Tuesday, February 23, 2010

TV-9 రవి ప్రకాష్, N-TV చౌదరిలపై MLA ఎదురుదాడి

ఏదో బూతు బొమ్మలు, పిచ్చి క్లిప్పింగ్స్ చూపి బతుకు వెళ్ళదీసుకునే TV-9 'మెరుగైన సమాజం' కోసం ఉన్నట్టుండి జూలు విదిలించిందని మనం పడుతున్న ఆనందాన్ని ప్రకాశం జిల్లా చీరాల ఎం.ఎల్.ఏ. ఆవిరి చేశాడు. TV-9 సీ.ఈ.ఓ.రవి ప్రకాష్, N-టీవీ అధిపతి నరేంద్రనాథ్ చౌదరి, 'హాత్ వే' కేబుల్ నెట్వర్క్ కు చెందిన రాజశేఖర్ ల పన్నాగం లో భాగంగానే తనను బద్నాం చేస్తున్నారని ఈ అధికార పార్టీ ఎం.ఎల్.ఏ. ఆమంచి క్రిష్ణ మోహన్ బల్ల గుద్ది మరీ వాదిస్తున్నారు. వారి గురువు గారు రోశయ్య గారు మాత్రం కిమ్మనడం లేదు.

"నేను ఏ విచారణకైనా సిద్ధం. ఆరోపణలు రుజువు చేస్తే...నా పదవికి రాజీనామా చేసి ఇదే అంశం (తన 'క్లీన్ ఇమేజ్') పై ఎన్నికలకు వెళ్తా. ఈ ముగ్గురిలో ఎవరైనా నాపై పోటీకి దిగవచ్చు," అని ఎం.ఎల్.ఏ. స్పష్టం చేస్తున్నారు. రవి ప్రకాష్ పొడ/ ఎదుగుదల గిట్టని ఛానెల్స్ ఆమంచికి మంచి కవరేజ్ ఇస్తున్నాయి. TV-5 ఏకంగా ఎం.ఎల్.ఏ.ను స్టూడియోలో కూచోబెట్టి సుదీర్ఘ ఇంటర్వ్యూ చేసింది. "మిమ్మల్ని TV-9 ఛానల్ లో దావూద్ ఇబ్రహీం తో పోల్చారు. దీనిపై మీరు ఏమంటారు?," అని మాటి మాటికీ మాటలు తడబడే ఒక ప్రజెంటర్ అడిగాడు.


నిజంగానే ఈ కేబుల్ వాళ్ళది రాష్ట్రంలో ఇక పెద్ద మాఫియా దందా. ఛానెల్స్ యజమానులు ఈ 'హాత్ వే' వాళ్లకు జీ హుజూర్ అని తీరాల్సిందే. వాళ్ళను ఖుషీ చేయకపోతే...ఛానల్ రేటింగ్స్ దారుణంగా పడిపోతాయి. ప్రకటనలు రాక ఆదాయం తగ్గుతుంది. అందుకే మరి...మందు, పొందు కూడా అందించి ఛానెల్స్ బాసులు ఈ కేబుల్ వాళ్ళను ప్రసన్నం చేసుకుంటారని మీడియా లో ఉన్న అందరికీ తెలిసిందే. 

కొన్ని సార్లు వాళ్ళు చెప్పిన వార్తలు కూడా వేయక తప్పదట. ఆ మధ్య విజయవాడ వివాహిత, కార్తీక్ అనే కుర్రోడి వ్యవహారం తెరకు ఎక్కడం వెనుక కేబుల్ నెట్ వర్క్ వాళ్ళు  హస్తం ఉందట. రవి, చౌదరి ఒత్తిడి తెచ్చినా...తాను 'హాత్ వే' వాళ్లకు సహకరించలేదు కాబట్టి...తనపై కక్ష కట్టారని, స్టింగ్ ఆపరేషన్ లో తన అన్న గొంతు మార్చారని ఎం.ఎల్.ఏ. గట్టిగా వాదిస్తున్నాడు. 


ఒక వ్యాఖ్యాత పేర్కొన్నట్లు, నిన్ననే వార్తతో పాటు ఛానెల్స్ ఆ ఎం.ఎల్.ఏ. వెర్షన్ తీసుకుని ఉంటే బాగుండేది. మరొక పక్క కత్తి పద్మా రావు వంటి నికార్సైన ఉద్యమకారుడు కూడా ఎం.ఎల్.ఏ.మీద విమర్శలు సంధించారు, గట్టి ఆరోపణలు చేసారు. 

అసలే...ఈ ప్రజాప్రతినిధి గారు ముదురు, ఆయన వల్ల ఇప్పుడు తీవ్ర ఆరోపణలు ఎదుర్కుంటున్న వాళ్ళు కూడా గాంధీజీ కేటగిరీ అనీ, వీళ్ళకు అస్సలు నేర చరిత లేదని మనం..అంటే..జనం...చెప్పే స్థితిలో లేరు. మరి దొంగోడెవడో! దొరగారు ఎవరో??

2 comments:

Anonymous said...

The fight between MLA Krishnamohan and TV9 NTV has yieldeD good results as one shot two birds.Bot the electronic media and MLA are exposed as IDDARU DONGALEY.The unethical,immoral and illegal things of both the MLA and the channels came to light and to the streets as Andhra jyothi paper has given the details of Ravi Prakash and Choudary and their unethical things.Let us ait and see how the things turn out.

JP Reddy

Anonymous said...

Hi ramu garu this is srikanth from hyderabad. u r blog doing gud job.but some times iam getting little doubts about media etiches..
maily about tv9. 2days before in one news channel like tv5, in once programme named daily mirror done some alligations on tv9 ceo ravi prakash..If entered into the matter one movie producer captured by the police officers in drugs case. But in the issue Tv9 ravi prakash also had one main hand to drugs racked that soure given by the madhapur si. But ravi prakash faild in the satilment and warned to si .this is content of tv5 telecasted in the programme. whtat is the truth in the matter.
plz reply. thanq

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి