాట్లాడాల్సిన వాడుగా అనిపించాడు.

ధోనీ సేన టాస్ ఓడిపోగానే...నాకు కీడు శంకించింది. తెలుగు చానల్స్ లో జ్యోతిష్యులు భారత్ విజయం గురించి చెబుతున్నది ఒట్టిమాటేనా? సచిన్ కల నేరవేరదా? భారత్ ఇంకా ఎన్ని ఏళ్ళు ఆ శుభ ఘడియల కోసం ఆగాలి? అని అనిపించింది. భారతీయులు యాగాలు చేసారు. పూజలు చేసారు. మా మిత్రుడు...సెలవైనా ఆఫీసుకు వచ్చి...తాను భారత్-పాక్ సెమీస్ మాచ్ జరిగినప్పుడు కూర్చున్న ప్రాంతంలోనే కూర్చుని ఫైనల్స్  చూసాడు. జనం ఎవరి సెంటిమెంట్ వారు పాటించారు.
నాకు ఏదైనా శుభం జరగాలనుకున్న రోజు లేదా ముఖ్యమైన రోజున నల్ల దుస్తులు ధరించబుద్ధికాదు నాకు. స్నానం చేసి వచ్చాక చూస్తే ఈ రోజు వేసుకోవాల్సిన అండర్వేర్ జాకీ బ్లాక్ ది వుంది.  పొరపాటున ఇది భారత్ కు అశుభ సూచికమేమో అన్న పిచ్చి లెక్కతో ఈ రోజుకు వేరే కలర్ ది చూజ్ చేసుకున్నాను. ఇది ఒక వెర్రి వ్యవహారంగా అనిపించవచ్చు కానీ...భారత్ విశ్వ విజేత కావాలన్న ఒక పిచ్చి క్రీడాభిమాని మనోభీష్టానికి ఇది ఒక నిదర్శనం మాత్రమె. ఇలా ఎవరి సెంటిమెంట్స్ వారు పాటించారు, భారత్ ను గెలిపించారు. 
నిజంగా ధోనీ ఆడిన ఆట, ఒత్తిడిలో నిబ్బరంగా ఆడిన గౌతమ్ గంభీర్, సింహంలా అనిపించే యువరాజ్ సింగ్...భారతీయులకు ఒక మధురానుభూతిని మిగిల్చారు.  ధోనీ సేనకు అభినందనలు. జయ హో ఇండియా..జయహో...
Photo courtesy: PTI (From The Hindu)

3 comments:

విజయ్ అనంగి said...

ADIRI GELUPU KADA..
ANDARAM ANANDICHALSINDE...
ANDUKE ALA ALALLAGA UPONGARU

katta jayaprakash said...

According to news from The Hindu Sri Lankan peopole and the government welcomed it'.s players wih smiling faces,warmth,religuiousblessings and amazing grace unseen elsewhere in the sub continent following a defeat and the crowd cheered it's cricketers.
Can our people do the same in case of defea?It may be recalled that Dhoni's house was attacked a few years following defeat.There were abuses against Indian cricketers and even Sachin was not spared.The media too had hostile to the players.Is it not time for us to learn from Sri Lanka?

JP.

sree n sree said...

మీకు స్పోర్ట్స్ కూడా తెలుసన్నమాట...!