Sunday, June 1, 2014

ఐ-న్యూస్ కోపదారి ఎడిటర్ రుసరుస...బుసబుస

ఐ-న్యూస్ లో పనిచేస్తున్న ఒక సీనియర్ జర్నలిస్టు "మేలుకో... తెలుగోడా..." అనే ప్రోగ్రాం రికార్డింగ్ సందర్భంగా భయంకరంగా అసహనానికి గురికావడం....తన కాపీ టైపు చేసిన వాళ్ళను, ప్రూఫ్ రీడ్ చేసిన వాళ్ళను సభ్యత మరిచి తిట్టడం ఇప్పుడు చర్చనీయాంశం అయ్యింది.  "ఎందుకు పుడతారో కూడా తెలియదండి.... కొంత మంది. బేసిక్ సెన్స్ ఉండదు మనుషుల దగ్గర..." అని ఒక దగ్గర రుసరుసలాడడం, "మాకేంటి... అయితే... మాకేటి అనే లవడాలో భాష రాసారు...ఇక్కడ..." అనడమే కాకుండా.. "నేను కోపదారి మనిషినని మీకు తెలుసు..." అని కూడా సదరు జర్నలిస్టు అన్నారు. 

ఆ వీడియో ని అక్కడే పనిచేస్తున్న కడుపు మండిన జర్నలిస్టులో, టెక్నీషియన్ లో బైటికి లీక్ చేయడం, అది సోషల్ నెట్ వర్క్ లలో చెలామణి కావడం, అది చూసిన వారంతా పొట్టచెక్కలయ్యేలా నవ్వడం...దాన్ని పంపిణీ చేయడం  జరుగుతున్నది. 

ఒక వారం కిందట ఆ వీడియోను మేమూ చూశాము. ఇక్కడి మీడియా ఎడిటర్ల స్థాయిలో ఉన్న చాలా మంది జర్నలిస్టులు వృత్తి నైపుణ్యం లేని చెత్త సరుకని, తోటి వారిని గౌరవించే బుద్ధిలేని సంస్కారహీనులని, పదవి తెచ్చిన కొవ్వుతో బరితెగించే మూర్ఖులని తెలుసు కాబట్టి.... ఆ అంశానికి మేము పెద్దగా ప్రాధాన్యం ఇవ్వలేదు. కానీ, ఐ-న్యూస్ వ్యవహారం మీద కొమ్మూరి యుగంధర్ అనే మిత్రుడు ఈ కింది లేఖ రాశారు. నిజమో కాదో కాని... ఈ కోపదారి జర్నలిస్టు ఉద్యోగం ఊడిందట. యుగంధర్ గారు పంపిన వ్యాఖ్యను కొద్దిగా ఎడిట్ చేసి ఇక్కడ ఇస్తున్నాము. 
-----------------------------------------------
ఈ మధ్య ఐ న్యూస్ సీనియర్ జర్నలిస్ట్ పై ఒక వీడియో విస్తృతంగా ప్రచారంలోకి రావడం మీ దృష్టికి వచ్చే ఉంటుంది . దాని మీద ఎందుకో మరి మీరు ఇంతవరకు స్పందించలేదు . ఆ వీడియోని జర్నలిస్ట్ మిత్రులు బ్రహ్మానందం కామెడీ క్లిప్ మాదిరిగా ఎంజాయ్ చేయడం, ఆ వీడియో కారణంగా ఆ సీనియర్ జర్నలిస్ట్ రాజీనామా చేయాల్సి రావడం నిజంగా విచారకరం. దీనిపై నా భావాలు మీతో పంచుకోవాలని అనిపించి ఇది రాస్తున్నాను. 
ఇందులో ప్రధానంగా రెండు అంశాలు మనం గమనించాలి . 
1. 
ఆ సీనియర్ జర్నలిస్ట్ గారి ప్రవర్తన , 2.ఈ వీడియో ను చలామణి చేయడం, 
మొదటిది, 
ఆ సీనియర్ జర్నలిస్ట్ గారి ప్రవర్తన : నాకైతే ఆయన ఆవేశంలో తప్పు కనపడలేదు . కింది ఉద్యోగులు తప్పులు చేస్తే పైఅధికారి ముమ్మాటికీ మందలించాల్సిందే . ఆ మందలింపు స్థాయి ఒక్కొక్కరికి ఒక్కొక్క విధంగా ఉంటుంది . నూటికి 99 మంది ఆ సీనియర్ జర్నలిస్ట్ లాగే (ముఖ్యంగా అలాంటి సందర్భాల్లో) మండిపడతారు. అలా మందలించక పోతేనే ఆ అధికారి తప్పు చేసినట్టు అవుతుంది . ఆ దెబ్బకి అవతలవాడు మళ్ళీ అలాంటి తప్పు చేయకుండా ఉండాలి . (మిగిలిన ఒక్కడు "ఓంతమ్మా, ఇలా చేస్తే ఎలా బుజ్జీ , ఇంకెప్పుడు తప్పులు చేయకేం " అని బుగ్గలు నిమురుతూ లాలనగా మందలిస్తాడు. అలాంటి మందలింపు వల్ల వల్ల తప్పుచేసినవాడు బాగుపడడు సరికదా మరిన్ని తప్పులు చేస్తాడు) ఇక, బూతులంటారా ? బహిరంగ సభల్లో, టీవీల్లో విద్వేషాలు రెచ్చగొట్టే విధంగా , బూతుకి తక్కువ, అశ్లీలానికి ఎక్కువ అన్నట్టుగా సాగే ప్రసంగాల్ని'ఏదో ఉద్యమ ఆవేశం లెద్దూ' అని ముసి ముసి నవ్వుల్తో సర్దుకుపోయే సంస్కారం మనది. ఆ సంస్కారాన్ని ఇక్కడ కూడా చూపించేద్దాం . 

