Monday, December 1, 2014

'సాక్షి టీవీ'లో కూడా ఉద్యోగుల తొలగింపు కసరత్తు?

'సాక్షి టీవీ' నుంచి మా బృందానికి వచ్చిన ఒక లేఖ ఇది: 
మిత్రమా,
'సాక్షి టీవీ'లో ఇప్పుడు ఉద్యోగుల తొలగింపు పక్రియ ప్రారంభం కానుంది. ముప్పై శాతం మంది ఉద్యోగులను తొలగించాలని, రెండు రాష్ట్రాల్లో కలిపి 23 జిల్లాలకు గాను 8 మంది స్టాఫర్లను మాత్రమే ఉంచి మిగిలిన వారిని తీసేయాలని మేనేజ్ మెంట్ నిర్ణయం తీసుకుంది. ఈ మేరకు బోర్డ్ ఆఫ్ డైరెక్టర్స్ ఆదేశాలు జారీ చేశారు. అందరు హెచ్ వోడీలను పిలిచి తీసేసేవారి లిస్టు ఇవ్వమన్నారు. దాదాపు 150 మందిని అన్నిశాఖల్లో తగ్గించాలని, లేకుంటే ఖర్చులు భరించలేమని యాజమాన్యం చెబుతోంది. 
మరో వైపు హెచ్ వోడీలు మాత్రం ఇది అన్యాయం అంటూ వాదిస్తున్నారట. వైఎస్సార్ కాంగ్రెస్ పార్టీకి కార్యకర్తలకంటే ఎక్కువగా పనిచేసి, భార్యా బిడ్డలను వదిలి నెలలకు నెలలు ఓదార్పు, పాదయాత్రలు చేసి...ఎన్నికల్లో ఇతర సమయాల్లో టీడీపీ వారితో తిట్లు, తన్నులు తిన్న వారిని...అన్ని చానళ్ల వారికంటే ఇచ్చే జీతం కంటే మూడు రెట్లు వాళ్లతో పనిచేయించుకుని ఈ రోజు రోడ్డున నిలబెట్టడం భావ్యంకాదని చెబుతున్నారట. కానీ నెలకు కోటి రూపాయల లాస్ వస్తోంది ఏం చేయమంటారు? అంటూ యాజమాన్యం చెప్తోంది. దీంతో జిల్లాల్లోని ఉద్యోగులతో సహా అందరూ గత నాలుగు రోజుల నుంచి కంటి మీద కునుకులేకుండా బాధ పడుతున్నారు. ఇప్పటికే డిఎస్ ఎన్జీలు, డ్రైవర్లు, ఇంజనీర్లను తొలగించేశారు. మళ్లీ ఇప్పుడు ఇలా చేస్తున్నారు. 
చానల్ మొత్తాన్ని పేపర్ ఆధీనంలోకి తెచ్చి...రెండు మూడు జిల్లాలకు కలిపి ఒక టీవీ రిపోర్టర్ ఉండేలా ప్లాన్ చేస్తున్నారట. రిపోర్టర్ లేని చోట పేపర్ వాళ్లే టీవీ బాధ్యతలు చూస్తారట. మొత్తం మీద ఆటలో అరటిపండులా వాడుకుని వదిలేసేందుకు సిద్ధపడ్డారు.

1 comments:

Veeresh MSSQL Blog said...

You people never worked as journalist, worked likea chamchas to political leaders, in our state very bad thing is news media also supporting each party..their try to impose their ideas onto people, not trying bring the truth to the people. Then where is the ethics. We never can believe political people, this everybody known. Before joining with political people we should ready for all these things.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి