Monday, February 18, 2013

వేమూరి రాధాకృష్ణ: ఇంగ్లిష్ వింగ్లిష్

తెలుగు ఛానెల్స్ లో సంచలనాత్మకైన, ప్రజాదరణ గల ప్రోగ్రామ్స్ లో ప్రముఖ జర్నలిస్టు వేమూరి రాధాకృష్ణ (వే రా) నిర్వహిస్తున్న 'ఓపెన్ హార్ట్ విత్ ఆర్కే' ఒకటి అనడంలో సందేహం లేదు. ఎంతటి మొనగాడినైనా ఏ భాషలోనైనా స్టూడియోకి వచ్చిన వారిని వే రా వీర లెవెల్లో చెడుగుడు ఆడుకుంటారు అనడంలో కూడా సందేహం లేదు. మొదట్లో అయితే...'చిన్నప్పుడు మీరు ఫాస్టంట గద...ఎవరితో నడిపారేంటి?' అని తన మోచేయి గీక్కుంటూ మొహమాటం లేకుండా అడిగేవారాయన. గెస్టుల చీకటి కోణాలు వెలికి తీయడానికి ఆయన నవ్వుతూ చేసే ప్రయత్నం కొందరికి అసహ్యంగానూ మరికొందరికి పర్లేదులే...'మనోడు మనోడే. చానా బాగా అడుగుతుండు..." గానూ అనిపిస్తాయి.  

నిన్న (ఆదివారం) రాత్రి వే రా గెస్టు, ఎం.ఐ.ఎం.నాయకుడు అసదుద్దీన్ ఒవైసీ. వారాంతపు ఈ ప్రోగ్రాం లో భాగంగా అసదుద్దీన్ ను స్టూడియోకి పిలిచారు, ఇంటర్వ్యూ చేసారు. అసదుద్దీన్ తమ్ముడి అరెస్టు నేపథ్యంలో అది టైమ్లీ ప్రోగ్రాం కాబట్టి నేను రెండు రోజుల నుంచి దాని కోసం వెయిట్ చేసి చూసాను. ఎంతో కష్టమైన ప్రశ్నలను వే రా ఎంతో చాకచక్యంగా తనదైన శైలిలో అడిగి రక్తి కట్టించారు. నాకు తెలిసి....అసదుద్దీన్ ను "నీకు పిల్లలు యెంత మంది?" అని సూటిగా అడిగి సమాధానం రాబట్టిన దమ్మున్న మొనగాడు ఇంతవరకూ వే రా ఒక్కరే అయి ఉంటారని నేను గట్టిగా నమ్ముతున్నా.

ముస్లింలు ఇంతమంది పిల్లలను కనకుండా పరిమిత కుటుంబంతో ఉంటే బాగుంటుందన్న ప్రమాదకరమైన సూచన నవ్వుతూ చేయడం మన వే రా కే చెల్లింది. చైనా వాళ్ళు ఇప్పుడు స్ట్రిక్టు గా ఇద్దరిని మించి కనొద్దని చెబుతున్నారని వే రా వాదించగా దాన్ని విద్యావంతుడైన అసదుద్దీన్ తోసిపుచ్చారు. ఎక్కువ మంది పిల్లలను కనమని అక్కడ కోరుతున్నారని, ఎక్కువ మంది జనాభాతో మరింత ఎక్కువ అభివృద్ధి సాధించవచ్చని ముస్లిం నేత వాదనకు దిగబొయ్యెలోపే..తనదైన శైలిలో నవ్వుతూ..."Lets agree to disagree," అని వే రా కట్ చేశారు సున్నితంగా. తమ తాత ముత్తాతలు కూడా ఆరేడుగురిని కనేవారని, ఆర్ధిక పరిస్థితులను దృష్టిలో ఉంచుకుని పరిమిత కుటుంబానికి ఫిక్స్ అయ్యారని కూడా ఆయన చెప్పారు మాటల మధ్యలో. "అది సరే...ఇన్నేళ్ళ బట్టి ఉన్నారు గద...మీకు తెలుగెందుకు రాలేదు?" అని కూడా వే రా సూటిగా అడిగి అసదుద్దీన్ నుంచి సమాధానం రాబట్టారు. తెలుగు నేర్చుకుని తీరతానని ఆయన అన్నప్పుడు...టూషన్ పెట్టించుకుంటారా? అని కూడా వే రా అడిగారు.   

అసదుద్దీన్ కేమో తెలుగు బిల్ కుల్ రాదు, మన వే రా కేమో ఇంగ్లిష్ ఫుల్ గా రాదు. దీనివల్ల సునిశితంగా ఈ ఓపెన్ హార్ట్ ను చూసిన వారికి చాలా చోట్ల వినోదం లభించింది. మచ్చుకు ఒకటి: 

అసదుద్దీన్ ఏదో చెప్పబోతుండగా...మీరేమో 'స్కీమర్' అని వే రా గబుక్కున అన్నారు. 'ఓర్నాయనో...ఇట్లా అంటాడేమిటి?' అని నేను గాబరా పడ్డాను. మన వే రా ఉద్దేశంలో...స్కీమర్ అన్న మాటకు అర్థం...'ఒక పథకం ప్రకారం ముదుకు వెళ్ళే రకం' అని. ఈ మాట విని...అసదుద్దీన్ ఒక క్షణం నోరెళ్ళబెట్టి ...'నో నో సార్...అయాం ఏ హానెస్ట్ పర్సన్," అని చెప్పుకున్నారు. నిజానికి Schemer  అంటే 
A person who is involved in making secret or underhanded plans అని అర్థం. 
దాని సమార్ధకాలు plotter - designer - intriguer - intrigant.

అయినా సరే...మన వే రా సరదాగా 'ఓపెన్ హార్ట్' నడిపారు. 
 
        

11 comments:

ఓరుగల్లు పిల్లాడు said...

I Like Open Heart with RK. The way he conduct show is awesome.. I appreciate him.Its a nice show

ఓరుగల్లు పిల్లాడు said...

its a nice show. I like it. RK asks questions in a nice way.

sameera said...

Not always ! Sometimes he crosses the line by showing too much interest in illicit affairs. I personally believe no person is allowed to judge fellow human beings. "Promoting good" is always done in meager portions in Telugu media.

katta jayaprakash said...

Muslim citizens of various states and regions speak local language fluently.For example in in UP muslims speak fluent Hindi,Tamil nadu good Tamil,Bengal good Bengali,Andhra and Rayalseema good Telugu but in old Hyderabad no muslim tries to learn Telugu.During Nizam's rule my father used to wear fur cap,sherwani speaking and writing fluent Urdu.But why Owaisis are not learning Telugu in Telugu state? The muslims of rural areas and districts are better than old city as they are fluent in nTelugu.If Owaisis cannot speak Telugu how can they spread their party in rest of AP?

JP.

సన్నాయి said...

Please see this post.

http://sannaayi.blogspot.de/2013/01/blog-post_19.html

That was my experience with one of the Hyderabadis.


Unknown said...

nijam kanna ninda ruchi.. alage media lo panikoche vati kanna paniki rani vatiki priority , trp lu ekkuva .. so oka news channel ku emi kavalo adi ivvadam lo rk garu epudu sucess avutunnaru..

Unknown said...

nijam kanna ninda ruchi.. karu kanna pukaru joru.. annavi peddalu cheppina chaddi muta.. alage prajalaku panikoche vatikanna.. panikirani sodi nachutrundi.. kanuka priority lu trp lanu lekka lo pettukuni show rating penchadam lo rk garu success avutunnaru..

Sitaram said...

I too like RK. No one is perfect in this world.
ramu

Unknown said...

ఈబ్లాగ్ నిర్వాహకులు కమ్మ కుల ద్వేషులులా వున్నారు. ఆర్కేపైన, రామోజీల మీద వొంటి కాలిమీద లేచే ఈయన బ్యాంకులను, అర్ధిక సంస్థలను 5.000ల కోట్ల రూపాయలకు ముంచిన దక్కన క్రానికల్ యాజమన్యం పై ఇంతవరకు ఏం మట్లాడలేదు.

Ramu S said...

కొత్తూరు మిత్రమా...
నిజమే... నేను డీ సీ గురించి రాయాల్సింది. కానీ అప్పటికే టైమ్స్ ఆఫ్ ఇండియా లో దాని మీద బాగా వార్తలు వచ్చాయి. నా దగ్గర కొత్త సమాచారం లేక రాయలేదు. అంతే తప్ప ఇందులో కులం ప్రభావం లేదు. కులాల పట్ల గంప గుత్తగా రాగ ద్వేషాలు పెంచుకుని వ్యవహరించే వాడిని కాదు.
థాంక్స్
రాము

Ramu S said...

కొత్తూరు మిత్రమా...
నిజమే... నేను డీ సీ గురించి రాయాల్సింది. కానీ అప్పటికే టైమ్స్ ఆఫ్ ఇండియా లో దాని మీద బాగా వార్తలు వచ్చాయి. నా దగ్గర కొత్త సమాచారం లేక రాయలేదు. అంతే తప్ప ఇందులో కులం ప్రభావం లేదు. కులాల పట్ల గంప గుత్తగా రాగ ద్వేషాలు పెంచుకుని వ్యవహరించే వాడిని కాదు.
థాంక్స్
రాము

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి