పండగలు, పబ్బాలు, బర్త్ డేలు, మారేజ్ డేలు తదితర శుభదినాల్లో శుభాభినందనలు (గ్రీటింగ్స్) మరీ కృతకంగా, మొక్కుబడిగా మారాయి. సోషల్ మీడియా, వాట్సప్ వంటి సాంకేతిక వెసులుబాట్లు పెరిగి అందరికీ అందుబాటులోకి రావడంతో గ్రీటింగ్స్ చెప్పటం సులువైంది. రెడీ మేడ్ గ్రీటింగ్స్, ఎమోజీలు కూడా పనిని సులభతరం చేశాయి. వీడితో పనిపడకపోతుందా...అన్న ముందుచూపుతో పండగ గ్రీటింగ్స్ పంపే వారు కూడా పెరుగుతున్నారు...మీరు గమనించారో లేదో!
సరే, ఎప్పుడూ పట్టించుకోని వాళ్లు ఇలాంటి స్పెషల్ డేస్ లో గుర్తు ఉంచుకుని గ్రీట్ చేయడం ఒకరకంగా మంచిదే అయినా...ఏదో చెప్పాలి గదా..అని ఒక గ్రీటింగ్ ఫార్వర్డ్ చేయడం కొద్దిగా ఇబ్బందిగా ఉంది. మనకు నచ్చారనో, పూర్వపు బాసు కాబట్టో, గ్రీట్ చేస్తే పోలా? అనో.... పండగపూట వందల మందికి గ్రీటింగ్స్ పంపడంతో గంటా గంటన్నర పోతోంది.
శుభాకాంక్షలు పంపిన వారిని 1) పేరుతో సహా సంబోధించి 2) గ్రీటింగ్ కు థాంక్స్ చెప్పి 3) తిరిగి శుభాకాంక్షలు చెప్పడమనే మూడు పనుల వల్ల నాకు ఇంకా ఎక్కువ సమయం పడుతున్నది. కాన్వా లో ఫోటో సహా గ్రీటింగ్ చేసి అందరికీ తోసేయ్యడం తేలికైన పని అయినా...అందులో హ్యూమన్ టచ్ మిస్ అన్న ఫీలింగ్ నాది. ఫోన్ నుంచి ఈ గ్రీటింగ్స్ మేసేజ్ లు తీసెయ్యడానికి కూడా టైం పోతోంది. దీపావళి సందర్భంగా రెండు పరిశీలనలు.
1) ప్రొఫెషనల్ గ్రూప్స్ లో ఏ పండగ గ్రీటింగ్స్ అయినా సరే... పెట్టవద్దని ఎంత మొత్తుకున్నా వినరేమిటి కొందరు మిత్రులు? అడ్మిన్ హోదాలో...ఇట్లా వద్దనుకున్నాము కదరా సామీ...అని మొఖాన చెప్పలేం. మనం చెబితే వాడికి కోపం వస్తుంది. మనల్ని హిందూ వ్యతిరేకి అంటాడు. అప్పుడెప్పుడో క్రిస్మస్ గ్రీటింగ్ పెట్టినప్పుడు ఎందుకు స్పందించలేదన్న వాడి వాదనకు తానతందాన బృందం తయారై ఎగబడతారు. ఇదే కారణం మీద ఆ క్రిస్మస్ వాడితో కూడా మనకు పంచాయితీ అయి ఉంటుంది. అది ఎవ్వరికీ గుర్తురాదు. వాళ్ళతో వాదించలేక పండగపూట మూడు పాడై, మిత్రుల రెలీజియస్ సెంటిమెంట్స్ దెబ్బతీసామేమోనన్న గిల్టీ ఫీలింగ్ తో పాటు...ఆ రోజు సంబంధ దేవుడు శిక్షిస్తాడేమోనన్న ఊహ ఒక్క క్షణం ఇబ్బంది పెడుతుంది.
2) కొద్దిగా బలిసిన లేదా పదవి ఉన్న వాళ్లకు మనం ప్రేమతో గ్రీటింగ్స్ పాపితే వాళ్ళు థాంక్స్ మాత్రమే చెబితే మనకు కాలదా? సేమ్ టు యూ అనో, ఐ రెసిప్రోకెట్ అనో..అని చావొచ్చు కదా! ముట్టేపోగారు... కాకపోతే?
3 comments:
I agree with your feelings.
Why make fuss about everything. Give reply if you really wish or else ignore. Next time they will not send any such message. Last para shows you too feel if someone doesn't reply. Relationship is not one way street.
you are contradicting. Read your point 2, Nuvvu nee sollu, nuvvu maru mundu, balisina vallenti? Ante vallantha oke laa untara? Alochanalu marchu ra sannasi
Post a Comment
Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu
తెలుగులో టైపుకు www.lekhini.org కాని www.baraha.com విజిట్ చేయండి