Friday, June 25, 2010

ఇందిర కారు డ్రైవర్ దుస్థితికి 'జీ-24 గంటలు' చొరవతో తెర!

ఒకొక్క సారి ఈ న్యూస్ ఛానెల్స్ ఏదైనా విషయాన్ని పట్టుకుంటే...దానికి శుభం కార్డు పడే వరకు భలే కృషి చేస్తాయి. పోయిన పిల్లలను వెతకడం, తప్పిపోయిన వారి జాడ తెలియజెప్పడం వంటి పనులు రిపోర్టర్లు పూర్తిగా లీనమై చేస్తారు. నిజానికిది 'పుణ్యం-పురుషార్థం జర్నలిజం.'

ఈ మధ్యన అన్ని పత్రికలు, ఛానెల్స్ దీనావస్థలో ఉన్న కముజు సత్యనారాయణ అనే ఒక వృద్ధుడిని చూపి...అతను ఇందిరా గాంధీ కార్ డ్రైవర్ అని, ఆదరణ కరువై స్వగ్రామమైన తూ.గో.జిల్లా లక్ష్మీదేవి లంకలో దుర్భర స్థితి లో ఉన్నాడని చూపాయి. ఆ మర్నాడు మీడియా నాడి పసిగట్టిన కాంగ్రెసోళ్ళు వెళ్లి ఆయన్ను ఆప్యాయంగా పలకరించి....అక్కున చేర్చుకున్నట్లు మీడియాలో చదివాం/చూసాం. 


కొడుకు ఈ వృద్ధుడిని వదిలి హైదరాబాద్ వెళ్ళిపోవడం, పెన్షన్ను బంధువులు అనే రాబందులు కొట్టేయడం, దీంతో సత్యనారాయణ గారు గుడి మెట్ల దగ్గర అడుక్కోవాల్సిన పరిస్థితి రావడంపై 2009 మే నెల లోనే జీ- 24 గంటలు ఛానల్ రిపోర్టర్ శివన్నారాయణ రెడ్డి ఒక కథనం ప్రసారం చేశారు. అది అప్పట్లో జనాలకు అంటలేదు కానీ...ఇప్పుడు ఎందుకో బాగా అంటింది.

"ఫాలో ఆప్ గా మా రిపోర్టర్ మళ్ళీ ఈ జూన్ రెండున ఒక స్టోరీ చేశారు. మిగిలిన ఛానెల్స్ కూడా ఆ స్టోరీ కి ప్రాముఖ్యం ఇచ్చాయి. ఈ కథనానికి ఎందరో స్పందించారు. హైదరాబాద్ వలస వచ్చిన ఆయన కొడుకును మా బృందం వెతికి పట్టుకుంది," అని ఆ ఛానల్ ముఖ్యుడు ఒకరు చెప్పారు. 

తండ్రీ కొడుకులు 'ఫాదర్స్ డే' రోజున ఒకటయ్యారు, తండ్రిని ఇక ఎప్పుడూ వదలనని కొడుకు బాస చేశాడు. 

ఇలా...కేసును ఒక లాజికల్ ఎండ్ కు తెచ్చిన జీ--బృందానికి అభినందనలు. మానవీయ కథనాల విషయంలో ఛానెల్స్ ఇలా చొరవ కనబరిస్తే బాగుంటుంది. కొన్ని కుటుంబాలకు మేలు జరుగుతుంది. 

మర్చిపోయాను, ఎప్పుడో తప్పిపోయి హైదరాబాద్ చేరిన పాప తల్లిదండ్రులను వెతికే వరకు నిద్రపోబోమని ఒక రెండు నెలల కిందట ఇదే జీ- 24 గంటలు ఛానల్ వారు ప్రకటించారు. మరి ఆ కేసు ఏమయ్యిందో....వారే చెప్పాలి.

5 comments:

premade jayam said...

అంతకు ముందు కూడా కవర్ అయ్యింది. ఈనాడులో.

sai said...

Sir,
This comment is no way related to this post.
Our Sree Rama Chandra is rocking Indian Idol 5 stage.he has all qualification and talent 2 become indian idol.but problem is that few of our people watch hindi shows and will nt vote.north indians will never vote 4 south indian contestants.this was same happened during Karunya(Indian Idol 2).
so,lets appeal all our bloggers to watch and vote 4 Sreeram,the real talent.
Sir,please watch this video without fail
http://www.youtube.com/watch?v=YSWmzWeh3ok

post this comment only if u wish to.
Hope u will write a post on this

katta jayaprakash said...

Regarding Sai's matter it is better if a press note is released in the media for the people to watch the channel which has been telecasting the Indian Idol competition as most of us are not aware of this programme and the chanel which telecasts.
JP.

ramnarsimha said...

Thanks..to Z-24..

HEARTS RSReddy said...

good