Sunday, August 17, 2014

సీనియర్ జర్నలిస్టుల విషయంలో మీడియా హ్రస్వదృష్టి

మీరు బీబీసీ ఛానెల్ చూసే ఉంటారు. అందులో యాంకర్లు, రిపోర్టర్లకు బట్టతల, నెరిసిన జుట్టు ఉంటాయి. దాదాపు అన్నీ ముసలి ముఖాలే. చాలా వరకు తాతయ్యలు, అమ్మమ్మలు ఉంటారు. రూపం ఎలా ఉన్నా... వారి విశ్లేషణ అద్భుతంగా ఉంటుంది. అందుకే... ఆ ఛానెల్ కు ప్రపంచవ్యాప్తంగా ప్రజాదరణ ఉంది. 

ఇది ఎందుకు ప్రస్తావించవలసివచ్చిందంటే... తెలుగు మీడియా లో యాజమాన్యాలు సీనియర్లను డీల్ చేస్తున్న ధోరణి బాధాకరంగా ఉండడం. జర్నలిజం అంటే... పెట్టుబడి దారుడైన యజమాని వ్యాపార-రాజయకీయ-వ్యక్తిగత పనులు చేసిపెట్టే సాధనమని నమ్ముతున్న వెర్రి వెధవలు, అబద్ధాలు చెప్పి బతికే సన్నాసులు, కులం మూలంగా ఉన్నత పదవులు వచ్చిన సత్రకాయలు, జర్నలిజం పవిత్ర వృత్తి కాదనీ...ఈ పదవిలో ఉన్నన్ని రోజులు ఎలాగోలా సందించుకోవాలని నమ్మే చచ్చుపుచ్చులు బాసులుగా కావడం వల్ల ఈ పరిస్థితి దాపురించింది. 

ఖర్చు పెరిగిందని నిత్యం ఏడ్చే యజమానిని ఇంప్రెస్ చేయడానికి... ఈ పై బాపతుగాళ్ళు ఒక అతి తెలివి సలహా ఇస్తారు: "సార్...సీనియర్లను పీకుదాం. ఒక సీనియర్ కు మనం ఇస్తున్న డబ్బుతో నలుగురు జూనియర్లను తేవచ్చు...," అని ఒకడు... "థర్టీ (అంటే ముప్ఫైవేలు జీతం) కి పైన వస్తున్న వాళ్ళను తీసేస్తే... ముగ్గురు జూనియర్లు వస్తారు..," అని మరొకడు సలహా విసురుతాడు. తమకు ఎప్పుడైనా పోటీ వచ్చే సీనియర్లను వీళ్ళు ఇలా వదిలించుకుంటారు. పావలా బిళ్ళ లోపల దొరుకుతుందంటే.... ఉన్నపళంగా హుస్సేన్ సాగర్ లో దూకడానికైనా వెనకాడని యజమానులు ఈ పై బాపతుగాళ్ళ మాటలు నమ్మి... సీనియర్లను ఇళ్ళకు పంపుతున్నారు. తెలుగు మీడియా... దేశంలో చట్టాలకు, సహజ న్యాయ సూత్రాలకు, హక్కులకు, మానవత్వానికి అతీతంగా నడుస్తున్ననందున... సీనియర్ జర్నలిస్టులపై వేటు అప్రతిహతంగా సాగుతున్నది. 

వేరే వృత్తుల సంగతి ఎలా ఉన్నప్పటికీ... ఈ ధోరణి జర్నలిజానికి మంచిది కాదు. ఇక్కడ సీనియారిటీ చాలా సందర్భాలలో ఉపకరిస్తుంది. కీలక నిర్ణయాలు తీసుకోవాల్సినప్పుడు సీనియర్లు తమ అనుభవసారంతో ఆదుకుంటారు. నిజానికి అనేక సందర్భాలలో సీనియర్లు పత్రిక/ఛానెల్ కు డామేజ్ జరగకుండా కాపాడి ఉంటారు. కానీ...వారు వాటిని డప్పేసుకుని ఎవరికీ చెప్పుకోరు కాబట్టి జనాలకు తెలవవు. 

అంత దాకా ఎందుకు? టీవీ నైన్ మూతపడడానికి కారణం అయిన... అ 'బుల్లెట్ న్యూస్' ను ఒక సీనియర్ డీల్ చేసి ఉంటే... ఇవ్వాళ ఈ పరిస్థితి వచ్చేది కాదు. ఈ న్యూస్ ను డీల్ చేసిన వాళ్ళంతా...తక్కువ అనుభవం ఉన్నవాళ్ళే నని సమాచారం. ఇది చదివిన యాంకర్ కూడా... కొన్ని సార్లు... అందులో పదాల పట్ల అభ్యంతరం వెలిబుచ్చినట్లు చెబుతున్నారు. అయితే...సరుకును బట్టి కాకుండా.... ఇతరేతర కారణాల వల్ల సీనియారిటీ పోగేసుకున్న వారికి ఇది వర్తించదు. 

కాబట్టి... పత్రిక/ఛానెల్ యజమానులారా... మిమ్మల్ని మభ్యపెడుతున్న వారి మాటలు నమ్మి సీనియర్లపై వేటు వేయకండి. అది నాణ్యతకు తెచ్చే చేటు అంతా ఇంతా కాదు. ఇన్నాళ్ళూ మీకు సేవ చేసిన సీనియర్లను కేవలం భారీ శాలరీలను బట్టి భారంగా భావిస్తే...మీకు తెలియకుండా ఎంతో నష్టం జరుగుతుంది. ప్రముఖ శాస్త్రవేత్త ఐన్ స్టీన్ పైన ప్రస్తావించిన తొమ్మిదో పాయింట్ ను బట్టి విజ్ఞానం అనేది... అనుభవం తో వస్తుందని, అనుభవజ్ఞులైన ఉద్యోగులు ఒక వరమని తెలుసుకోండి. సీనియర్ల పట్ల మీ ఉన్మాద ధోరణి ఆపండి.   

2 comments:

K V V S MURTHY said...

Almost Telugu journalism came to astray.Mediocre salaries and life style allures no real gems.Especially some media houses degraded the value of journalism.I said it through my experience...!

Saahitya Abhimaani said...

When a press conference was in progress, conducted by many Bank Chiefs in India, one semi literate media person asked a question to one of the Bank Chiefs:

"What is the average age of your Employees"

The Bank Chief said(or to that effect)

"I see the angle of your question. Coming straight to the point, why can't we decide the retirement age in Banks as 40! And, then you have all young people!!"

The semi literate fellow, could not ask any further question, as the reply was beyond his comprehension and his "handler" in the studio also did not come to his rescue by whispering electronically to ask a supplementary.

When you wrote that Seniors are treated as dead wood in Media, I recollected the above incident.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి