Wednesday, February 13, 2013

జర్నలిస్టు మిత్రులారా...కాస్త స్పందించండి...

రాతలతో ప్రపంచానికి సుద్దులు చెప్పే 'ఈనాడు' యాజమాన్యం చేతలలో పచ్చి కార్మికవ్యతిరేకి, ఉద్యోగవ్యతిరేకి అన్న విమర్శ నిజమే అనిపిస్తున్నది. హక్కుల కోసం నినదించిన వారిని ఇబ్బందులు పెట్టడంలో భాగంగా ఈటానగర్ బదిలీ చేసి కక్ష సాధించే 'ఈనాడు'.... పోరాట యోధుల కుటుంబాలలో సృష్టించే సంక్షోభం అంతా ఇంతా కాదు. అందుకు పెద్ద  ఉదాహరణ గడియారం మల్లికార్జున శర్మ (జీ.ఎం.ఎస్.).

వేతనాలు, ఇతర విషయాల్లో 'ఈనాడు' పై ఎలుగెత్తిన జీ.ఎం.ఎస్.ఏడాదిగా జీతం లేక, కుటుంబాన్ని పోషించుకోలేక నానా ఇబ్బందులు పడుతున్నారు. భువనేశ్వర్ నుంచి ఈటానగర్ బదిలీకి గురైన ఈయన 'ఈనాడు' పై  కేసులు దాఖలు చేసి కోర్టుల చుట్టూ తిరుగుతున్నారు. న్యాయం కోసం లేబర్ డిపార్టుమెంటు ను ఆశ్రయించినందుకు 'ఈనాడు' యాజమాన్యం తనపై కక్ష కట్టిన విషయం మీకు తెలిసిందే. తను భువనేశ్వర్ లో ఉండగా...జీ.ఎం.ఎస్. వేతన సంఘాన్ని కూడా ఆశ్రయించారు

'న్యూస్ టుడే' కింద ఉద్యోగులను నియమించి వారిని ప్రత్యక్షంగా 'ఈనాడు' కోసం వాడుకుంటున్నారన్న విషయంలో నేను కూడా మొన్నామధ్యన లేబర్ కమిషనర్ ఆఫీసులో సాక్ష్యం ఇచ్చాను. 'ఈనాడు' జర్నలిస్టులు అందరి బాగు కోసం జీ.ఎం.ఎస్. పడుతున్న శ్రమను, పోరాట పటిమను అభినందిస్తూ పలువురు జర్నలిస్టులు కూడా సాక్ష్యాలు సమర్పించారు. దానికి సంబంధించి 'ఈనాడు' కు నోటీసులు వెళుతున్నాయి. 

ఈ పనిలో భాగంగా హైదరాబాద్ వచ్చిన మల్లికార్జున్ ను నిన్న రాత్రి నా అడ్డా (ఖైరతాబాద్ చౌరస్తా లోని ఇరానీ కఫె) లో కలుసుకున్నాను. తన ఆర్ధిక ఇబ్బందులు మరీ ఎక్కువయ్యాయి. జర్నలిస్టుల కోసం ఎన్నో కష్టాలు  అనుభవిస్తున్నారాయన. "మనం కేసు గెలిస్తే...ఈనాడులో ప్రతి ఉద్యోగికి లాభం సార్. ఎలాగైనా సరే ఈ పోరాటాన్ని ఒక కొలిక్కి తేవాలి," అని ఆయన ఎంతో ఆశాభావంతో నాతో అన్నారు. ఆయనపై భౌతిక దాడికి ఒక ప్రయత్నం కూడా జరిగింది. ఈ కేసుల వల్ల తనకు జరిగిన, జరుగుతున్నఅవమానాలకు లెక్కే లేదు. "పిల్లలు బ్రెడ్ అడిగినా కొనివ్వలేని పరిస్థితి," అని ఆయన మాటల సందర్భంగా చెబితే చాలా బాధ అనిపించింది. ప్రస్తుతం 'ఈనాడు' తో కేసు గొడవలో ఉన్నందున మరొక ఉద్యోగం చేసే అవకాశం లేదు తనకు. 

'ఈనాడు' లో ఉన్న వారే కాకుండా జర్నలిజం లో ఉన్న మనసున్న మిత్రులు అంతా వెంటనే స్పందించాల్సిన సమయమిది. యాజమాన్యాలు హింసిస్తున్నా...చస్తూ బతకడమో...నిస్సహాయంగా వేరే పత్రిక లేదా చానెల్ లో చేరడమో చేస్తున్నాం. మనలాంటి వారికి ఆశాదీపం, స్ఫూర్తి ప్రదాత మల్లికార్జున్. ఆయన చేస్తున్న పోరాటం ఒక కొలిక్కి వస్తే...అది జర్నలిస్టుల వేతన హక్కుల పోరాటంలో ఒక పెద్ద ఘట్టం అవుతుంది. మనం చేయలేని పనిని ఎన్నో కష్టనష్టాలనోర్చి చేస్తున్న మన సహచారుడ్ని మనం ఆదుకోకపోతే ఎవరు ఆదుకుంటారు? ఆయనకు చేతనైన ఆర్ధిక, మానసిక సహాయం చేయడం మన విధి, తక్షణ కర్తవ్యం. జర్నలిస్టులకు నయా పైసా సహాయం చేయకుండా...పదవులు అనిభవిస్తున్న...పేరు గొప్ప జర్నలిస్టు నాయకులారా....మీ అంతరాత్మను ప్రశ్నించుకోండి. మల్లికార్జున్ కు చేయూతనివ్వండి.

న్యాయం కోసం పోరాడుతున్న ఒక వ్యక్తి పిల్లలు ఈ న్యాయ పోరాటం వల్ల ఇబ్బంది పడడం మనకు అవమానం. దయచేసి మీరు స్పందించండి. మీకు తోచిన సహాయం చేయండి. మనసున్న ప్రతి జర్నలిస్టు దయచేసి స్పందించాల్సిందిగా విజ్ఞప్తి. ఆయన ఈ రోజు రాత్రి వరకు హైదరాబాద్ లో ఉంటారు. మీరు కావాలనుకుంటే...తనను కలవవచ్చు. 
మల్లికార్జున్ ఫోన్ నంబర్:  9441550300

7 comments:

Unknown said...

అయ్యోపాపం

shadow (antaramgam) said...

ayana account number ivvandi

katta jayaprakash said...

It is indeed a pathetic story of a journalist.There are many such people in the proffession but are being suppressed by the so called star journalists who are always in receiving side running lakhs of rupees through un ethical and illegal methods.When our journalists got ample time to agitate against attacks on media coming to the streets why the same people are reluctant fight against injustice to people like Mallikharjun?Where are the members of the AP Journalists associations?Where are the VIP journalists who are regularly seen on TV screens participating in various debates?

JP.

Ramu S said...

Thanks for your response.
Please talk to him. He will give his account number.
ramu

Ramu S said...

Thanks for your response.
Please talk to him. He will give his account number.
ramu

Raja said...

Ramu garu,

meeru oka account open cheyyandi, donations and blog nunchi yedanna revenue voche margam kanipetti, aa vochina fund ni vignyatha tho karchu cheyyandi.

naayakula meeda nammakam poyyi chaala rojulaindi.


Raja

Ramu S said...

రాజా గారూ...
మీరు ప్రమాదకరమైన సూచన చేసారు. మనుషుల్ని బద్నాం చేయడానికి మంచి ఆయుధాలలో ఒకటి డబ్బు. ఆ విషయంలో తలదూర్చితే దెబ్బతింటాను. అందుకే ఆ పని నేను పెట్టుకోలేదు. మల్లికార్జున్ కు సహాయం చేయాలనుకున్న వారు తనకు నేరుగా ఫోన్ చేసి అకౌంట్ నంబర్ కనుక్కోవాల్సిందిగా మనవి.
రాము

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి