Saturday, October 10, 2009

చేయాల్సింది చాలా ఉంది..చూడాల్సింది మిగిలే ఉంది..

తెలుగు ఛానెల్స్ లో చర్చల నిర్వహణకు మంచి ప్రజెంటర్ల/ మోడరేటర్ ల  కొరత కొట్టొచ్చినట్లు కనిపిస్తున్నది. విశ్లేషకులను కాస్తో కూస్తో లోతైన ప్రశ్నలు అడుగుతున్న వారు అరుదుగా కనిపిస్తున్నారు. పలు సార్లు స్టూడియో కు వచ్చిన గెస్ట్ లు మన మిత్రులను కవర్ చేసి అభాసు కాకుండా కాపాడాల్సి వస్తున్నది. 


కాస్త బుర్రపెట్టి సందర్భోచితమైన ప్రశ్నలు అడుగుతూ చర్చలు రక్తి కట్టిస్తున్న వారిలో కందుల రమేష్ (టీ.వీ.-ఫైవ్), దేవులపల్లి అమర్ (సాక్షి) గార్లు నాకు ప్రముఖంగా కనిపిస్తున్నారు. అమర్ గారి ప్రశ్నలలో మెరిట్ జోలికి నేనిక్కడ వెళ్ళటంలేదు. షో ను చక్కగా రన్ చేస్తున్నారా లేదా అన్నదే నా చర్చనీయాంశం.



మళ్ళీ టీ.వీ.-నైన్ గూటికి చేరిన రజనీకాంత్ లో మునుపటి సీరియస్ నెస్ కనిపించకపోగా..నవ్వులాట ఎక్కువగా ప్రస్ఫుటం అవుతున్నది. రామచంద్ర మూర్తి (హెచ్.ఎం.), కొమ్మినేని శ్రీనివాసరావు (ఎన్) గార్లు విభిన్న శైలిలో సాగిపోతున్నారు. మూర్తి గారు మనుషులు ఆశించే అభివ్యక్తులకు తావు లేకుండా చర్చ/ఇంటర్వ్యూ నడిపితే...కే.ఎస్.ఆర్.గారు ఎమోషన్స్ ఎక్కువగా కనపరుస్తూ బండి నడుపుతున్నారు.


స్క్రీన్ మీద బాగా ఎక్కువ కష్టపడుతున్నట్టు కనిపిస్తున్నారు..ఐ-న్యూస్ ప్రజెంటర్ రవి. లోతైన ప్రశ్నలు అడగక పోయినా..మనసు పెట్టి ప్రశ్నలు అడుగుతూ తనను తాను ఇంప్రూవ్ చేసుకుంటున్నారు ఆయన. కాకపోతే మాట స్వచ్ఛతకు రవి ఇంకా కసరత్తు చేయాలి. వాక్యాలు ధారాపాతం గా వచ్చేందుకు ఏషియన్ కాలేజ్ ఆఫ్ జర్నలిజం లో మాతో చాలా ఎక్సర్ సైజు లు చేయించే వారు. ఒక బి.బి.సి. ట్రైనర్ దగ్గర వుండి....తప్పులు సరిదిద్దే వారు. పెద్దగా కేకలు పెట్టించేవారు. నాలుకను దారిలోకి తెచ్చేందుకు ఒక కసరత్తు జరిగేది. 


ఎంతో విషయ పరిజ్ఞానం వున్నా...సరైన శిక్షణ లేక పోతే ప్రజంటేషన్ చప్పగా వుంటుందనడానికి...పరకాల ప్రభాకర్ (నాడు ఈ-టీ.వీ., నేడు ఎన్-టీ.వీ.) గారు నాకు వుదాహరణగా కనిపిస్తారు. కానీ యిప్పుడు మనం పేర్కుంటున్న వారంతా సెల్ఫ్ మేడ్..చాలా బాగా ఇంప్రూవ్ చేసుకుంటున్నారు. తపన వుంటే ఎలాగైనా రాణిస్తారు.


మానవహక్కుల సేనాని డాక్టర్ బాలగోపాల్ గారి మృతి పై కందుల రమేష్ గారు టీ.వీ.-ఫైవ్ లో నిన్న రాత్రి నిర్వహించిన చర్చ నాకు బాగా నచ్చింది. విషాదాన్ని ప్రతిబింబించేలా ఆయన ప్రశ్నలు అడిగారు. సమాధానాలు రాబట్టారు. కాకపోతే అ స్క్రీన్ ను నాలుగు భాగాలుగా స్ప్లిట్ చేయటం వల్ల చర్చ అప్పుడు కొంత ఇబ్బంది గా వున్నట్లు అనిపించింది. 


స్వప్న గారు సీరియస్ చర్చలకు సూట్ కారు. ఎన్.టీ.వీ.లో మహిళా యాంకర్లు చాలా కష్టపడుతున్నారు. వివిధ ఛానెల్స్ లో  కొందరు వుమెన్ జర్నలుస్ట్ లు బాగున్నారు కానీ..వారు ఇంప్రూవ్ చేసుకోవాల్సింది చాలా వుంది అని నాకు అనిపిస్తున్నది. కొందరి పరిస్థితి అయితే చెప్పనలవి కాకుండా వుంది. అటు భాష, ఇటు విషయ పరిజ్ఞానం శూన్యం. ఒక్క బాడీ వుంటే చాలు..బుర్రతో ఆంధ్ర జనం అడ్జస్ట్ అయిపోతారని రవి ప్రకాష్ గారు ఎన్నడో సూత్రీకరించారు. అది చాలా సార్లు వర్క్ అవుట్ అవుతున్నట్లున్నది.


ఏతా వాతా చెప్పొచ్చేది ఏమిటంటే..చర్చల నిర్వాహకులకు గాని, మోడరేటర్ లకు గాని  వుండాల్సిన లక్షణాలు: భయం లేకుండా కూల్ గా వుండగలగడం. విషయ పరిజ్ఞానం. లోతైన విశ్లేషణా సామర్ధ్యం. భాషా సామర్ధ్యం. తప్పులు లేకుండా..పదాలు పలక గలగడం. సమయోచితంగా...తడుముకోకుండా ఉప ప్రశ్నలు సంధించగలగడం. తత్తరపాటు లేకపోవడం. వీటన్నింటికన్నా...గెస్ట్ లకన్నా, జనం కన్నా నాకే అన్నీ తెలుసు అనే పొగరుమోతు తనం లేకపోవడం చాలా ముఖ్యం. కాస్త హోం వర్క్ చేస్తే..మన వాళ్ళు ఇరగ తీసేస్తారు. తధాస్తు. 

3 comments:

Anonymous said...

dear ramuji.. mee blog chaala bagunhi. reporterla verri veeshalapai marinni raayavalasi unnadanipinchindhi. journalismlo peda dhoranlanu endagattadaaniki meeru marinthagaa vijrumbhinchaali. journalism musugulo paalakulku daasoham chesthunna vaari bhagotham kuda ee tharam jouralistlku theliyaali. andadandaa leni vaaru ee vruthilo nilabadalekapothunna theerupina meeru galam ethaali...
shankar

Gollapudi Srinivasa Rao said...

tv9 has become a fake channel. most of the people like jakir and rajanikanth bore the people as they lack basic understanding of the issues and go on beating around the bush. they should read newspapers and improve their language. should also have common sense. audience are not fools and tv fellows should stop acting like intellectuals.
srinivasa rao

kvramana said...

the problem as i see it is simple. there is no effort to do some homework before interviewing someone
take the case of discussions held on AP 'winning' four oil blocks in NELP VIII. While one channel claimed that the winning was because of its own efforts, the other channel said that the dreams of YSR had come true. I bet no one understood the development properly. Being a 10 per cent stakeholder in all the four oil and gas blocks in KG basin, what is the state expecting? One anchor/presenter went to the extent of promising the viewers that the days of getting a gas cylinder for RS 200 are not very far. Foolish comment. First of all oil and gas business itself is so complicated. For our presenters to understand it will take some time. since people like me have been writing about it since 2003, it is slightly easy to understand. But, not all were business journalists. Still, they tried to interpret the development. Please ask them to stop it.
ramana

Post a Comment

Please use the forum for the greater good of journalism. Don't misuse it for any other purpose. If you don't like any story, please let me know. Let us work for a cause...Ramu

తెలుగులో టైపుకు www.lekhini.org కాని www.baraha.com విజిట్ చేయండి