Sunday, May 1, 2011

TV-9 లో ఉద్యోగాల పీకివేత--ఆందోళనలో రిపోర్టర్లు

మెరుగైన సమాజం కోసం అహరహం కృషిచేస్తున్న TV-9 ఉన్నట్టుండి ఒక పది మంది రిపోర్టర్లను తొలగించింది. ఇందులో దాదాపు ఏడుగురు ఈ చానెల్ పెట్టినప్పటి నుంచి రవి ప్రకాష్ ను నమ్ముకుని పనిచేస్తున్న వారు వుండగా, ఒకరు మధ్యలో చేరి ఈ నెలాఖరులో పెళ్లి చేసుకోబోతున్నారు.  ఇలా ఉన్నట్లుంది ఉద్యోగాల నుంచి తీసేయడంతో ఈ రిపోర్టర్లు తీవ్ర నిరాశకు, నిర్వేదానికి లోనయ్యారు. పని తీరు ప్రాతి పదికన వీరిని తొలగించినట్లు ఈ సంస్థ హైదరాబాద్ ఆఫీసులో చెబుతుండగా....ఇక్కడ కూర్చున్న వసూల్ రాజ్ లకు నెలనెలా డబ్బులు పంపడంలో విఫలమయినందున  వీరిపై వేటు పడిందన్న ప్రచారం జరుగుతున్నది. "ఉద్యోగం పోయిన ఒక రిపోర్టర్ తో నేను మాట్లాడాను. స్టూడియోలో కూర్చుని అతి తెలివి ప్రశ్నలు వేసే ఒక యాంకర్, మరొక సీనియర్ జిల్లా రిపోర్టర్ల నుంచి డబ్బు వసూలు చేస్తున్నారనీ, తానూ నెలవారీ మామూళ్ళు ఇవ్వకపోవడం వల్ల కత్తి వేటుకు  బలికావాల్సి వచ్చిందని ఒక రిపోర్టర్ నాతో చెప్పాడు. ఇలాంటి చానలా మరుగైన సమాజం గురించి మాట్లాడేది?" అని ఒక సీనియర్ జర్నలిస్టు నాతో అన్నారు. ఇందులో నిజానిజాలు ఆ పెరుమాళ్ళ కెరుక. 
అయితే...రిపోర్టర్ లను తొలగించిన తీరు మాత్రం అభ్యంతరకరంగా ఉంది. ఒక మూడు రోజుల కిందట ఈ చానెల్ హెచ్. ఆర్. డిపార్ట్మెంట్ వాళ్ళు ఈ రిపోర్టర్ లకు ఫోన్ చేసి...ఒక గంటలో రాజీనామా పత్రం పంపండి...లేకపోతే...మీకు సంస్థ నుంచి రావలసిన డబ్బులు రాకుండా ఇబ్బంది పెడతాం...అని చెప్పినట్లు సమాచారం. ఇదే గనక నిజమైతే....ఇది దారుణం. తిక్క తిక్క పనులతో....చెత్తగాళ్ళ మాటలు విని నిర్ణయాలు తీసుకుంటున్నాడని విమర్శలు ఎదుర్కుంటున్న రవి ప్రకాష్ లో మరీ తేడా చేసినట్లు. తీసుకునేప్పుడు అర్హతలతో, అనుభవంతో నిమిత్తం లేకుండా తీసుకోవడం, కావాలనుకున్నప్పుడు ఉద్యోగాలు పీకేయడం చానళ్ళ యాజమాన్యాలకు అలవాటు అయిపోయింది. అటు ఉద్యోగాలు పోయినవారు గానీ, ఇటు జర్నలిస్టు సంఘాలు గానీ ఈ విషయంలో ఏమీ చేయడం లేదు. ఇప్పుడు గొడవ చేస్తే...మళ్ళీ ఉద్యోగం రాదేమో అని జర్నలిస్టులు భయపడుతుంటే...చానెల్ యాజమాన్యాలకు వ్యతిరేకంగా మాట్లాడితే....స్టూడియోలలో చర్చలకు పిలవరేమో అనుకునే స్వార్ధపరులు సంఘాల నేతలుగా వుండడం ఇందుకు కారణం.  
ఇందిలా వుండగా...మే ఫస్టు నుంచి ఈ చానెల్ కొందరు ఉద్యోగుల జీతాలు పెంచినట్లు కూడా ప్రచారం జరుగుతున్నది.

3 comments:

abbu said...

its not a new thing.its a known fact that since long time corruption allegations are being levelled against the tv9 mangmnt.who ever raises the voice against irregularities or the injustice with in the org have been sidelined. already arun sagar has been sidelined. Rajanikanth who had been proved unfit in Mahaa tv has been brought back and made as inputeditor, what a sad thing.And the person who is not good at telugu, none other than akula dinesh made as output incharge.Atlast you are dare and bold to write an article on these issues,better late than never.i appreciate your courage.. keep going

katta jayaprakash said...

You deserve compliments for a courageous writings on tv9 a den of corruption.Every journalist knows the corrupt mindset and history of tv9 and company.But common man feels that it is rendering service to the society.A big black sheep.Inspite of treatment in the hands of Jagan Ravi Prakash has not learnt any lessons.
JP.

జి.నరసింహారావు said...

Tv9 నుంచి రిపోర్టర్ల తొలగింపు నిర్ణయం ప్రస్తుతానికి లేనట్లే.మే 11 నుంచి వీరంతా విధులకు హాజరవుతారని తెలిసింది.