రెండు .. వీడియో చలామణీ : స్టుడియోలో ఆఫ్ ది రికార్డ్ సంభాషణలని రికార్డు చేసి ఇలా సర్క్యులేట్ చేయడం పరమ అనైతికం . ఈ వీడియో ఆధారంగా 
ఆ సీనియర్ జర్నలిస్ట్ మీద కంప్లైంట్ చేయదలుచుకుంటే దీనిని యజమాని ఒక్కరికే చూపిస్తే సరిపోయేది . ఇలా బజారులో పెట్టడం మాత్రం చాలా అన్యాయం . దీని బాధ్యుల్ని ఉద్యోగాల నుంచి తొలగించినా తప్పు లేదు . 

చివరిగా : సర్వకాల సర్వావస్థల్లో బాసులందరూ రాక్షసులు, సబార్డినేట్లు వట్టి గంగి గోవులు అనుకోవడం సరికాదు. నిన్నటి సబ్ ఎడిటరు రేపటి అవుట్ పుట్ ఎడిటర్ . నిన్న చీవాట్లు తిన్నవాడే రేపు చీవాట్లు పెట్టే స్థాయికి చేరిపోతున్నాడు . ఇవాళ ఈ వీడియోని బజారులో పెట్టిన వాళ్లు గాని, దాని చూసి చంకలు గుద్దుకున్నవాళ్ళు గాని జీవితంలో ఎప్పడూ ఎవరిమీదా ఇలా 
ఆ సీనియర్ జర్నలిస్ట్ లాగా 'ఎక్కెయ్యకుండా', నేను పైన పేర్కొన్న
'నూటికి ఒక్కడు' మాదిరిగా సహనశీలురై మిగతా 99మందికి ఆదర్శప్రాయంగా మెలగాలని కోరుతున్నాను. 

కొమ్మూరి యుగంధర్ 
తా.క.: నాకు కృష్ణమోహన్ ఎవరో తెలియదు. ఆయనతో కనీసం ముఖ పరిచయం కూడా లేదు. 

4 comments:

Anil Atluri said...

కొమ్మూరి యుగందర్ గారి అభిప్రయాలతో నేను ఏకిభవిస్తున్నాను.
తా.క. : నాకు కృష్ణమోహన్ ఎవరో తెలియదు. కొమ్మూరి యుగందర్ గారితో కూడ నాకు ఎటువంటి పరిచయం లేదు. వారిద్దరితో కనీసం ముఖ పరిచయం కూడా లేదు.

Unknown said...

currect

Sudhakar said...

We are in an age of people who comment on the people who worry about right things. What's wrong in his anger ? He is quite respectful when he started, but more and more incompetency made him more anger. Is it wrong to expect good language and quality work ? anyways people with knowledge do not deserve to work in telugu media houses..That's an established fact.

Saahitya Abhimaani said...

I too do not find anything wrong in the tantrums of the poor fellow who is the victim of incompetence of his staff.

Nowadays, almost everywhere goody goody management is the order of the day. For anything smile, for anything patience, for anything understand other person, for anything empathise. This kind of attitude is ultimately breeding incometence in the organisations and more dangerously giving courage to the incopetent fellows to behave in the same manner believing themselves as great victims of some egoistic boss.

Only one thing is that the person should not have used unparliamentary words while firing his subordinates. But what to do anger makes the tongue loose.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి