Wednesday, April 14, 2010

వామ్మో...పెళ్లయినా...మీకెంత ఎనర్జీ?: TV-1 యాంకర్

దాని పేరు TV-1 ఛానల్. 'సంస్కృతి' పేరిట రవిప్రకాష్ పెట్టిన ఛానల్. 
రక్తిలో వచ్చినట్లు భక్తిలో డబ్బులేదన్న తత్వం గ్రహించి ఆయన 'సంస్కృతి'ని మూసేసి...TV-1 గా అవతారం మార్చారు. 
'సాక్షి ఛానల్' ని ఇంత ఎత్తుకు తీసుకువచ్చిన ఒక మిత్రుడికి ఈ ఛానల్ బాధ్యత ఇచ్చి...సృజనాత్మకతతో దున్నుకో...నీ ఇష్టం అన్నాడు. ఈ చానెల్ సంక్షిప్త చరిత్ర ఇది. ఇక ఇప్పుడు అసలు కథ.
అది మంగళవారం రాత్రి. 
ఆ ప్రోగ్రాం పేరు: రూప్ తేరా మస్తానా...
చదివితే, గిదివితే ఇంటర్ చదవాల్సిన ఒక అమ్మాయి (పేరు అర్చన అనుకుంటా) తెరమీదికి వచ్చింది. 
ప్రముఖుల ఫోటో చూపీచూపనట్లు చూపి ఫోన్ చేసిన కాలర్స్ కు కొన్ని క్లూస్ ఇచ్చి ఫోటోలో దాక్కున్న వ్యక్తిని కనుక్కుంటే బహుమానం ప్రకటించే ప్రోగ్రాం ఇది. రాత్రి ఒకామె తో ఈ యాంకర్ అర్చన చేసిన సంభాషణ ఇది. ఉరకలు వేసే ఉత్సాహంతో అర్చన నిజానికి నవ్వుతూ...ఆకట్టుకుంటుంది. తెలుగు మాటలను పంపర పనసను తరిగినట్లు తరిగి...ఇంగ్లిష్  తో తాలింపు వేసి జివ్వుమనిపించే చిలిపి మాటలు, ముఖ కవలికళతో అర్చన కమ్మగా వడ్డిస్తుంది. 

యాంకర్: హలో..హలో...ఎవరు మాష్లాడుతున్నారు?
కాలర్: నళిని...
యాంకర్: ఆ..ఏమిటి...నలిని?

కాలర్: అవును...నళిని..(హ  హ హా...ఒకటే నవ్వులు)
యాంకర్: హాయ్...నళిని ...చెప్పండి..
కాలర్: హ..హ.హ..(నవ్వులు)

యాంకర్: వావ్..నళిని గారు మీరు స్టూడెన్టా?
కాలర్: కాదు..
యాంకర్: కాదా? వోవ్...కాదా? మరి మీలో ఎంత ఎనర్జీ వుంది!
కాలర్: హౌజ్ వైఫ్
యాంకర్: వావ్...మీరు హౌజ్ వైఫ్ ఆ....హో...
కాలర్: హ.హ.హా..
యాంకర్: ఓహో..న్యూలీ మారీడా? కొత్తగా పెల్లయ్యిందా?
కాలర్: హ..హ..లేదు బేటా..పెల్లీడుకు వచ్చిన నీలాంటి కూతురు వుంది.

యాంకర్: ఓ...గాడ్...మీకు పెళ్ళయ్యిందా? అసలేంటి? మీలో ఎనర్జీ లెవల్స్? ఎంత బాగున్నాయి?

..........ఇలా సరసంగా, రసమయంగా, ఉల్లాసంగా సాగుతుంది సంభాషణ. ఏదో..జనాలను ఉత్సాహపరిచే మాటలు మాట్లాడవచ్చు గానీ...వివాహిత మహిళలలో ఎనర్జీ ఉండదని, స్టూడెంట్స్, కొత్తగా పెళ్ళైన వారికి మాత్రమే ఎనర్జీ ఉంటుందని...ఈ సిటీ పాపాయ్ ఇంత చిన్న వయస్సులోనే...ఒక నిర్ధారణకు వచ్చి కూసేస్తుంది. ఇది విని నమ్మేసే జనం మన దగ్గర లేకపోలేదు. అసలీ ఎనెర్జీ, సినర్జీ ఏమిటో? 

Archanaa, చిట్టి తల్లీ, నాకు ఎందుకో నిన్ను చూస్తే బాధేస్తోందమ్మా. నవ్వుతూ పులుల ప్రపంచంలో ఉన్నావ్. ఈ బుల్లితెర మాయాజాలంలో పడి చదువు చెడగొట్టుకోకు. కాస్త పద్దతిగా ఒకటి రెండు షోలు చేసుకుని, పుస్తకాలు చదువుకుని, జీవితంలో పైకెదుగు తల్లీ. నీ ఎనర్జీ లెవెల్స్ చూస్తే అర్థమవుతున్నది ఏమిటంటే...నువ్వు చదువు మీద ఫోకస్ చేస్తే...ఎంతో ఎత్తుకు ఎదిగి పోతావని. All the best.

5 comments:

కెక్యూబ్ said...

All the best to Archana. Ban this type of chatings.

sowmya said...

హ హ హ బాగా చెప్పారు, పాపం ఆ పిల్ల "కొత్తొక వింత..." అన్న ధోరణిలో ఉన్నట్టుంది. మీ సలహాలు ఆమెకి అందితే బాగుందును !

jara said...

ramu garu she is doing betech 3yaer meruanukunatha chinapila kadu abo mhaha desha mduru puli bonulu uana pululatho games aduthudi

Anonymous said...

ఈ బ్లాగులో చాలా విలువైన సమాచారమూ, చర్చా ఉంటోంది. రాము గారి ఆవేదన, అలోచనలతో నేను ఏకీభవిస్తున్నాను. చాలా సంగతులు బాగున్నాయి.

Swarupa said...

Archana B.Tech 2nd yr chaduvuthondi. Valla Father criminal lawyer. Aayana tv9 CEO friend.