వెల్ డన్ జమీల్... వెల్ డన్ హెచ్.ఎం.టీ.వీ.

మావోయిస్టు అగ్ర నేత మల్లోజుల కోటేశ్వర రావు అలియాస్ కిషంజితో సుదీర్ఘమైన ఇంటర్వ్యూ ను హెచ్.ఎం. టీ.వీ. ప్రసారం చేస్తోంది. మావోయిస్టులు చర్చలకు వచ్చి చావు దెబ్బ తిన్న తర్వాత...మీడియాలో వస్తున్న ముఖ్యమయిన ఇంటర్వ్యూ ఇది. రిపోర్టర్ మహమ్మద్ జమీల్ చక్కని ప్రశ్నలు అడుగుతూ తన విధిని తాను చక్కగా నిర్వహించారు. వెల్ డన్ జమీల్.

"మీకు ఇన్ని డబ్బులు ఎక్కడినుంచి వస్తున్నాయి? ఆ డబ్బులు ప్రజోపయోగకరమైన పనులకు వాడవచ్చు కదా? పార్టీలో మహిళల పట్ల వివక్ష వుందికదా? మైనారిటీ తీరని పిల్లలను కవచంగా వాడుతున్నారుకదా?" వంటి ప్రశ్నలు జమీల్ గారు అడిగారు.  పార్టీ పోలిట్ బ్యూరో సభ్యుడితో ఇటీవలి కాలంలో వచ్చిన మంచి ఇంటర్వ్యూ గా దీన్ని చెప్పుకోవచ్చు. "తుది వరకూ యుద్ధమే" అని దీనికి టైటిల్ వాడారు.

మావోయిస్టుల కవరేజి లో ముందు నుంచీ ఈ ఛానల్ బాగా పనిచేస్తున్నది. ఇది ప్రసారం చేసిన "వసంత మేఘ గర్జన" కూడా చాలా బాగున్నది. మల్లేపల్లి లక్ష్మయ్య గారు కొంత మనసు పెట్టి ఆ ప్రోగ్రాం చేసారు అనిపించింది.