'మార్పు'నకు నాంది పలకాల్సింది...మీడియానే!

U= Ultimately
G= Glorious
A= Amazing
D= Days
I= In front of you.
Wish you a happy UGADI
------------------------------------
కొత్త రోజు
కొత్త ఉదయం
కొత్త ఆశలు
కొత్త ఆశయాలు
కొత్త విజయాలు
కొత్త సంతోషాలు 
వికృతి నామ ఉగాది శుభాకాంక్షలు
-------------------------------------
షడ్రుచుల ఉగాది పచ్చడితో
మీ జీవితం సప్తవర్ణ శోభితం అవ్వాలని
మీ కీర్తి అష్ట దిక్కుల వ్యాపించాలని
ఆశిస్తూ....కొత్త సంవత్సర సుభాకామనలు..
-----------------------------------
తెలుగు నోట 
తెలుగు మాట
తెలుగు పాట
తెలువు పిండివంట
తెలుగు ఎదలో అన్నీ తెలుగు సొదలే నిండాలి...
ఇది తెలుగు ఉగాది ఆకాంక్ష
---------------------------------------
ఇవీ నా ఆప్త మిత్రులు ఈ రోజు తెలుగు నూతన సంవత్సర శుభ సందర్భంగా పంపిన కొన్ని ఎస్.ఎం.ఎస్.లు. నల్గొండ కవి మిత్రులు...వేణు సంకోజు గారు ఫోన్లో మాట్లాడుతూ...'వికృతి' అంటే ఏమిటి? అని అడిగారు. 'వికృతి' అంటే 'మార్పు' అట. అదే మన నల్ల కలువ బారక్ ఒబామా నినాదం.  ఆయనను గెలుపు పల్లకిలో ఊరేగించిన అద్భుతమైన సకారాత్మక నినాదం. 


ఈ శ్రీ 'వికృతి' నామ సంవత్సరంలో అందరికీ విజయాలు లభించాలని...నిలువెల్లా గాయాలైన రాష్ట్రం త్వరితగతిన కోలుకోవాలని...శాంతి వెల్లివిరియాలని, ప్రజల మధ్య వైషమ్యం సమసిపోవాలని, అందరం మంచిని పెంచాలని-పంచాలని ఆశిద్దాం.

TV-9 రవి ప్రకాష్, ఆంధ్రజ్యోతి వేమూరి రాధాకృష్ణ, N-TV నరేంద్రనాథ్-రాజశేఖర్, TV-5 నాయుడు-బ్రహ్మానంద రెడ్డి, 'సాక్షి' రాంరెడ్డి-స్వప్న లు  ఛానెల్స్ లాభం కోసం కాకుండా సమాజహితం కోసం పనిచేయాలని, వారి పుర్రెలు అలా ప్రవర్తించేలా పంచభూతాలు వారికి సహకరించాలని కోరుకుందాం. మీడియాలో ఉన్న వారంతా తేట తెనుగు రుచిని పెంచాలని, దీన్ని విశ్వవ్యాప్తం చేయాలని ఆశిద్దాం. పత్రికలు, టీవీ లను ఏలుతున్న ఈ మహారాజులు, మహారాణులు జర్నలిస్టుల ఉజ్జోగాలు పీకుతూ....వారి జీవితాలలో అనిశ్చితిని, సంక్షోభాన్ని సృష్టించకుండా ఉండాలని ఆశిద్దాం. అలాగే...సినిమా జనానికి పట్టిన బూతు పిచ్చి వదలాలని, అది వదలకపోతే....కోర్టు కేసుల ద్వారా ప్రజలు ఆ దయ్యాన్ని వదిలించి...వారిని మార్చాలని కోరుకుందాం. సమాజంలో మార్పునకు మీడియానే నాంది పలకాలి. దిగ్విజయీభవ.