Wednesday, April 28, 2010

వేతన సంఘానికి 'ఈనాడు'పై రెండు ఫిర్యాదులు

హక్కులు, గిక్కుల గురించి పట్టించుకోకుండా...'ఈనాడు' ఇచ్చే జీతం మహాప్రసాదంలా భావించి తృప్తిపడే అమాయక జర్నలిస్టులకు ఇది శుభవార్త.  మనసిన వేజ్ బోర్డ్ చేసిన సిఫార్సులను 'ఈనాడు' యాజమాన్యం ఎలా తుంగలో తొక్కిందీ/ తొక్కుతున్నది, పూర్తి అలవెన్సులు గట్రా ఇవ్వకుండా జర్నలిస్టులను ఎలా మోసం చేస్తున్నదీ కొత్త వేజ్ బోర్డు దృష్టికి తీసుకుపోయారు...మన పోరాట యోధుడు గడియారం మల్లికార్జున శర్మ (జీ.ఎం.ఎస్.).

'ఈనాడు' దౌర్జన్యానికి బలవుతున్న జీ.ఎం.ఎస్. బుధవారం ఉదయం భువనేశ్వర్ లోని శ్రియాచౌక్ ప్రాంతంలో ఉన్న ఒరిస్సా కార్మిక కమిషనర్ కార్యాలయంలో కొత్త వేజ్ బోర్డ్ హియరింగ్ కు హాజరయ్యారు. బోర్డుకు నేతృత్వం వహిస్తున్న జస్టిస్ (రిటైర్డ్) జీ.ఆర్.మజథియను, ఐదుగురు సభ్యులను కలుసుకున్నారు. పాత వేజ్ బోర్డును సిఫార్సులను 'ఈనాడు' తుంగలో తొక్కిన వైనాన్ని ఒక నివేదిక రూపంలో వివరించారు. 


తన కేసును ఉదహరిస్తూ..తన వేతనం ఏడాదికి ఎంత పెరగాల్సిందీ, ఎంత పెరిగిందీ సవివరంగా ఒక పట్టిక (టేబుల్) రూపంలో వివరించారు. నీతి సూత్రాలు వల్లించే 'ఈనాడు' యాజమాన్యం....'న్యూస్ టుడే' అనే వార్త సంస్థ ముసుగులో జర్నలిస్టులను ఎలా దోచుకుంటూ లాభాపడుతున్నదీ జీ.ఎం.ఎస్. (ఫోటోలో ఎర్ర రంగు బాక్స్ లో ఉన్న వ్యక్తి) వివరించారు. 

ఈ ఫిర్యాదును సమర్పిస్తున్న సందర్భంలోనే....హక్కుల గురించి మాట్లాడిన తనపై 'ఈనాడు' ఎలా కక్ష కట్టిందీ జీ.ఎం.ఎస్. మజథియకు నోటిమాటగా వివరించారు. రెండేళ్లలో మూడు బదిలీలు చేసి, పోస్టు లేని చోట పోస్టింగ్ ఇచ్చి వేధిస్తున్న ఘోరాన్ని వివరించినప్పుడు మజథియ (ఫోటోలో సూటు తో ఉన్న వ్యక్తి) మానవతతో చలించి స్పందించారు. 

"మీరు ఈ వేధింపులపై మరొక పెటిషన్ ఇవ్వండి," అని మజథియ స్వయంగా కోరారు. దాంతో...జీ.ఎం.ఎస్. అక్కడికక్కడ మరొక ఫిర్యాదు తయారు చేసి అందజేశారు. ఇలాంటి ఫిర్యాదులపై స్పందించి శిక్ష వేసే అధికారం వేజ్ బోర్డుకు ఉండదు. అయినా....తాను ఈ విషయాన్ని కార్మిక శాఖ అధికారుల దృష్టికి తెస్తానని మజథియ చెప్పారు. 


"మన వాదనను మజథియ సావధానంగా విన్నారు. ఆయనను కలవడం తృప్తిని ఇచ్చింది. తెలుగు జర్నలిస్టులకు మేలు జరుగుతుంది అన్న ధీమా కలిగింది," అని జీ.ఎం.ఎస్. ఈ బ్లాగర్ కు టెలిఫోనిక్ ఇంటర్వ్యూలో చెప్పారు. 'ఈనాడు' లో గతంలో కంట్రిబ్యూటర్ పనిచేసిన రమణమూర్తి కూడా మజథియ బృందాన్ని కలిసిన జర్నలిస్టులలో ఉన్నారు. మజథియకు జీ.ఎం.ఎస్. ఇచ్చిన పిటిషన్ మొదటి పేజీ ఈ పక్కన ఇచ్చాం.

ఆర్థిక సహాయానికి జర్నలిస్టులు సిద్ధం 

జీ.ఎం.ఎస్. చేస్తున్న పోరాటంపై ఈ బ్లాగ్ లో వచ్చిన కథనం చూసి పలువురు జర్నలిస్టులు స్పందించారు. ఈ పోరాటంలో ఆర్థికంగా, మానసికంగా  కుంగిపోయిన ఆయనకు సహాయంచేయడానికి ముందుకు వచ్చారు. డబ్బు ఎకాయికి అతని అకౌంట్ లోకి వెళ్ళేలా చేయడమా లేక హైదరాబాద్, విజయవాడ, విశాఖపట్నం లలో ఫండ్ రైజ్ చేసి పంపడమా అన్న అంశంపై ఇంకా ఒక స్పష్టత రాలేదు. ఈ విషయంలో జర్నలిస్టుల సూచనలు, సలహాలకు స్వాగతం.

6 comments:

venkata subbarao kavuri said...

gadiyaaram neetiki nilabadina nijaayiteeparudeananaa??? aadhaaraalu vunnaayi kadaa? konni saarlu meeru tomdara padutunnaaru. amdukani ee prasna veayaalsi vachchimdi. skhamimchamdi.... keedemchi mealemchaalanna peddala suuktini prachaara madhyamamloe vidhigaa paatimchaalani meeku cheppaalsina pani leadu. imkoka maata eenaadunu vyatireakimchea prati vaaduu amdari vaadu kaadu. viplava kaarudu ayipoedu. ayinaa meeru anubhavagnulu. vignulu. tagina mumdastu aalochanalu mealu. cheatulu kaalaaka aakulu pattukovatam yeami laabham??

venkata subba rao kavuri

Anonymous said...

congratulations for the great move and all the best, GMS !

Anonymous said...

subbarao anna inthaki emi chepputunnavo strightga chepesthe poleda.. ee donka thirugudenduku

venkata subba rao kavuri said...

నేను మహా సూటిగా చెప్పానన్నా. 16 సంత్సరాలుగా పత్రికా రంగంలో వున్న నేను మా గ్రామంలో 10 రోజుల పాటు సేవా కార్యక్రమాలు నడిపితే... ఆ వార్తలు రాసేందుకు ముడుపులు అడిగారు మన తమ్ముళ్ళు. అన్నట్లు ఐ న్యూస్ నిర్మాత రాజశేఖర్ మన జాతే (విలేఖరి) కదా????. అందుకే కీడెంచి మేలెంచమని రాము గారికి గుర్తు చేసాను తప్ప మరొక వుద్దేశం యెమీ లేదు అన్నయ్యా.
వెంకట సుబ్బారావు కావూరి

venkata subba rao kavuri said...

నేను మహా సూటిగా చెప్పానన్నా. 16 సంత్సరాలుగా పత్రికా రంగంలో వున్న నేను మా గ్రామంలో 10 రోజుల పాటు సేవా కార్యక్రమాలు నడిపితే... ఆ వార్తలు రాసేందుకు ముడుపులు అడిగారు మన తమ్ముళ్ళు. అన్నట్లు ఐ న్యూస్ నిర్మాత రాజశేఖర్ మన జాతే (విలేఖరి) కదా????. అందుకే కీడెంచి మేలెంచమని రాము గారికి గుర్తు చేసాను తప్ప మరొక వుద్దేశం యెమీ లేదు అన్నయ్యా.
వెంకట సుబ్బారావు కావూరి

Anonymous said...

media ante kevalam okka repotervunte saripodu kada?
cameraman,desk,video editors,stringers etc....etc... chala mandi vuntaru...mari valla gurinchi yanduku charchincharu meeru....yam vallu media limits lo ki rara?...every media house veela srama ni dochu kontundi.ina patinchu kone vallu yavvaroo leru.allagani veelaku valla company ni adige noru veellaku ledu.asalu oka PVT company lo every year yantha increment vundali?...asalu every media house veelaku increments istunaya?evvadam ledu....yakkado doora prantaaloo nundi vachi HYD lanti mahaa nagaraalalo ee chaalee chalani jeetaalato veellu jeevinchadam yala?.asalu veelu ee samasya py yavariki compalit cheyali? veelameeda kooda meeru konchem dristti pedite baguntundi..kevalam okka reporter to ne media house run avutundi anukovadam adi mee avivekam...plz vellameeda kooda konchem drusti pettandi.yadyna comity vunte valla drusti ki teesuku vellandi....vallanu save cheyandi.