Wednesday, November 25, 2009

N-TV కి రాజశేఖర్-పుట్టి మునగనున్న i-news!

సమకాలీన టెలివిజన్ రంగంలో కులం, గోత్రం, ప్రాంతం ఆధారంగా కాకుండా...కేవలం ప్రతిభతో ప్రతికూల పరిస్థితులను ధైర్యంగా ఎదుర్కుని ఒక స్థాయికి వచ్చిన జర్నలిస్టు రాజశేఖర్. వివాదాస్పద పరిస్థితుల నడుమ...TV-9 నుంచి బైటకు వచ్చి...కొంత కాలం అజ్ఞాతంలో వుండి ఎం.ఎన్.ఆర్.విద్యా సంస్థల వారితో i-news కు రూపకల్పన చేశాడు రాజశేఖర్.

బిల్డింగ్ నుంచి టెక్నాలజీ వరకూ దగ్గర వుండి చూసుకున్న రాజశేఖర్ ఐ-న్యూస్ ఆనతి కాలంలో మంచి పేరు తెచ్చుకోవడానికి కారకుడయ్యాడు. రాజశేఖర్ పిలవగానే...ఆయన గతం తెలిసీ సీనియర్ జర్నలిస్టులు ఆ ఛానల్ లో చేరారంటే...వృత్తిగతంగా అతని మీద వున్న నమ్మకమే కారణం. తనే సొంతగా కొత్త వారికి శిక్షణ నిచ్చి టీం ను తయారు చేసుకుని....ప్రముఖ ఛానెల్స్ కు దడ పుట్టించాడు. వంద అబద్ధాలు ఆడైనా ఒక పెళ్లి చేయాలంటారు. ఛానల్ కోసం, తనను తాను నిరూపించుకోవడం కోసం ఆయన వెయ్యి అబద్ధాలు చెప్పడానికైనా వెనుకాడ లేదు. తన మనుగడకు ముప్పు తెస్తారనుకున్న వారిని తెలివిగా తెరకు దూరం చేశాడు. జనం నాడి బాగా అధ్యయనం చేసి..."దాదా" లాంటి వివాదాస్పద ప్రోగ్రాం లు రూపొందించాడు. అనైతికమని సదాలోచన పరులు మొత్తుకున్నా...వైరి ఛానల్ ను దెబ్బతీయడమే ధ్యేయంగా పలు కొత్త ప్రోగ్రాం లు తెలుగు వారికి పరిచయం చేశాడు.   


అలాంటి రాజశేఖర్ ను వదులు కోవడానికి ఐ-న్యూస్ యాజమాన్యం సిద్ధపడింది. మనం ఊహించినట్లుగానే...కందుల రమేష్ TV-5 నుంచి i-news లోకి జంప్ చేయడంతో..ఐ-న్యూస్ లో పెను పరిణామాలు సంభవించాయి. రాజశేఖర్ N-TV లో చేరడం దాదాపుగా ఖాయం అయ్యింది. తనతో పాటు ఒక పది మంది సీనియర్లను చౌదరి గారి ఛానల్ లోకి ఆయన తీసుకుపోతున్నట్లు తెలుస్తున్నది.

ఇప్పటికే...విపరీతమైన పోటీతో ఏమిచేయాలో పాలుపోక రక్తపోటును, కొమ్మినేని శ్రీనివాస రావు గారిని తెచ్చుకుని...అయినా రేటింగ్స్ పెరగక తంటాలు పడుతున్న N-TV లో రాజశేఖర్ చేరితే...అది కచ్చితంగా...ఆ ఛానల్ కు వరం, i-news కు శాపం కానున్నదని మీడియా విశ్లేషకుల అభిప్రాయం.

రాజశేఖర్ కు చెప్పకుండా...కందుల రమేష్ ను ఐ-న్యూస్ ఉన్నత పదవిలో కూర్చోపెట్టింది. మరొక పక్క రవి కి రాజశేఖర్ కు మధ్య బాగా బెడిసింది.  దాంతో...రాజశేఖర్ N-TV తో ఒక ఒప్పందం చేసుకున్నాడు. ఒక వారం లోపు ఆయన ఆ ఛానల్ లో చేరబోతున్నట్లు పక్కా సమాచారం. విషయాన్ని పసిగట్టిన i-news అధినేత వాసు ఉద్యోగులకు ఒక అంతర్గత లేఖ రాసారు. 
ఇక నుంచి న్యూస్ అంతా కందుల రమేష్ చూసుకుంటారని, దీనికి సంబంధించి అంతా ఆయనకు  రిపోర్ట్ చేయాలని, ప్రత్యేక కార్యక్రమాలు వంటి వాటిని రాజశేఖర్ చూసుకుంటాడదన్నది దాని సారాంశం. 
 అంతా బాగున్నది కానీ...ఉద్యోగులకు సకాలంలో జీతాలు ఇస్తామని సారు చెప్పలేదు. (గత నెల జీతాన్ని యాజమాన్యం నిన్నటికి గానీ అందరు ఉద్యోగులకు అందజేయలేదు మరి).


చివరి క్షణంలో మార్పులు జరగకుండా...రాజశేఖర్ నిజంగానే నిష్క్రమిస్తే...ఐ-న్యూస్ ను ఒక దెబ్బ తీయడానికి దాని వైరి ఛానల్ సిద్ధంగా వుంది. "ఐ-న్యూస్ నుంచి రాజశేఖర్ వెళ్ళేటట్లు చేయడం ఆత్మహత్యా సదృశం. ఒక మూడు నాలుగు నెలల్లో...ఛానల్ దారుణంగా దెబ్బ తినడం ఖాయం," అని రాజశేఖర్ కు నమ్మిన బంటు లాంటి ఒక సీనియర్ జర్నలిస్టు చెప్పాడు. అన్ని కోణాలలో చూస్తే ఇది నిజమే అనిపిస్తున్నది. పాపం...రాజశేఖర్ ను నమ్ముకుని ఐ-న్యూస్ లో చేరిన దాదాపు యాభై మందికి భవితపై బెంగ పట్టుకుంది. 


ఇంకొక పరిణామం ఏమిటంటే....రాజశేఖర్ పొడ పెద్దగా గిట్టని ఒక "బొబ్బిలి పులి", మరొక "తమిళ తంబి" N-TV నుంచి బైటికి వెళ్ళాలని చూస్తున్నట్లు మీడియా లో బాగా ప్రచారం జరగడం. వీరిద్దరూ....వేరే ఛానల్ లో వున్న వారి సహచరుడైన మరొక తురుం ఖాన్ జర్నలిస్టుతో కలిసి ఐ-న్యూస్ లో చేరితే ఎలా ఉంటుందా అని సమాలోచనలు చేస్తున్నట్లు భోగట్టా.
"ఈ ముగ్గురూ కలిసి అక్కడ చేరాలని అనుకుంటున్నారని మేము కూడా విన్నాం. అది ఎంతవరకూ నిజమో తెలియదు," అని చౌదరి గారి ఛానల్ లో ఒక పెద్దాయన చెప్పారు. మొత్తం మీద అందరికీ శుభం కలుగు గాక!    

2 comments:

Anonymous said...

మీరన్న బొబ్బిలి పులి, తమిళ తంబి ఐన్యూస్ కి వెళ్ళే ప్లాన్ లో వున్న మాట వాస్తవమే. అలాగే మరో ఛానల్ లో వున్న తురుంఖాన్ తో పాటు అతని ఇష్ట సఖి, ఎన్టీవీ నుంచి మరో ఛానల్ కి వెళ్ళిన రిపోర్టర్ కూడా ఐన్యూస్ బాట పట్టే ఆలోచనలో వున్నారు. ఇప్పటి వరకు ఈటీవీని, ఎన్టీవీని ఉద్దరించిన ఈ ఐదుగురు ఇప్పుడు ఐన్యూస్ ను భ్రష్టు పట్టించాబోతున్నారు. వారి చరిత్ర తెలుసుకుని ఐన్యూస్ మేనేజ్ మెంట్ జాగ్రత్త పడితే మంచిది. లేదంటే చేతులు కాలాక ఆకులు పట్టుకున్న సామెతను ఆలస్యంగా గుర్తు చేసుకోవాల్సి వస్తుంది. అల్ ది బెస్ట్ టు ఐన్యూస్ మేనేజ్ మెంట్..... థాంక్స్ టు రాము గారు...

Anonymous said...

Dear Ramu,

As u referred to Kandula Ramesh here in this post and in an earlier post, when Ramesh joined I News, I feel it is time I mentioned two anecdotes contextually.
1. It was 1992. Babri Masjid was demolished by Saffron miscreants. The whole nation was shell-shocked of the heinous act. The secular legacy of Mother India was doubted. And of course, I need not mention much to remind the importance of the event. Kandula Ramesh was in Subrabhatam. When the Subrabhatam editorial heads were busy in making it a cover story. The imbecilic Ramesh was so surprising of the importance of the event to make it a cover story. If he had been a Hindu-bigot, his ignorance would have been understood. He is not at all fanatic and passionate of anything, other than money.
2. The Second anecdote reflects his pragmatism and his lust for money.
When he was in Deccan Chronicle, one of the pharmaceutical companies of twin cities introduced a new vaccine for some serious epidemic (probably Hepatitis B). Ramesh cleverly took the distribution of the vaccine for the twin cities and simultaneously hit the Tabloid columns of DC with a series of articles, creating scare in the readers and ushering them to make a beeline for the vaccine. Thus, he minted money. Knowing this scandal, DC management sacked him.
Mine is not a moral reference. I mean to say that... Ramesh has no journalistic skills and perception. But, he is master in making use of the circumstances profitably.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి