Tuesday, March 17, 2015

హతవిధీ... వీ ఆర్ ఎస్ ప్రకటించిన 'ది హిందూ'

136 సంవత్సరాల సుదీర్ఘ ప్రస్థానంలో నాణ్యమైన జర్నలిజానికి నికార్సైన పేరని అనుకునే 'ది హిందూ' పత్రిక యాజమాన్యం (కస్తూరి అండ్ సన్స్ లిమిటెడ్-కె. ఎస్. ఎల్. ) మొట్టమొదటి సారిగా ఉద్యోగుల కోసం స్వచ్ఛంద పదవీ విరమణ పథకాన్ని ప్రకటించింది. జర్నలిస్టుల వేతన సంఘం సిఫార్సులు, తమిళ భాషలో ఎడిషన్ పెట్టిన దరిమిలా వచ్చిన నష్టాల నేపథ్యంలో యాజమాన్యం ఈ ప్రకటన చేసినట్లు సమాచారం. 
నలభై సంవత్సరాలకు పై బడిన వయస్సు ఉండి, పత్రికలో పదేళ్లకు మించిన అనుభవం ఉన్నవారిని ఉద్దేశించి ఈ పథకం ప్రకటించినట్లు 'బిజినెస్ స్టాండర్డ్' పత్రిక ఈ రోజు ఒక వ్యాసం ప్రచురించింది. అయితే తమకు ఇంకా అధికారిక సమాచారం రాలేదని ఇద్దరు ముగ్గురు ఉద్యోగులు ఈ బ్లాగ్ బృందానికి చెప్పారు. ఇతర రిటైర్మెంట్ ప్రయోజనాలతో పాటు చాలా ఉదారంగా ప్యాకేజ్ ఉంటుందని, ఇండస్ట్రీ లో అత్యుత్తమంగా ఉండేలా చూసామని యాజమాన్యం ప్రకటించింది. అయితే... ఎంత మొత్తం ఇస్తారో స్పష్టంగా చెప్పలేదు.
2008 లో 230 కోట్ల రూపాయల లాభాలు ఆర్జించిన కె ఎస్ ఎల్ ఆ తర్వాత నష్టాల బాట పట్టింది. సుప్రీంకోర్టు తీర్పు మేరకు వేతన సంఘం సిఫార్సులు అమలు చేయడం మొదలు పెట్టడంతో లాభాల్లో ఏడాదికి నలభై కోట్ల మేర కోత పడింది. ఈ లోపు 2013 లో తమిళంలో పత్రికను ఆరంభించి చేతులు కాల్చుకుంది. 2013-14 లో దాదాపు వెయ్యి కోట్ల ఆదాయం వచ్చినా... నష్టం 64 కోట్లుగా చూపిందని  'బిజినెస్ స్టాండర్డ్' కథనం. 

3 comments:

karthik said...

మార్కెటింగ్ పై ఫోకస్ లేకపోవడం హిందు పత్రికకు పెద్ద మైనస్ పాయింట్. ఉత్తర భారతదేశాన్ని హిందు పత్రిక అసలు పట్టించుకోదు. ఈ సమస్యల గురించి ఎందుకనో ఆ పత్రిక యాజమాన్యం పట్టించుకోలేదు.

katta jayaprakash said...

The Hindu has given report on voluntary retirement in today's edition.The Hindu never desires to go with the day as it still continues it's old policy of non committal news without taking any risk but wants a safe day.In these days of high profile days there must be something to unearth many scams,crimes taking a bit of risk.But it still continues as a soft without any one inspite of knowing everything about every one.Ofcourse this is a safe journey but one should not think of profits but no loss no gain mindset.

sravan kumar said...

So sad...