Tuesday, December 15, 2009

అబ్బా...టీవీల్లో ఎప్పుడూ ఈ ఆస్థాన విద్వాంసులేనా?

తెలుగు టీ.వీ.ఛానెల్స్... కీలక విషయాలపై చర్చలను ఆస్థాన విద్వాంసులకు పరిమితం చేస్తూ జనాన్ని చంపుతున్నాయి. ఈ విద్వాంసులు లేదా మేధావులు చెప్పిందే చెప్పి...వాదించిందే వాదించి...పాడిందే పాడరా పాచిపళ్ళ దాసరీ..అనే సామెతను గుర్తు చేస్తున్నారు.

ఈ పది పన్నెండు ఛానెల్స్ లో సర్వశ్రీ ఘంటా చక్రపాణి, అంబటి రాంబాబు, ప్రకాష్, నరసింహా రావు, పొత్తూరి వెంకటేశ్వర రావు, ప్రొఫెసర్ హరగోపాల్, తెలకపల్లి రవి,  దేవులపల్లి అమర్, శ్రీనివాస రెడ్డి, డాక్టర్ కే.నాగేశ్వర్ లు కనిపిస్తున్నారు. ఇందులో కాస్త నిష్పాక్షికంగా, ససాక్ష్యంగా వాదించే వారి సంఖ్య మూడుకు మించి దాటదని అవగతమవుతున్నది. మహిళలకు సంబంధించిన చర్చ అయితే...సంధ్యక్క తప్పక హాజరవుతారు.
   

ఆంధ్ర మేధావి శ్రీనివాస్, వసంత నాగేశ్వర రావు గార్లు కూడా ఈ తాజా పోరాటాల సందర్భంగా టీ.వీ.ఛానెల్స్ లో ప్రముఖంగా దర్శనమిచ్చారు. పరిస్థితినిబట్టి గద్దర్, రసమయి బాల కిషన్...స్టూడియో లలో మినీ 'ధూమ్ ధామ్' నిర్వహిస్తుంటారు. ఇక్కడి యూనివర్సిటీ లలో సైతం....బాగా చదువుకున్నప్రొఫెసర్లు చాలా మంది ఉన్నారు కానీ...వారిని ప్రమోట్ చేయడానికి ఏ ఛానల్ ముందుకు రావడం లేదు.  

ప్రజాస్వామ్య స్ఫూర్తి ని దృష్టిలో ఉంచుకుని ఏ మాటకు ఆ మాటగా మాట్లాడుకుంటే...ఆంధ్రా, రాయలసీమ ప్రాంతంలో ఇదే స్థాయి కలిగిన మేధావుల గళం మాత్రం సరిగా వినిపించడంలేదు అన్నది ఒప్పుకోవాల్సిన నిజం. అన్ని మీడియా హౌజుల కేంద్ర కార్యాలయాలు హైదరాబాద్ లో ఉండడం వల్ల ఒక సెక్షన్ అఫ్ ప్రముఖులు పెద్దగా మీడియా చర్చలలో దర్శనం ఇవ్వడంలేదు. 

నాకు ఈ సమస్య నల్గొండ లో 'ది హిందూ' రిపోర్టర్ గా ఉన్నప్పుడు ఎదురయ్యింది. నల్గొండ ఎం.ఎల్.ఏ. కోమటిరెడ్డి వెంకట్ రెడ్డి నేను నివసించే జిల్లా కేంద్రంలో ఎక్కువ కార్యక్రమాలు చేసేవాడు కాబట్టి అతనికి మా పేపర్ లో చాలా కవరేజ్ దొరికేది. అదే...సుదూర ప్రాంతమైన కోదాడ ఎం.ఎల్.ఏ.గా ఉన్న విద్యావంతుడు ఉత్తమకుమార్ రెడ్డికి మాత్రం మంచి కవరేజ్ ఇవ్వలేకపోయేవాడిని. కోమటిరెడ్డికి ఉన్న పీ.ఆర్.నెట్ వర్క్ ఉత్తమకుమార్ కు ఉండేది కాదు, కోదాడ విషయాలు నల్గొండలో ఉన్న మాకు రోజూ తెలిసేవి కాదు. "నా నియోజకవర్గం నల్గొండకు దూరంగా ఉండడం వల్ల నాకు 'ది హిందూ' లో కవరేజ్ దొరకడం లేదు," అని ఉత్తమకుమార్ అనే వారు. ఈ సమస్య పరిష్కారానికి నేను కొంచం కష్టపడాల్సి వచ్చేది.


కచ్చితంగా ఇదే సమస్య ఆంధ్రా, రాయలసీమ ప్రాంత మేధావులు, కళాకారుల విషయంలో జరుగుతున్నది. రెండు పక్షాల వాదనలు వింటేనే కదా..ఏదైనా విషయంపై ఒక అభిప్రాయం ఏర్పరుచుకోవడానికి ప్రజలకు వీలు ఏర్పడేది. ఇంకో విషయం ఏమిటంటే... పైన పేర్కొన్న రాజకీయ విశ్లేషకులు/ మేధావులు/ పార్టీల ప్రతినిధులకు చర్చలలో పాల్గొన్నందుకు ఈ ఛానెల్స్ వారు నామమాత్రం గానైనా గౌరవ వేతనం చెల్లించడం లేదు. వీళ్ళూ అడగడం లేదు. 

"వాళ్ళు (ఛానెల్స్) ఏదో గౌరవంగా పిలుస్తారు. మేము ఎంతో టైం వెచ్చించి వెళ్లి వస్తుంటాం. ఇదంతా ఉచిత సేవే," అని తెలకపల్లి రవి గారు నాతో అన్నారు. ఛానెల్స్ ఇలా కూడా శ్రమ దోపిడీ చేస్తున్నాయన్నమాట అనిపించింది.
ఈ ఛానెల్స్ అన్నీ 24/7 వి కాబట్టి...అవి ఉదయం నుంచి సాయంత్రం దాక కాలక్షేపం చేయాలి కాబట్టి...అందుబాటులో ఉన్న ఈ మేధావులు/ విశ్లేషకులను పిలిచి బండి నడుపుతాయి.  అది బాగానే ఉంది కానీ...ఈ క్రమంలో నాణ్యత దెబ్బ తింటున్నది. ఈ విషయాన్ని ఛానెల్స్ యాజమాన్యాలు గమనించి దిద్దుబాటు చర్యలు చేపడితే...బాగుంటుంది.

8 comments:

Anonymous said...

Anonymous Anonymous said...

ఎవడి గోల వాడిది

Anonymous said...

రాము గారు.. చిన్న సందేహం. ఇది మీ ద్వారా మాత్రమే నివ్రుత్తి అవుతుందనుకుంటున్నాను. చక్రపాణి.. రాజకీయ విశ్లేషకుడు అనే వ్యక్తి తరచూ ఛానల్స్లో కనిపిస్తాడు. కానీ అతడు ఫక్తు తెలంగాణ వాదిలా మాట్లాడతాడు. అతి జుగుప్సాకరంగా అవతలి వ్యక్తితో ప్రవర్తిస్తాడు. అంతా తనకే తెలుసు.. మిగతా వాళ్లు వెధవలు అన్నట్లు చూస్తాడు. అందరిని తిట్టడమే తన హక్కులా భావిస్తాడు.మీడియా పిలుస్తుంది కాబట్టి తానో మేధావినన్న తీరున ఫోజు కొడతాడు. మీడియాను అడ్డం పెట్టుకుని అతడొక వాదాన్ని ప్రచారం చేస్తున్నడు. కాబట్టి ఉద్యమకారుడనొచ్చు. మరి రాజకీయ విశ్లేషకుడన్న హోదాను అతడికి ఎలా కట్టబెడుతున్నారో కాస్త వివరణ ఇవ్వగలరు. మీకు తెలిస్తే...

Unknown said...

what you stated is correct. may be because, electronic media offices are in Hyderabad, there is more coverage to Telengana view point than the Circar or Rayalaseema area. when the spokespersons from these areas express their views, the anchor-persons and reporters cut them short.There is impression that the electronic media is presenting one side view. media should attempt to find correct resource persons on the issues under discussion.

Unknown said...

some persons like prof. Jayashankar, Harishrao became icons and too big to paticipate in debate in electornic media. they should be invited and interviewed on the current issues

sarath1961 said...

Dear Ramu,you have forgotten the name of firebrand Nannappaneni Rajakumari,the lady version of Ambati Rambabu.I dont know,if they represent the high command?Chakrapani is the worst of the lot.Somebody should stop this programme of discussions,like news scan.Reading news papers should be done by trainee reporters and readers.and KSR, a flop show and a pro political party,always tries to put his words in the analysts mouth.VK is average and normally forgets who is on line as he takes atleast 3/4 members at the same time.I dont wany to waste time on RK.AR is trying to brand himself as messaiah of politics in AP.All of you all the BEST.It is safe to switch on the TV set at 10 AM and till then better listen to AIR or even FM.

Anonymous said...

Ramu garu
I appreciate your effort. iam one of the regular visitor of your blog.
How many intellectuals are interested in these discussions. These intellectuals sit in front of tv and simply they criticize. Most of them are not interested to participate because of their some personal reasons and risk and having unnecessary fears.I encouraged some of the new faces for last 3 years for electronic media.

-Sr.Correspondent

kvramana said...

anna ramu
I appreciate your concern about non-availability of airtime to Andhra or Rayalaseema representatives. But, dont you think some of the anchors/presenters are filling that gap? If you had noticed a discussion between S Satyanarayana, Malladi Vishnu and Telakapalli Ravi with Rajnikanth as 'moderator', you will definitely realise the motive behind organising such discussions.
ramana

Anonymous said...

Dear Ramu, bureau chiefs are invited based on their caste and political connections and benifit in the future is also considered.
The self proclaimed intellectuals are dominating the TVs. That is why
Telugu channels lost their respect.

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి