Saturday, October 10, 2009

గాంధీజీకి ఇంతవరకూ లేదు...ఒబామాకు అప్పుడేనా?

నోబెల్ శాంతి బహుమతిని అమెరికా అధ్యక్షుడు బరాక్ ఒబామా కు ఇంత తొందరగా ఇవ్వడం సెలక్షన్ కమిటీ వెర్రితనాన్ని మరో సారి ఎత్తి చూపింది. గత ఫిబ్రవరి లో నామినేషన్లు ముగిసే సమయానికి ఆయన అధికారంలోకి వచ్చి కేవలం పదకొండు రోజులు మాత్రమే! 

అయినా...ప్రపంచ చిత్రపటంపై ఒబామా ఇంతవరకు చెప్పుకోదగ్గ పెను మార్పు తేలేకపోయినా..హడావుడిగా పీస్ ప్రైజ్ ఇచ్చారు. స్ప్రింటర్ ఇంకా వురకటం ప్రారంభించకముందే గోల్డ్ మెడల్ మెడలో వేసయటమే ఇది.

ఒబామా నల్ల జాతీయుల ఆశాదీపం. ఇప్పటికీ వర్ణ వివక్షకు గురవుతున్న వారికి ఆయన చేయాల్సింది ఎంతగానో వుంది. ఒక పక్క ఇస్రాయెల్-పాలస్తీనా, మరో పక్క ఇరాక్, ఆఫ్ఘనిస్తాన్, ఇంకాస్త ముందుకు వస్తే ఇండియా, పాకిస్తాన్, చైనాలే కాకుండా..పలు ఆఫ్రికన్ దేశాలలో ఆయన చేయాల్సింది చాలా వుంది. ఇస్లామిక్ తీవ్రవాదుల మతచాందసవాదం ఒక పక్క వెర్రి తలలు వేస్తున్నది. ఆర్ధిక మాంద్యం వల్ల కొన్ని దేశాలు ఇళ్ళు చక్క పెట్టుకునే పనిలో వున్నాయి. లేకపోతె..ఈ పాటికి అణు ఆయుధాలతో రణక్షేత్రంలోకి దూకేవే.

చూడబోతే...యుద్ధోన్మాది బుష్ సేనకు వ్యతిరేకంగా వోటు వేసినందుకు..అమెరికా ప్రజలకి నోబెల్ కమిటి ఇచ్చిన బహుమానంగా దీన్ని చెప్పుకోవచ్చు. నార్వే పార్లమెంటు రహస్యంగా నియమించే ఐదుగురు సభ్యుల కమిటీ ఈ ఎంపిక  చేస్తుంది. నామినేషన్ పంపిన మొత్తం 205 మందిలో ప్రముఖులు ఎవ్వరూ లేక ఒబామా కు ఇచ్చారా? అన్న దాని మీద కూడా అమెరికాలో చర్చ జరుగుతున్నది.

ఈ సందర్భంగా భారతీయులు బాధ పడాల్సిన అంశం ఏమిటంటే...మన జాతి పిత మహాత్మా గాంధీని ఈ కమిటీ ఎప్పుడూ విస్మరించడం. ఇప్పటికి ఐదు సార్లు గాంధీజీ పేరును మరణానంతర శాంతి బహుమతి కోసం నామినేట్ చేసారు. కానీ...కమిటీ వాటిని పట్టించుకోలేదు. దాన్ని మన మీడియా పెద్దగా ఇష్యూ చేయడం లేదు. ఇది దారుణం. శాంతి సాధనకు కొత్త పంధాలను యావత్ మానవాళికి అందించిన మన మహాత్ముడు ఈ బహుమతి కి అన్ని విధాల అర్హుడు. ఆయనను విస్మరించడం శాంతి బహుమతికే చిన్నతనం.

ఈ విషయంపై "సి.బి.ఎస్.' టెలివిజన్ నిన్ననే ఒక కథనాన్ని ప్రసారం చేసింది. పీస్ ప్రైజ్ గాంధీజీకి ఎందుకు ఇవ్వలేదో ఇప్పటికీ మిస్టరీ గా వున్నదని చెప్పింది. మన ఛానళ్ళు మాత్రం దీన్ని పట్టించుకున్నట్లులేవు.

2 comments:

Bala Subramanyam said...

The nobels always have courted controversies.They have neglected Mahatma Gandhi for the peace prize while Churchil and Freud were given the nobel for literature and Einstein for the theory of photovoltaic effect and not for the theory of relativity!!!.The Curies family got it enmasse.Madam Curie her husband Pierre, her daughter Irene, her son-in-law Fedrick were recipients of the Nobel in physics/chemistry. Salvador dali rejected it while Boris Pasternak was made to reject it.The selection committee has always been biased most of the times at least in one category and sometimes the literature prize if u c is given not to the so called great authors but because someone in the committee is influenced by a particular author or a publisher.While the world studies the Peace prize more minutely, it is the literature prize if one studies u can possibly understand the machinations behind landing up with the prize.
After all there is no place in this world which is immune from 'pairavis' is the gyaan one can get .
U must read Irving Wallace novel 'The Prize' which provides a great in sight into the controversies and the selection process.
However the fact also remains that the number of genuine selections out number the controversial selections.
Coming to Obama I personally feel he is yet to prove himself to America leave alone the World.The tragedy is he is nominated for the prize just after he being sworn as the USA President. So obviously the criterion which the selection committee had in mind do not pertain to his works as the US President.Yup it seems to be declared prematurely,even before any visible results be it on the economic front or on the peace front have been achieved by Obama.

Indian Minerva said...

నిజమే గాంధీకి రాలేదుకానీ గాంధీని ఆదర్శంగా తీసుకొని పోరాడిన నెల్సన్ మండేలాకు మాత్రం వచ్చింది. గాంధీకి ఎందుకు ఇవ్వర్రా అంటే మరణానంతరం నోబెల్ ఇచ్చే సాంప్రదాయం లేదనో ఆయన హత్యకు గురైనారు గాబట్టి ఇవ్వమనో ఏదో చెప్పినట్లున్నారు. ఐన్స్టైంకు కూడా ఆయన జర్మనీ ఉన్నన్నాళ్ళు రాలేదు చూశారా అది కూడా ఏదో కాంతి-విద్యుత్ ఫలితానికి సారూప్య సిధ్ధాంతానికి కాదు.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి