అంబటి రాంబాబు "రాసలీల": దమ్మున్న చేగు"వేరా" వీర పోరాటం

పుట్టపర్తి సత్యసాయి బాబా గారు పరమపదించాక....ఆయన స్థానాన్ని ఎవరు భర్తీ చేస్తారా అని నేను ఎదురు చూస్తుంటే...చివరకు ఒకడు దొరికాడు. ఇప్పుడాయన...యువత ఎలా ఉండాలో ఉద్భోదిస్తున్నారు, అవినీతిని ఎలా నిర్మూలించాలో చెబుతున్నారు, బాధ్యతాయుతమైన పదవుల్లో ఉన్న వారు ఎలా మెలగాలో స్పష్టం చేస్తున్నారు. ఆయనే...మన వేమూరి రాధాకృష్ణ అలియాస్ వేరా. మన తెలుగు జనం పాలిటి పోరాట యోధుడు లాంటి చేగువేరా.

కాలేజీలకు వెళ్లి పిల్లలకు ఉద్భోదలు చేసే చేగువేరా...సంస్కృతి పరిరక్షణలో వీరత్వాన్ని చూపుకోవడానికి ఒక మంచి మసాలా దొరికింది. అదే...జగన్ పార్టీ అధికార ప్రతినిధి అంబటి రాంబాబు ఒకమ్మాయితో ఫోన్ లో చెబుతున్నట్లు ABJ- Andhra Jyothi ఛానల్ ప్రసారం చేసిన కథనం. ఒక గవర్నర్ రాసలీలలు బైట పెట్టిన దమ్మున్న ఛానల్ ఇప్పుడు రాంబాబు మీద పడింది. 

రాంబాబు ఏమైనా రాముడా? ఈ తొక్కలో రాజకీయ నేతలంతా దాదాపుగా దగుల్బాజీ గాళ్ళే. అమ్మాయిల పిచ్చి లేనోళ్ళు చాలా తక్కువ. నాకు తెలిసిన నేతలు చిత్తకార్తే కుక్కలు. ఈ కుక్కల ఆగడాల వల్లనే చాలా మంది మహిళలు రాజకీయాలలోకి రాలేకపోతున్నారు. వీళ్ళే కాదు...ఫోన్లు టాప్ చేస్తే...పొద్దున్న లేచిన దగ్గరి నుంచి జనాలకు సుద్దులు చెప్పే జర్నలిస్టులు చాలా మంది కూడా మద పిచ్చిగాళ్ళేనని ఇట్టే తెలుస్తుంది. ఛానళ్ళల్ లో పనిచేసే సూపర్ సూపర్ జర్నలిస్టుల కథలు, యజమానుల రాసలీలలు రాస్తే పెద్ద గ్రంథం అవుతుంది. నా పీహెచ్డీ అయ్యాక ఆ పని చేస్తే ఎలా ఉంటుందా అని అనుకుంటున్నా. ఈ చెత్తగాళ్ళ కథలను మనమెందుకు మార్కెట్ చేసుకోకూడదు?  ఈ వెధవులు చాలా మంది కొంపలో పెళ్ళాం బిడ్డలను ఉంచుకుని...ఫీల్డులో చెత్త పనులు చేస్తూ సంసారాలు కూలుస్తున్నారు. ప్రతి ఛానల్ లో ఈ బ్యాచ్ పాతుకు పోయి ఉందన్నది బహిరంగ రహస్యం. 

ఈ సన్నాసుల టెలిఫోన్ల మీద ఆధారపడి కథనాలు ప్రసారం చేయడం ఒట్టి వేస్టు. సరే...అర్జెంటుగా జగన్ పార్టీ ని సన్మార్గంలో పెట్టాలని అనుకున్నా, అక్కడి మహిళలకు నిజంగానే రక్షణ కల్పించాలని అనుకున్నా...పధ్ధతి ఇది కాదు....పచ్చి రొడ్డ జర్నలిస్టు వేరా.

ఒకమ్మాయి వచ్చి నాతొ వేరా ఫోనులో చెత్త వాగుతున్నాడు. రికార్డు చేసాను...వేసుకుంటారా అంటే...ఎస్ అని సొంగ కార్చుకుంటూ దాన్ని ప్రసారం చేసే వాడిని జర్నలిస్టు అనరు. బేవార్స్ అంటారు. అది ప్రసారం చేసే ముందు...కనీసం రాంబాబు ను..."ఏం బాబూ..." అని అడగాల్సిన బాధ్యత వేరా బృందానికి లేదా? ప్రత్యర్ధిని భ్రష్టు పట్టించాలన్న తీట ఇందులో స్పష్టంగా కనిపిస్తుంది. ఒకవేళ .రాంబాబును వెర్షన్ కోసం పలకరిస్తే...తను ఏమైనా ఇవ్వజూపితే....తీసుకోక తప్పి చావదు కాబట్టి...మాట్లాడక పోవడమే ఉత్తమమని అనుకున్నట్లు వున్నారు...అక్కడి జర్నలిస్టులు. వీళ్ళు చేస్తున్నది జర్నలిజం కాదు...పచ్చి చీప్ మార్కెటింగ్ టెక్నిక్. 

సరే...వెర్షన్ లేకుండానే ఆ అమ్మాయి కథనాన్ని నమ్మి దాన్ని ప్రసారం చేసారు అనుకుందాం. ఆ కాపీ రాసే విధానం ఏమిటి? అందులో వాడే పదజాలం ఏమిటి? ఆర్కే పేరిట వచ్చిన ఒక వ్యాఖ్యాత్మక కథనంలో వాడిన పదజాలం...వీధి రౌడీలు తొడకొట్టి సవాల్ అన్నట్లు ఉంది. పైగా...ఈ స్టోరీ లు వాడినప్పుడు యాంకర్లు గా, వాయిస్ ఓవర్ కూ అమ్మాయిలను వాడారు...బహుశా కావాలనే. అంత చెత్త పదాలు, అసభ్యపు మాటలు ఆ అమ్మాయిలతో చెప్పించడం మరీ బాగోలేదు. తెలుగు దేశం పార్టీ అధికారం లోకి వచ్చే దాకా వేరా ఆగేట్టు లేడు. అప్పటి దాక మరిలాంటి కథనాలు మనం ఎన్ని చూడాల్సి వస్తుందో?

డియర్ చేగు'వేరా'...ఇప్పటికే...నీ 'ఓపెన్ హార్టు', 'ఓపెన్ డిబేటు' లతో జనాలకు జర్నలిస్టుల పట్ల ఏహ్యభావం మరింత పెరిగింది. ఎందుకయ్యా...ఇలాంటి చెత్త కథనాలతో జనాలను విసిగిస్తావ్? ఫోన్ లో మాటలు...తాటికాయంత అక్షరాలతో టీ.వీ.స్క్రీన్ మీద వేస్తున్నావ్. ఎందుకయ్యా...మమ్మల్ని ఇలా చంపుతావ్. రాంబాబులకు, రాధాకృష్ణ లకు సంస్కారం...సిగ్గూ ఎగ్గూ ఉండకపోవచ్చు....తెలుగు జనాలకు అవి వున్నాయి బాబు. కాస్త మా గురించీ ఆలోచించి పుణ్యం కట్టుకో.