Thursday, February 14, 2013

ఏంట్రా నాయనా....ఈ ఆడపిల్లల దుస్థితి?

ఈ హడావుడి జీవిత చక్రంలో ఇరుక్కుని గిర్రుగిర్రున తిరుగుతున్న నాకు ఈ రోజు వాలెంటైన్స్ డే అని గుర్తుకు రాలేదు. ప్రేమికులకు ప్రత్యేకించి ఒక రోజు ఉండడం పట్ల నాకు మాదిరిగానే...మా మేడం గారికీ ఇష్టం లేదు కాబట్టి తనూ ప్రస్తావన తేలేదు. ఈ రోజు ప్రెస్ క్లబ్ లో వాళ్ళు ఇచ్చిన టైం కు వెళ్లి ఆధార్  కార్డు పని ముగించుకోవడం కన్నా మించిన అతి ముఖ్యమైన పని నాకు మరొకటి కనిపించలేదు. ఆధార్...తీసుకోకపోతే...మనకు ఫ్రీగా ప్రకృతిలో లభించే ఆక్సిజన్ ను కూడా పీల్చుకోనివ్వరన్నంత సీన్ క్రియేట్ చేసారు. 
     
అలా...సెంట్రల్ యూనివర్సిటీలో క్లాసు ముగియగానే...ఒక స్టూడెంట్ వచ్చి నాతో పర్సనల్ గా మాట్లాడాలని, కొంత సమయం కేటాయించమని అడిగింది.  
తమ కాలనీలో ఉండే ఒక అబ్బాయితో లవ్ లో పడిన తాను వాడి నిజ స్వరూపం తెలిసినప్పటి నుంచి దూరంగా ఉండటాన్ని, అది భరించలేని వాడు మొన్నీ మధ్యన చేయి చేసుకోవడంతో మెడ కింద అయిన  గాయాన్ని చూపింది. బాగానే తెగువ ఉన్న ఆ అమ్మాయి పోలీస్ కేసు పెట్టడం, వాడిని రిమాండుకు పంపడం, వాడు బైటికి రావడం కూడా అయిపోయాయి. ఇప్పుడు వచ్చిన చిక్కు ఏమిటంటే...కసితో రగులుతున్న వాడు ఈ అమ్మాయి ఇంటికి వెళ్లి అమ్మాయి చెల్లిని, తల్లిని బెదిరించాడట...కేసు విరమణ కోసం. తను మాత్రం బ్యాగులో పెప్పర్ స్ప్రే పెట్టుకుని క్యాంపస్ లో బిక్కుబిక్కున బతుకుతున్నది. తనకు నేను ధైర్యం నూరిపోసి...మనో నిబ్బరంతో పోరాడమని, ఇలాంటి దారుణాలను మౌనంగా భరించవద్దని చెప్పి వచ్చాను.      

ఆధార్ పోరాటంలో భాగంగా మా వాడిని తీసుకురావడానికి స్కూలుకు వెళ్లాను. అక్కడ ఎంతో ఉత్సాహంగా తిరుగుతున్న పిల్లలను చూస్తే...ముచ్చటేసింది. జోకులేసుకుంటూ నవ్వుతూ...తుళ్ళుతూ తిరుగుతున్న ఆడ పిల్లలు ఎంతో లైవ్లీ గా కనిపించారు. వారు నిజంగా మన భారతమాతలు. ఆధార్ సమరం ముగిసాక...'ది హిందూ' తిరగేశాను. మొదటి పేజీలో గిటార్ విద్వాంసుడు పండిట్ రవిశంకర్ కూతురు అనౌష్క్ I was sexually abused as a child అంటూ ఇచ్చిన ప్రకటన షాక్ కు గురిచేసింది. తన తల్లిదండ్రులు బాగా నమ్మే ఒక వ్యక్తి వల్ల బాల్యంలో మౌనంగా తను ఎంత నరకం అనుభవించిందీ తను వివరించారు. అంత ఉన్నత విద్యావంతుల కుటుంబంలోనూ ఇదేమి దారుణమని అనిపించింది. 'ది హిందూ' లోపలి పేజీలో 5 class X students held for rape అన్న ఏలూరు వార్త దిగ్భ్రాంతికి గురిచేసింది. ఈ పిల్లలు స్కూల్లోనే ఒక సహచర విద్యార్ధినిని ఏమిచేసిందీ చదివితే...ఒళ్ళు కంపరమెక్కింది. ఈ మూడు ఘటనలతో మనసు బరువెక్కి The Sun వెబ్ సైట్ చూస్తే...ఆఫ్రికాలో బ్లేడ్ రన్నర్ ఆస్కర్ పిస్తోరియస్ తన గర్ల్ ఫ్రెండ్ (లా గ్రాడ్యుయేట్ మోడల్) రీవా స్టీన్ కెంప్ ను కాల్చిచంపిన నేరంపై అరెస్టు చేయడం చూసి అద్దిరిపోయాను. 

సర్లే మనమేమి చేస్తామని అనుకుని...డైలీ మెయిల్ తిరగేశాను. అక్కడ ఇంకొక వార్త ఉంది: Schoolgirl, 14, sent messages to her family on Facebook begging for help as she was raped by stranger in woods అన్న శీర్షికతో. అందులో మొదటి మూడు పేరాలు ఇవి: 
A schoolgirl sent messages to her family via Facebook pleading for help while she was being raped in woods near her home.
The 14-year-old used her mobile phone to write ‘help’ and ‘raping me’ on her sister’s profile page on the site, a court was told.
But although the messages alerted her mother and sister, who eventually discovered her collapsed by the roadside, they were too late to stop her ordeal.

ఇది చదివాక...మనమేమి సమాజంలో బతుకుతున్నాంరా నాయనా? ఈ ఆడపిల్లల పరిస్థితి హైదరాబాద్ లో అయినా...ఏలూరులో అయినా...దక్షిణాఫ్రికా లో అయినా....లండన్ లో అయినా ఒక్కటే కదా!  అనిపించింది. మన కూతుళ్ళు, చెల్లెళ్ళు, అక్కలు, అమ్మల తోబుట్టువులైన ఈ చిట్టి తల్లులకు మంచి రోజులు ఎప్పుడొస్తాయో కదా!
Sketch courtesy: artamaze.wordpress.com

2 comments:

sravya said...

manchi rojulu vastayo ravo kani,ammayilede tappu ane statements matram vastayi

K V Ramana said...

Sometimes I feel there have to be strongmen around us who do not worry about the implications of law. In this case of your student too there will be no respite by approaching the police. My apologies for saying this but this is the reality. One of my friends who does not care about law recently handled one such case which is similar to your student's case. This friend of mine went to the offender's house and threatened his parents and beat up the offender in his house. Later I came to know that the offender and his family shifted out of that place. My experience also tells that the middle class becomes the target since this is the group which is more worried about social image of their family.