Saturday, July 3, 2010

Studio-N లో చేరిన శ్యాం-- N-TV గూటికి నేమాని

వివాదాస్పద జర్నలిస్టు రాజశేఖర్ నమ్మినబంటు గా పేరుపొందిన వీ.శ్యాం కుమార్ N-టీవీ కి గుడ్ బై చెప్పి Studio-N లో చీఫ్ న్యూస్ కోఆర్డినేటర్ గా చేరారు. రాష్ట్రంలో అటు జర్నలిజం విద్యలోను, ఇండస్ట్రీ లోనూ బాగా నలిగిన జర్నలిస్టులలో శ్యాం ఒకరు. N-TV లో నరేంద్ర చౌదరి గారు ఇద్దరేసి సీనియర్లను ఒక సీట్లో కూచోబెట్టడం, రాజశేఖర్ ప్రభ తగ్గడంతో...శ్యాం సురక్షిత మార్గాన్ని తీసుకున్నట్లు నాకు అనిపిస్తున్నది. 

ఆంధ్రా విశ్వ విద్యాలయంలో జర్నలిజం పట్టభద్రుడైన శ్యాం ఈ-టీ.వీ.తో ఆరంగేట్రం చేశారు. తర్వాత TV-9 లో మంచి పేరు తెచ్చుకున్నారు. ఆ ఛానల్ తెలంగాణా ప్రతినిధిగా ఆయన చేసిన పని ఇప్పటికీ భర్తీ చేయలేనిదని చెబుతారు. 

ఆ తర్వాత ఇది ప్రవాస భారతీయుల ఛానల్ అని రాజశేఖర్ i-news పెట్టినప్పుడు నమ్మించడంతో శ్యాం తెలివితక్కువగా బోల్తా పడ్డాడు..పలువురు సీనియర్ జర్నలిస్టుల మాదిరిగా. ఏదో చిన్న అసంతృప్తులు ఉన్నా రవిప్రకాష్ మంచిగా చూసుకుంటున్న దశలో రాజశేఖర్ అరచేతిలో చూపిన స్వర్గాన్ని శ్యాం నిజమనుకుని i-news లో చేరాడు. 

తర్వాత...విషయాలు తెలిసినా..లాభం లేకపోయింది. i-news జీతాలు సకాలంలో ఇవ్వకపోవడం, ఆ యాజమాన్యం దగ్గర డబ్బు లేదని తెలియడంతో అక్కడి నుంచి తెలివిగా రాజశేఖర్ పెట్టే బేడా సర్దుకుని N-TV లో చేరిన విషయం అందరికీ తెలిసిందే. ఆ తర్వాత నెమ్మదిగా శ్యాం కూడా ఆ ఛానెల్ లో చేరారు. అక్కడ చీఫ్ న్యూస్ కో ఆర్డినేటర్ కం బ్యూరో చీఫ్ గా రాజశేఖర్ పదవి ఇప్పించాడు. 

అక్కడ ఉక్కపోత తట్టుకోవడం శ్యాం వల్ల కాలేదు. ఇంతలో N-TV నుంచి సాక్షి ఛానల్ కు వెళ్లి...రాజశేఖర్ రెడ్డి బతికి వుండగా ఒక వెలుగు వెలిగిన నేమాని భాస్కర్ మళ్ళీ సొంత గూటికి చేరారు. శ్యాం బాధ్యతలనే నేమానికి అప్పగించారని, ఇది కాస్త ఇబ్బందికర వాతావరణానికి దారితీసిందని తెలిసింది.  
మొత్తం మీద...studio-N లో శ్యాం ఎలా చేస్తారో చూడాలి. కందుల రమేష్, షేక్ బుడన్, శ్యాం లకు మేలు జరగాలని కోరుకుందాం.

2 comments:

vaanachinuku.blogspot.com said...

I am unable understand what is happening in Media..???

Thirmal Reddy said...

TV9 aired a story about their most beautiful anchor suzy on saturday. It was quite interesting and touched on points about why they called her "most beautiful". And they also raised a question asking people who criticized TV9's publicity about suzy. Though I wouldn't like to comment about the controversy, the packaging of the program was just too good. And they even did a live telecast at 8:54pm which turned out be awesome.

Thirmal Reddy
thirmal.reddy@gmail.com

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి