Sunday, March 25, 2012

డల్లుగా.... డొల్లగా...తెలుగు మీడియా మార్కెట్

'సాక్షి' పత్రిక, ఛానల్ వచ్చిన కాలంలో ఒక వెలుగు వెలిగి, భయంకరమైన బూమ్ లో ఉన్న తెలుగు మీడియా మార్కెట్ ఒక ఆరేడు నెల్లుగా డల్లుగా  మారింది. ఏ జర్నలిస్టును చూసినా...విషణ్ణ వదనమే, విషాద కథనమే. ఒక మూడు నాలుగు ఛానళ్లు రావడానికి సిద్ధంగా ఉన్నా తెలుగు జర్నలిస్టు గిరాకీ తగ్గింది. నాణ్యమైన జర్నలిస్టులు దొరకట్లేదు మొర్రో...అని కొత్త ఛానళ్ల అధిపతులు, బాధ్యులు మొత్తుకుంటున్నారు ఇంకో పక్కన.


ఎన్.డీ.టీవీ వాళ్ల కనుసన్నల్లో,  అప్పటికి వై.ఎస్.కు నమ్మకంగా విధేయంగా ఉన్నకొందరి ఆధ్వర్యంలో సాక్షి  ఒకరకంగా బండి లాగిస్తోంది. ఏ మీడియా హౌజుకు మాత్రం రాజకీయ రంగులు లేవు చెప్దూ...అని అక్కడి జర్నలిస్టులు లేనిపోని ప్రయత్నాలు చేయకుండా పనిచేస్తున్నారు. సీనియర్లు మాత్రం లోలోపల బిక్కుబిక్కు మనిపిస్తున్నా...వేచి చూద్దాం అనే ధోరణిలో ఉన్నారు. ఈ పద్దెనిమిది అసెంబ్లీ స్థానాలకు ఎన్నికలు జరిగాక...ఫలితాలు ఎలా ఉంటాయన్న దాని బట్టి నిర్ణయం తీసుకోవచ్చని వారు భావిస్తున్నారు.


తమకు మంచి రోజులు తెచ్చిన 'సాక్షి' స్థాపనను రోజూ జపించుకుంటూ... 'ఈనాడు' జర్నలిస్టులు పనిచేస్తున్నారు. వీళ్ల ఇళ్లలో రామోజీరావు ఫోటోల కన్నా...వైఎస్ రాజశేఖర రెడ్డి ఫొటోలే ఎక్కువగా ఉన్నట్లు నిర్ధరించుకోవడానికి వీలు లేని సమాచారాన్ని బట్టి తెలుస్తోంది. 'సాక్షి' వారి టెమ్టింగ్ ఆఫర్ లను వద్దనుకున్నందుకు చాలా మంది సీనియర్లు హ్యాపీగా ఫీలవుతున్నారు. జర్నలిస్టులను ఎంత దోచుకున్నా...'ఈనాడు' సంసార పక్షం లాంటిది. కామిడీ కింగ్ వేమూరి రాధాకృష్ణ పత్రిక, ఛానల్ లలో పనిచేసే 'ఆంధ్రజ్యోతి' వాళ్లూ పెద్ద విషాదంగా ఏమీ లేరు. 'ఆంధ్రభూమి' మిత్రులూ...ఏదో ఎంవీఆర్ శాస్త్రి బీపీని భరించుకుంటూ కాలం వెళ్లదీస్తున్నారు. 'ఆంధ్రప్రభ' లోనూ పెద్ద విషాదమేమీ లేదు. 

ఓనర్ జైలుకెళ్లిన 'సూర్య' దినపత్రిక లో మాత్రం నిరసనలు, కోపాలూ తాపాలూ రోజురోజుకూ పెరుగుతున్నాయట. మొన్నా మధ్యన ఒక మీటింగ్ లో మా శర్మ గారి మీద కొందరు సీనియర్లు విరుచుకుపడ్డారట. వారి పిచ్చిగానీ మన సారు మారతారా? 

ఛానళ్లలో ఈ టీవీ, టీవీ నైన్ నో ప్రాబ్లం. ఎన్ టీవీ రేటింగులు పెరగడం మిగిలిన ఛానళ్లకు మింగుడుపడటం లేదు. ఇదో తొండి వ్యవహారమని అంతా అంటున్నారు కానీ వేరే దిక్కులేక మూసుకుని కూర్చున్నారు. ఒకప్పుడు ఎన్ టీవీ తలదన్నిన టీవీ ఫైవ్ వాళ్లూ కిందామీదా పడి నెట్టుకొస్తున్నారు. పెట్టి మూడేళ్లయినా ఆర్ధికంగా ఇంకా పట్టాల మీదకు రాని హెచ్ ఎం టీవీలో అంతర్మ'ధనం' జరుగుతున్నది. తెలంగాణా వారి పత్రిక, ఛానల్ ఒక రకంగా ఉన్నాయి. ఈ ఛానళ్ల వారెవ్వరూ కొత్త ఉద్యోగులను తీసుకోవడం లేదు. వీరంతా వచ్చే అసెంబ్లీ ఎన్నికల కోసం చకోర పక్షుల్లా ఎదురు చూస్తున్నారు.

నారా వారి ఫ్యామిలీకి చెందిన  స్టూడియో ఎన్ లో మాత్రం పరిస్థితి దారుణంగా ఉన్నట్లు పక్కా సమాచారం. ధన బలంతో బలిసి కొట్టుకుంటున్న మా యజమాని ఉద్యోగుల మీద చేయి చేసుకుంటున్నాడని...అమ్మాయిల పట్ల దారుణంగా ప్రవర్తిస్తున్నాడని నాకు ఒకటి రెండు మెయిల్స్ వచ్చాయి. ఇందులో మొదటిది నిజమేనట కానీ రెండో వ్యవహారం త్వరలోనే బైటికి వస్తుందని, ఇప్పటికే అక్కడి రాసలీలలను ఒకమ్మాయి సీక్రెట్ కెమెరాతో చిత్రీకరించిందని సమాచారం. నిజానిజాలు ఆ కృష్ణ పరమాత్మకే ఎరుక. 

కొత్తగా వస్తున్న వీ 6 ఛానల్ టెస్ట్ సిగ్నల్స్ ఆరంభించింది. కాస్త నాణ్యమైన ఛానల్ లా ఇది కనిపిస్తున్నది కానీ....అప్పుడే లోపల పరిస్థితుల మీద బైట చర్చ ఆరంభమైంది. నమస్తే పెట్టినా...మా సారు నమస్తే పెట్టడని, ఉద్యోగులను దోచుకుంటున్నారని ఒక ఉద్యోగి వాపోయాడు. వీళ్ళ సారు నిజానికి చాలా నయం. 


జనరల్ గా తెలుగు ఛానళ్ల సీఈఓలు ప్రతి నమస్కారం చేస్తారా? చేపల గుంట దగ్గర జర్నలిజం ఆరంభించినా...చీఫ్ ఎడిటర్ లేదా సీఈఓ అంటే...కొన్ని ప్రత్యేక లక్షణాలు పుణికిపుచ్చుకోవాలి మరి. యజమాని కాళ్లు పట్టుకోవాలిగానీ తోటి వాళ్లను గ్రీట్ చేయకూడదు. ఫోన్లకు సరిగా స్పందించకూడదు. మెయిల్స్ కు సమాధానాలివ్వకూడదు. ఫ్రెండ్స్ తో ఫ్రెండ్ షిప్ చేయకూడదు. బొమ్మ బాగా ఆడటానికి కావలసిన లత్కోరు ఆలోచనలతో కాలక్షేపం చేస్తూ...ఇల్లు సరిజేసుకోవాలి. కాదా?

3 comments:

kattashekarreddy said...

Dear Ramu,
Why single person not responded to such a good piece on media? I think many people share ur opinion, but may be feeling shy to express.

Ramu S said...

శేఖర్ రెడ్డి గారూ...
ఈ బ్లాగు లోకంలో రీడర్ల స్పందన చాలా విచిత్రంగా ఉంటుంది. వీళ్లూ సాధారణ సినీజీవుల్లా...కొన్ని టాపిక్కులకు బాగా స్పందించి గుండెలు బాదుకుంటారు. కొన్నింటికి స్పందిచరు. ఇంకొక బ్యాచు బూతుకు చాలా ఉత్సాహంగా స్పందించి రచ్చ చేస్తుంది. స్పందనను బట్టి పోస్టులు రాద్దామనుకుంటే...మనమేమీ రాయలేం. కాబట్టి కామెంట్లను పెద్దగా పట్టించుకోవాల్సిన పనిలేదని నేను ఎప్పుడో గుర్తెరిగాను.
రాము

K V Ramana said...

Annayya
It is a fact that the quality of HR in Telugu is not helping any channel to make a mark for itself. Actually, there is no differentiator. All of them tell you the same story though subject to their political affilitation. Interestingly, one of our senior friends was talking about this and said "seniors from English media should join these channels". May be that is true to show some change. But, the key issue is about the pay packets. Unless the Telugu channel owners come forward to invest on HR and shed the habit of paying paltry salaries, I dont think the quality issues can be handled.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి