Thursday, January 21, 2010

టీ.ఆర్పీ. కింగ్ 'రవికెల' తో ప్రత్యేక ఇంటర్వ్యూ .........మీడియా పై వ్యంగ్య రచన--పార్ట్-1

మా వాడి పేరు సామేలు. మంచి మిత్రుడు. చదువుకున్నవాడు. అందరి పేర్లకు భిన్నంగా... తన పేరులో 'మేలు' ఉంది చూసావా...అని కాలర్ ఎగరెస్తాడు. వాడికి ఇలాంటి అలాంటి చావు ఐడియాలు చాలా ఉన్నాయి. తనకున్నవన్నీఅద్భుతమైన ఐడియాలనీ, వాటిని జనం గుర్తించడం లేదని రోజూ ఉదయం నుంచి సాయంత్రం వరకు బాధపడతాడు. తనను ఐడియాల సామేలు (ముద్దుగా 'ఐసా') అని పిలిపించుకుంటాడు. ఇలాంటి 'ఐసా' ప్రతిభను 'వరల్డ్ బ్రాడ్ కాస్టింగ్ అసోసియేషన్' వాళ్ళు గుర్తించారు. ఆంధ్రాలో కొమ్ములు తిరిగిన జర్నలిస్టుల లిస్టు ఒకటి ఇచ్చి వారిని ఇంటర్వ్యూ చేసి పంపితే ఎంతో కొంత చెల్లిస్తామని ఆఫర్ ఇచ్చారు. తెలుగు టెలివిజన్ రంగంలో విప్లవ కెరటాలు సృష్టించిన/సృష్టిస్తున్న ఒక ప్రముఖ జర్నలిస్టు..సీ.ఈ.ఓ. రవికెల ప్రవేష్ (ఆర్.పీ.) తో 'ఐసా' ఇంటర్వ్యూ ఇలా సాగింది.


ఐసా: మిస్టర్ రవికెల...మా ఆహ్వానాన్ని మన్నించి ఇంటర్వ్యూ కు అంగీకరించినందుకు థాంక్స్. సమాజం కోసం అహరహం..క్షణం తీరిక లేకుండా కృషి చేసే మీరు ఇలా సమయం వెచ్చించడం మాకు గర్వకారణం. 

సీ.ఈ.ఓ.: (చేతిలోఆరు కాస్ట్లీ మొబైల్స్ పక్కనున్న బల్ల మీద పెడ్తూ) థాంక్స్ అండీ. నో ప్రోబ్లం. కానివ్వండి.


ఐసా: ఇదొక డిఫ్రంట్ ఇంటర్వ్యూ. నా ప్రశ్నలు సూటిగా ఎన్కౌంటర్లో బుల్లెట్ లాగా ఉంటాయి. మిమ్మల్ని ఇబ్బంది పెట్టడం నా ఉద్దేశ్యం కాదని మీరు గమనించాలి. కోపగించుకోకూడదు.
సీ.ఈ.ఓ.: పర్లేదండి. మేమూ అలానే ప్రశ్నలు అడుగుతాం. గుచ్చి గుచ్చి అడగాల్సిందే. నో ప్రాబ్లెం.

ఐసా: మిస్టర్ రవికెల...చెప్పండి...ముందుగా మీ ఇంటిపేరు నుంచి మొదలుపెడదాం. అసలు రవికెల అన్న పేరు ఎలా వచ్చింది?
సీ.ఈ.ఓ.: (చాలా ఆనందంగా)..వండర్ఫుల్. మంచి ప్రశ్నతో ఆరంభించారు. దాని వెనుక పెద్ద కథ ఉంది. మీకు 'ట్రాప్' గురించి ఐడియా ఉందా? హూ..ట్రాప్ అంటే...అమ్మాయిలను ట్రాప్ చేయడం కాదండీ..టీ.ఆర్.పీ. గొడవ అన్న మాట. ఈ రేటింగ్స్ పెరిగి నా ఛానల్ ముందుండాలంటే...మేము చూపించే అమ్మాయిలకు రవికెలు...చీరెలు ఉండకూడదన్న మాట. జనాలను ట్రాప్ చేయడానికి ఈ ఏర్పాటు తప్పదు. నాకనిపిస్తున్నది...నేనే మీడియాలో ఇంత మొనగాడిని అవుతానని తెలిసే...మా ఇంటిపేరు 'రవికెల' అని మా పూర్వీకులు  పెట్టరనిపిస్తున్నది.

ఐసా: చోళీ కే పీచే...అంటే..రవికె వెనుక ఇంత కథ ఉందా? గ్రేట్. మిస్టర్ రవికెల...సూటిగా చెప్పండి...మీ గొప్పతన్నాన్ని రెండు ముక్కల్లో చెప్పుకోమంటే ఏమి చెబుతారు?
సీ.ఈ.ఓ.: నిజానికి చూస్తే...ఉత్తమ సమాజ నిర్మాణమే నా ధ్యేయం. మా ప్రతి మూవ్ అందులో భాగమే. సమసమాజ నిర్మాణమే ఆశయం. అందుకే...ప్రజల సమస్యలు ఒక పక్క చూపిస్తూనే...మరొక పక్క ఆ బాధల నుంచి వారికి కొంత ఊరట కలిగేందుకు...ముద్దులు, కౌగిల్లు, కురచ బట్టలు....వంటి వాటి మీద సరదా ప్రోగ్రామ్స్ చేస్తాం. అదే మా విజయ రహస్యం. ఇది కళాపోషణ అన్న మాట...


ఐసా: సార్...ఇంత సిగ్గు లేకుండా..సారీ...ఇంత నిర్మొహమాటంగా... ఇంత పెద్ద అబద్ధం చెబుతున్నందుకు ఇబ్బందిగా లేదా?
సీ.ఈ.ఓ.: చూడండి...ఐసా గారూ...మీడియా అంటేనే లోపల దాగి ఉన్న వాటిని చూపించే సాధనం. మేము చేస్తున్నది అదే. బుల్లి తెర మీద చూపిస్తుండగా లేనిది...మీతో చెప్పడానికి ఎందుకండీ ఇబ్బంది. సత్యం సత్యమే. జనం మా ప్రోగ్రామ్స్ చూసి ఆనందిస్తున్నారు. టీ.ఆర్.పీ.రేటింగ్స్ బాగున్నాయంటే...మాకు జనామోదం ఉన్నట్లే కదా...

ఐసా: నాకు ఇప్పుడే ఒక ఐడియా వచ్చిందండీ. మీ ఇంటిపేరు మీకు చక్కగా అతికినట్లే...టీ.ఆర్.పీ.కూడా అతికింది చూసారూ? అందులో చివరి రెండు అక్షరాలు...ఆర్.పీ...అంటే...రవికెల ప్రవేష్...మీ పేరును సూచించడం లేదూ? మీరు ఈ టీ.ఆర్.పీ. విషయంలో పీహెచ్ డీ చేసినట్లున్నారు. మీకు అన్నింటిలో  ప్రవేశం ఉంది కాబట్టి ఆ పేరు వచ్చింది...యాం ఐ రైట్?

సీ.ఈ.ఓ.: (కాస్త ఇబ్బంది పడుతూ) సక్సెస్స్ సూత్రాలు తెలియాలి అంతే. ప్రజలను మరింత అలరించేందుకు...త్వరలో ఓకే ఎంటర్ టైన్మెంట్ ఛానల్ తేబోతున్నాం. అప్పుడు మా సత్తా ఏమిటో చూపిస్తాం. అప్పుడే పుట్టిన బుడతడి నుంచి..పండు ముదుసలి వరకు...అందరినీ...అలరించేలా మా ప్రోగ్రామ్స్ ఉంటాయి. చేవఛచ్చిన వాడిలో సైతం...వేడి పుట్టించి నిలబెట్టేలా ఉంటుంది...క్రియేటివిటీ.


ఐసా:ఓహో...తెలుగు జనాలకు మరొక కానుక ప్రసాదించబోతున్నారన్న మాట. అయినా సార్...భక్తి రసం అందించే ఛానల్ మూసేసి ఆ స్థానంలో బూతు రసం అందిస్తున్నారు కదా. మరొక ఛానల్ అవసరమా? 
సీ.ఈ.ఓ: అన్ని రాష్ట్రాలలో అన్ని భాషలలో ఛానెల్స్ తేవడం..మా ఉద్దేశ్యం. ఫైల్యూర్ గురించి మాట్లాడడం నాకు ఇష్టం ఉండదని మీకు తెలియదా?


ఐసా: (సర్దుకుని) ఓహో..అమీబా అయిపోతారన్నమాట.
సీ.ఈ.ఓ.: నాన్ సెన్స్.. అమీబా ఏమిటి? కొత్త కాంసేప్టా? 

ఐసా: అద్భుతమైన...మీడియా..బారన్...అంతే...అమీబా...ఇది ఇలా వుండగా..ఎంత సంపాదించారు? ఎస్.ఈ.జెడ్....

సీ.ఈ.ఓ.: (మధ్యలోనె అందుకుని) సత్యం చెబుతున్నా...మెరుగైన సమాజమే నా ధ్యేయం. అవినీతి అవసరం మాకు లేదు. 


ఐసా: ఛానెల్స్ నియంత్రణకు ఒక యంత్రాంగం ఉండాలని గీతా రెడ్డి తదితరులు అంటున్నారు.  దీనిమీద మీ అభిప్రాయం?

సీ.ఈ.ఓ.: వాళ్ళ మొహం. మా పత్రికా స్వేచ్ఛ నే నియంత్రిస్తారా? మమ్మల్ని ఎవరూ ఏమీ చేయలేరు. మీడియా గొంతు నొక్కుతున్నారని ధర్నాలు చేస్తాం...ఉద్యమం నడుపుతాం.  ప్రభుత్వాలు కూల్చగలం. అలా అంటారు గానీ..మాతో ఎవ్వడూ పెట్టుకోడు లెండి


ఐసా: సరే...మీరు ఏడాదిలో ఎన్నిసార్లు సింగపూర్ పోతారు? ఎవరితో పోతారు? ఏమి చేస్తారు?....
సీ.ఈ.ఓ.: (ఇలా ఐసా ప్రశ్నలు సందిస్తున్డగానే...మిస్టర్ రవికెలకు ఎవరో ఫిలిం స్టార్ ఫోన్ చేసారు. ఏదో స్టార్ నైట్ ప్రోగ్రాం కు సంబంధించిన కాల్)..(ఫోన్ లో) ఒకే..దాని లైవ్ టెలి కాస్ట్ హక్కులు మావే....నన్ను చీఫ్ గెస్ట్ గా పిలవాలి. నేను ప్రసంగించాలి. ఓకే.. వెంటనే వస్తున్న.

(ఐసా వైపు తిరిగి)...సారీ బాస్...చాలా ముఖ్యమైన పని. నేను అర్జెంటుగా బిజినెస్ పని మీద దుబాయ్ వెళ్ళాలి...మళ్ళీ కలుద్దాం...సీ యూ.
------------------
నోట్: అనామిక పేరిట వచ్చిన కల్పిత రచన ఇది. కొంచెం ఇబ్బందికరంగా ఉంటుందనిపించి ఇన్ని రోజులు కోల్డ్ స్టోరేజ్ లో ఉంచాను. ఇది పోస్ట్ చేయడం హేమకు నచ్చలేదు. అయినా...దీనిపై మీ అభిప్రాయాలు చూసి మిగిలిన కొన్ని బిట్స్ పోస్ట్ చేస్తాను. ఐ విల్ వెయిట్ ఫర్ యువర్ రెస్పాన్స్...రాము

14 comments:

budugu said...

its neither funny nor in good taste. btw, even I dont like tv9 .

రవిచంద్ర said...

బాగుంది. ఇంకా మరిన్ని కోణాలను వెలుగులోకి తీసుకురండి.

shankar panthangi said...

dear ramu, vasthavalanu cold storegelo dayadam kuda nerame Anukunta. neeku thelisina nijaanni janaaniki thelapandi. virnayam vaarike vodileyandi....shankar

Anonymous said...

We have many bloggers for satirical posts. Personally I suggest you not to go in that track. Your blog generally maintains serious and productive discussions, better maintain that flavour.

Anonymous said...

ABN andhrajyothi choosthunnaaraa ramu garu.. andulo OPEN HEART WITH RK ane programme lo aa channel owner Radhakrishna garu prathi okka pedda manishini " Meeku enthamandi ammaayilatho aa sambandham undi?" ane oka prashna maathram thappanisarigaa aduguthunnadu. Mohanbabu interview lo aa paithyam paraakaashta ku cherindi. E velugulakee prasthaanam? Meeru ee karyakramam meeda focus chesthu mee viluvaina views panchandi. Media has became a tragicomic thamasha.

Andhrajyothi yajamaani vintha pokadalu pothunnaadu. Thana samstha lone telangana journalists forum president (Allam narayana) , samaikyaandhra journalists forum president (vasireddy venugopal) vundela chesi vaalla 'udyama krushi'ni allow chesthu itharulaku maathram UDYAMAMO UDYOGAMO THELCHUKONDI ani notice tho hecharinchaadu. Emiti ee vintha pokada?

maro vishayam ABN andhrajyothy lo pani chesthunna kondaru anchor ammayilu papam degree kooda poorthi cheyani chinnapillalata. 6 thousand salary tho inter pass ayina vaallani enchukoni "news" chadivisthunnaarata. Degree kooda cheyani ee koonalu jaatheeya, antharjatheeya amshaalapai emi charchisthaaro aa devudike eruka.

cp said...

sir good presentation with lot of generalization keep going.......

Anonymous said...

వీరత్యమంటే ఇదే. కుభాస్తలాన్నే డీకొంటున్నారు. మేము అండగా వుంతాము. ముదుకు సాగండి

Anonymous said...

Media is behaving like a stupid now a days......as said JP the govt has to stop media for 1 month....and there will be only Doordarshan

Anonymous said...

Super cool.

Anonymous said...

ఏబీఎన్ ఆర్కేతో ఆర్కే ఇంటర్ వ్యూ "సెటైర్" ప్లాన్ చేయండి. సా"మేలు" తలచుకుంటే కష్టం కాదు.

Anonymous said...

sir,r.p singapore lo ei chesthado cheppandi.bagundi mee post

Anonymous said...

You deserve for the boldness and courage in exposing the CEO of a TV channel.Infact he earned crores by blackmailing many politicians in his series of interviews with politicians when he was in Teja TV channel.He is the most unproffessional fellow with all worst habits.But he poses himself as Mr.Clean as seen in the programmes he covered.Please continue with other parts and give wide coverage to ever one so that every knows the real individual in him.You can even cover his role in a murder case a few years ago.You are just speakinbg the truth but nothing but truth but it is alweays bitter to the people concerned.
JP Reddy

Anonymous said...

You deserve for the boldness and courage in exposing the CEO of a TV channel.Infact he earned crores by blackmailing many politicians in his series of interviews with politicians when he was in Teja TV channel.He is the most unproffessional fellow with all worst habits.But he poses himself as Mr.Clean as seen in the programmes he covered.Please continue with other parts and give wide coverage to ever one so that every knows the real individual in him.You can even cover his role in a murder case a few years ago.You are just speakinbg the truth but nothing but truth but it is alweays bitter to the people concerned.
JP Reddy

Anonymous said...

By widely covering and collecting donations inthe recent floods in AP the CEO wanted to wash his sins and come out Mr.Clean.But the genetic bad habits and unproffessional behaviour without any moral and human values will never vanish with his so called service but there is a chance to reduce these if he changes his character and behaviour and become an individual with ethical,moral and human values.GOD bless him by taking away his bad elements in him.
JP.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి